اسكريبت جديد ( إسراء وأدهم ) بقلم الكاتبه المبدعة إسراء مصطفى

عنه بتقول غير كدا. 
وانتي فجأة بقيتي دكتورة نفسية يا مريم! 
مش محتاجة يا إسراء انتي صاحبتي وانا عارفاكي كويس. 
على فكرة إنتي أوڤر مفيش أي حاجة من اللي في دماغك خالص. 
ماشي. 
كملت وهي بتبصلي بنظرة ليها معنى اكيد لو فكر يحب هيحب واحدة من نفس مستواه الإجتماعي. 
قصدك ايه 
قصدي إننا مش شبه الناس دي واننا لازم نحط الحقيقة دايما قدامنا علشان منتجرحش. 
اتضايقت من كلامها واتكلمت بتسرع مش كل الناس زي يوسف على فكرة. 
إسراء!
اخدت بالي من تقل جملتي عليها فقربت منها وحضنتها انا آسفة والله مش قصدي اقول كدا واضايقك. 
مقولتيش حاجة غلط يا إسراء كل الحكاية اني مش عاوزة افتح الموضوع دا وكمان مش عاوزاكي تتجرحي زيي. 
متقلقيش عليا.
يمكن فعلا حسيت بمشاعر مختلفة تجاهه بعد آخر فترة عدت لإن علاقتنا فيها اتغيرت بقى متقبل وجودي وأسلوبه معايا الطف ابتسامته بقت تظهر معايا كتير ودا مش الطبيعي بتاعه لكن رغم كدا عارفة وفاهمة كويس كلام مريم فمش هسيب مشاعري توصل لطريق مش هيوجع حد غيري.
دكتورة إسراء! 
بصيت لمصدر الصوت بذهول يوسف! بيعمل ايه هنا! بشمهندس يوسف إزي حضرتك 
الحمد لله بتعملي ايه هنا 
بصيت لأدهم اللي متابع الحوار وقبل ما اجاوبه كان أدرك سبب وجودي. 
انتي اللي متابعة كورس العلاج مع أدهم 
هزيت راسي بإيجاب وأدهم اتكلم انتوا تعرفوا بعض منين 
كنت بروح فترة المستشفى اللي بتشتغل فيها. 
ليه! انت متعبتش قريب يعني! 
ابتسمت بسخرية وهو لمحڼي دكتورة مريم اللي حكيتلك عنها بتكون صاحبة دكتورة إسراء وبتشتغل معاها في نفس المستشفى. 
بصيتله بضيق وانا بفتكر انه سابها من غير سبب وچرح قلبها انا هستنى برا على ما تخلصوا كلام وبعدين نبدأ الجلسة. 
انا اصلا كنت ماشي. 
وقف من مكانه وقبل ما يتحرك بصلي بتردد قبل ما يسأل مريم عاملة ايه 
دكتورة مريم اسمها دكتورة مريم يا بشمهندس وعموما هي كويسة جدا. 
حبيت اضايقه فلقيتني بقول اها صحيح خطوبتها كمان قريب على دكتور زميلنا عقبال حضرتك. 
ملامحه اتبدلت ومقدرتش احدد إذا كانت من أثر المفاجأة ولا حزن لكن صوته بيأكد إنه حزين بعد اذنكوا انا همشي. 
أول ما خرج لقيت نظرات أدهم محاوطاني فاتكلمت بجمود نبدأ 
مش طايقه يوسف ليه 
يبقى نبدأ. 
إسراء! 
حاجة متخصنيش علشان اتكلم فيها. 
يوسف بيحب صاحبتك بجد يا إسراء. 
رفعت عيني ليه پحده امال سابها فجأة ليه! ليه حسسها إنها ولا حاجة ومشي من غير ما يقول سبب! 
علشان كان مجبر. 
بمعنى 
لو يوسف كان كمل مع دكتورة مريم والدته كانت هتضرها في شغلها. 
مش فاهمة! تضرها ازاي! 
لما عرفت إن يوسف بيحب صاحبتك حذرته يبعد عنها لكنه رفض لحد ما هددته إنه لو بعد عنها هتسبب في طردها من المستشفى وتمنعها بواسايطها إنها تشتغل في أي مكان تاني. 
انت بتقول كدا علشان هو صاحبك صح 
انا بقول الحقيقة كان نفسي اساعد يوسف لإني اكتر واحد عارف هو بيحبها قد ايه. 
دا مش مبرر للي هو عمله على الأقل كان قالها. 
وبعد ما يقولها مستنية ايه يحصل 
سكت لثواني افكر مش عارفة لكن احسن من إنه يسيبها فجأة ومن غير سبب مفهوم ليها طبيعي هتفهم إنه كان بيتسلى وإنه مش بيحبها. 
لو انا اتكلمت مع مامت يوسف في أمل صاحبتك توافق ترجعله 
تتكلم معاها في ايه سبب رفضها! انا مش فاهمة اصلا ازاي في ناس سطحية كدا ليه كل الأغنية بيفكروا بالطريقة دي! الفلوس