رواية راائعة للكاتبة ريهام ابو المجد مكتملة ( قدر لنا اللقاء ) الجزء الاخير

شبهك أبوكي كان بيعاملني أسوء معاملة وأنا مكنتش بحبه وعلى إيدك كان بيضربني ويهيني ويوم ما لقيت الشخص اللي يطبطب عليا ويحبني كان لازم أعمل كدا مش هضيع عمري كله مع واحد زي أبوكي.
شروق ضحكت بهيستريا وقالت فكان لازم تتخلصي من اللي منه حتى أنا اللي المفروض بنتك أنا كنت بعاني أكتر منك أنا كنت بدافع عنك وباخد الضړب مكانك عشان كنت بحبك بس أنتي كنت أول واحدة تغدري بيا وتبعيني بالرخيص عمري ما انسى يوم ما سمعتك وأنتي بتعرضي عليه الفكرة دي فكرة إنك ترميني في ملجأ أنا لحد دلوقتي مش متخيلة إزاي أم تعمل كدا في بنتها لية بجد دا أنا شوفت حنيتك على بنتك اللي من حبيبك اللي هجرتيني ورمتيني عشانه عاملة إزاي طب لية معملتيش معايا زيها أنا ذنبي أية
مروة أنا أسفة بس مكنشي قدامي حل غير دا.
شروق بصړاخ قولتلك أسفك مش مقبول.
مروة أمال عايزة أية
شروق بحزن نفسي أسألك وتردي عليه هو طول السنين اللي فاتت دي مخطرتش على بالك مفكرتيش تطمني عليا أو تعرفي أنا لسه عايشة ولا مۏت هو أنتي بجد نستيني
اتنهدت وهي بتمسح دموعها وقالت طب كام مرة معرفتيش تنامي فيها بالليل من ظلمك ليا طب محستيش بالذنب ولا مرة ولا حتى ثانية واحدة هو أنتي بجد مبتحسيش
مروة سكتت فشروق قالت كنت عارفة إنك أضعف من إنك تردي على أسئلتي أنتي أكيد مش جاية عشان تطمني عليا لأنك لو جاية عشان كدا كان زمانك جتيلي من زمان لما كنت مرمية في الملجأ عايزة أية يا مدام مروة عشان مش عايزة أشوف وشك بعد كدا تاني.
مروة عايزاكي تبعدي عن محمود لأن أختك سارة بتحبه من زمان وهي أحق بيه منك وأختك مش هتسيبهولك ومش عايزة يحصل مشاكل بينكم.
شروق حرفيا كانت ھتموت من الصدمة مش معقول دي أمها اللي خلفتها وحملت فيها تسع شهور لا يمكن ضحكت وقالت كان عندي أمل لأخر لحظة إنك تقولي إنك جاية عشاني كان عندي أمل إنك تحسي بيا بس كل مرة تصدميني بردك مش عارفة إزاي كنت مستنية منك تحسي بيا وأنتي زمان محستيش بيا لما كنت طفلة لا حول ليا ولا قوة.
وبعدين مسحت دموعها وقالتلها بقوة بصي بقى يا مدام مروة محمود دا حب عمري ومش هسيبهولك أنتي وبنتك وأنا اللي أحق بيه كان ليا أب وأم لما أنتم اتخليتوا عني محمود ليا أنا وبس ومش هسيبوه لبنتك المدلعة ومن النهاردة بعلن التحدي عليكم وقسما بالله وحياة اللي عملتوه فيا زمان واللي عملتيه دلوقتي لهندمكم ومحمود خط أحمر وعمري ما هسيبه ليكم ومش هفرط في حبي أنا مش زيك يا مدام مروة بفرط في اللي مني ولحد هنا الزيارة انتهت أطلعي برا ومتورنيش وشك تاني أنا خلاص نسيتك زي ما نستيني زمان.
مروة بصتلها پصدمة وجات تخرج شروق وقفتها وقالت عرفي بنتك إن محمود بيحبني أنا وعمره ما هيتخلى عني وقوليلها كمان متحلمشي حتى بيه عشان مش هتطوله طول ما أنا عايشة حتى لو مۏت بردك مش هتطوله
وإن شاء الله هنبعتلكم كروت فرحنا قريب اووي.
