اسكريبت جديد ( إسراء وأدهم ) بقلم الكاتبه المبدعة إسراء مصطفى

غلطي يعني إني بحاول اخفف عنك الوقت 
مفكرتيش تقدمي في معهد فنون مسرحية مشروع ممثلة هايلة. 
بجد اتحايلت على بابا فعلا بس رفض قاللي كدا هيخسروا دكتورة جدعة. 
دا اللي هي انتي! 
تاني مرة تستقل بيا قولتلك عندي قوى سحرية هتبهرك استنى انت بس.
كملنا الجلسة وهو بيحاول يخلص من رغيي بس انا كنت بعرف ازاي اجذبه للكلام علشان اشتته ميحسش بالۏجع وانا بحاول أحرك رجليه.
قوليلي هولاكو دا عامل معاكي ايه 
لأ يا مريوم انتي محتاجة تسأليه هو عامل معايا ايه. 
متهزريش! 
ضحكت هيحصله حاجة مني يا عيني صعبان عليا والله. 
عملتي ايه يا قادرة 
مفيش بس انا برد عليه وهو مش متعود حد يعمل كدا مش بسمع كلامه ودايما بعمل العكس واخليه يعمل اللي انا عاوزاه من غير ما ياخد باله مش عاطياله فرصة إنه يرفع صوته عليا ولا يكلمني رخم زي ما كان بيعمل مع التانيين لإن انتي عارفة صاحبتك لسانها قد كدا. 
ما المشكلة إني عارفة بس بجد براڤو عليكي دكتور شريف هيفرح منك أوي.
يخف بس وانا هشوف نفسي على المستشفى كلها استنوا عليا. 
ضحكت حقك طبعا.
شهر من العلاج والخناق بيني وبينه وفي الحقيقة أنا نقطة ضعفي الخناق يعني مهما يعمل مش هزهق مفكرني هستسلم وامشي! طيب اوي أدهم لسه ميعرفنيش كويس.
ممكن اسألك سؤال رخم
غريبة انك بتستأذني! شكلك تعبانة. 
يا الله! يعني منعرفش نقول جملتين من غير ما نتخانق! 
اسألي يا إسراء وبطلي تعقدي حواجبك بالشكل دا شكلك أهبل أوي. 
قلبت عيني بضيق صبرني يارب. 
ها ايه السؤال 
بصيتله بتردد قبل ما أقول هي الحاډثة دي حصلتلك ازاي 
أظن إن الدكتور اللي باعتك معرفك كويس انك متتكلميش في الموضوع دا. 
مكنتش اعرف انك هتتضايق كدا من السؤال انا اسفة على فضولي. 
متضايقتش على فكرة. 
بجد طب قولي حصلتلك ازاي بقى 
ضحك على فضولي وسكت بعدها لثواني قبل ما يقول كانت لحظة طيش مني انا واصحابي وقررنا نعمل سباق بالعربيات زي ما بنعمل في اوقات كتير كان كل تركيزي اني اكسب كالعادة بس فجأة معرفتش اتحكم في الفرامل والعربية اتقلبت. 
بصلي لثواني بنظرة مفهمتهاش ونطق بهدوء هو في أمل مش كدا 
نبرة الحزن اللي في صوته اثرت فيا رسمت ابتسامتي وانا بهز راسي بإيجاب خليك دايما مصدق إن في أمل وصدقني كل حاجة هتلاقيها كويسة. 
تفتكري 
انا متأكدة من كدا انا صحيح معرفش حياتك كانت عاملة ازاي قبل كدا لكن متأكدة إن اكيد حياتك اتغيرت ١٨٠ درجة بعد الحاډثة ويمكن دا اللي مخليك بتتعامل بأسلوب عدواني بس خد الموضوع على إنه اختبار ليك وانا سمعت كلام كتير عنك وقد ايه انت شاطر والمفروض تقدر على الإختبار دا ولا ايه 
ابتسم عندك حق اول مرة اشوفك بتتكلمي بجد وبهدوء ودا قالقني. 
ضحكت انا فنانة شاملة هتلاقي فيا كل حاجة وعكسها فبطل تتفاجئ مني.
حسيت بفرحته لما شاف من كلامي إني مقدرة حالته يمكن لو كنت مكانه كنت اتعاملت مع اللي حواليا بنفس الأسلوب خصوصا ان واحد بشخصية أدهم متعود طول عمره يبقى حر باباه قالي لما اتكلمت معاه إن أدهم زي الطير وصعب على اي طير إن جناحه يتكسر.
كلامك عنه بقى حلو دا واضح كدا إن في تطورات. 
عادي يعني علشان بقيت أشوفه كتير والكلام بينا بقى أكتر. 
طيب يا إسراء خليكي فاكرة إنك راحة تعالجيه وبس. 
وهو انا قلت غير كدا! 
عينيكي وانتي بتتكلمي