رواية راائعة للكاتبة سوليية نصار مكتملة لجميع فصول... ( ريم و إياد )

 الجزء الاول 
مش هتجوزه !
هتتجوزيه يا ريم 
دموعي نزلت وقولت
يا بابا ده عنده ستين سنة ...يعني قد جدي حرام عليك ترميني الرمية دي ...
اومال هتقعدي هنا لحد امتي ...انتي عنستي خلاص ...
بصتله پصدمة وقولت
انا لسه عندي تمانية وعشرين سنة انت بتقول ايه ...
بصلي ببرود وقال 
من غير كلام كتير يا ريم ...انتي هتتجوزي الحاج صابر ورجلك فوق رقبتك ...وفرحك هيبقي الاسبوع اللي جاي ...
وبعدين سابني ومشي ... حطيت ايدي علي وشي وبدأت ابكي ...معقول اتباع بالسهولة دي ومين ابويا يبيعني ...بس هو عمره ما حبني ودلوقتي عايز يجوزني لواحد قد جدي عشان الفلوس ...حسيت كأني لعبة ابويا بيبيع ويشتري فيها ...بس لا أنا مش هستسلم مش هخليه يدمر حياتي بالشكل ده ..

....
تاني يوم 
رايحة فين 
رايحة المستشفي علي شغلي 
مفيش شغل 
يعني ايه يا بابا 
قام من مكانه 
يعني اللي سمعتيه يا روح امك مفيش شغل ...الحج صابر ميقبلش أن خطيبته تشتغل خلاص انسي الشغل يا دكتورة ...انتي كده كده في المستشفي دي كنتي بتقبضي ملاليم
حرام عليك يا اخي انت ايه ...قولي هو انا مش بنتك 
زعقت فيه لحد ما صوتي راح 
وبعدين طلع وقفل عليا من برا...
قعدت علي الارض وانا حاسة اني خلاص ھموت من القهر ...هو ليه بيعاملني كده ليه ...أنا عملتله ايه لده كله ...ليه عمره ما حبني ...أنا مفتكرش اصلا أنه حضنني في يوم من الايام ...
.....
عدا اسبوع وانا محپوسة في البيت ودموعي علي خدي لحد ما جه يوم الفرح اللي ابويا سمحلي اخيرا اطلع عشان اروح الكوافير ...
.....
ما تهدي شوية يا عروسة كل لما احطلك ميكب تبوظيه بسبب دموعك...أنا ورايا غيرك الله .
قالتها الكوافيرة وهي بتنفخ ساعتها اڼفجرت وقعدت ابكي 
يختي مالها دي ...يا بت فيه حد يبكي في اليوم المميز ده 
مش عايزة اتجوز 
مسم كلكم بتقولوا كده يختي وبعدين ...
بصتلها وقولت
العريس عنده ستين سنة 
يالهوووي ايه ده ...يا قلبي يا بنتي واهلك ازاي يرموكي الرمية دي 
عشان الفلوس
طب وانتي مرفضتيش ليه 
رفضت .مش عارفة اعمل ايه 
اهربي
ايه
قولتها وانا مصډومة فمسكت أيدي الكوافيرة وقالت
زي ما قولتلك اهربي