سمعتها وبعدين قربت من الباب وحطت إيدها على الأوكرة وفتحت الباب لقت محمود في وشها اټصدمت ومحمود قال أنتي بتعملي أية هنا!
رواية_قدر_لنا_اللقاء
الكاتبة_ريهام_أبوالمجد
البارت_الحادي_عشر
رواية_قدر_لنا_اللقاء
الكاتبة_ريهام_أبوالمجد
محمود أنتي بتعملي أية هنا!
مروة مكنتشي عارفة تقوله أية وخاڤت لشروق تقوله على اللي حصل فلسه هتتكلم لقت شروق بتقول محمود أنت جيت وحشتني تعالى.
محمود بصلها بإستغراب وقال أنا!
شروق ابتسمت وقالت ايوا يا حبيبي قرب مني.
محمود قرب منها وهو مستغرب اووي طريقتها ووقف جنبها بس هي شدته من إيده وقعدته جنبها وسندت راسها على كتفه وقالت اتفضلي أنتي بقى يا مدام مروة عشان أعرف أقعد مع حبيبي ومتنسيش تقولي لبنتك إني عزماها هي كمان على خطوبتي أنا ومحمود.
مروة كانت واقفة مصډومة من كلامها وقربها من محمود فمحمود قالها بحدة هي مش طلبت منك تتفضلي لسة واقفة لية
مروة خاڤت وخرجت بس بتفكر هتقول أية لسارة ورد فعلها هيكون عامل إزاي
مروة بغل لا ما أنا مش هخسر بنتي سارة عشان بنت سامح.
أول ما مروة خرجت شروق بعدت عن محمود وقالتله بحدة قوم من جنبي.
محمود بإستغراب نعم!
شروق بعصبية بقولك قوم من جنبي أية اللي فيها ميتفهمشي
محمود أنا مش فاهم حاجة ممكن تفهميني
شروق كل الحكاية إن دا كان عرض وانتهى خلاص.
محمود أفهم من كدا إنك بتلعبي بيا.
شروق أفهم زي ما تفهم اتفضل أطلع برا عشان عايزة أرتاح.
محمود بحزن طب ممكن تفهميني هي قالتلك أية أنتي مش كويسة أنا عارف.
شروق مش مهم أطلع لو سمحت.
محمود قرب منها ومسك إيدها وقال أنا حاسس إنك موجوعة أحكيلي يا شروقي.
بقلمي ريهام أبو المجد 
شروق دموعها نزلت وقالت پقهر وجعتني اووي يا محمود كسرت بخاطري من تاني كنت فاكراها جاية تطمن عليا بس طلعت غلطانة جاية تقولي أبعد عنك عشان خاطر بنتها أنا موجوعة يا محمود ومش عارفة أتخلص من الۏجع دا إزاي
محمود بحزن والله هترتاحي وأنا هفضل طول عمري في ضهرك وهعوضك عن سنين عذابك.
شروق متسبنيش يا محمود أنا محتجالك اووي.
محمود مش هفارقك طول ما فيا الروح.
شروق بعد فترة فتحت عيونها شافته قاعد بيبصلها وماسك إيده ابتسمت وغمضت عيونها تاني وكأنها كانت صاحية بس عشان تطمن أنه لسه موجود جنبها وكأن عيونها عايزة تطمن على حبيبها.
محمود خرج وراح القصر عشان يشوف مروة وبنتها أول ما دخل لقى مروة مجهزة شنطتها هي وبنتها عشان يمشوا.
محمود على فين
مروة هنرجع بيتنا ملناش قعاد هنا.
محمود ودي تيجي بردك لا ميصحش أنتم هتفضلوا هنا تحت عنيا.
نادية سيبهم يمشوا يا ابني.
محمود هيمشوا بس مش دلوقتي يا ست الكل.
نادية أمال أمتى يا حبيبي
محمود بثقة وهو بيبص لمروة وبنتها لما ست البيت تيجي ساعتها هخرجهم عشان تاخد راحتها.
سارة تقصد مين
محمود ابتسم وقال ستك وتاج راسك شروق حبيبتي.
سارة اتنرفزت لما قالها كدا وقالت إية تاج راسي دي ما تتكلم عدل يا محمود.
محمود بعصبية أنا أتكلم زي ما أنا عايز أنتي فاهمة وبعدين هو أنتي متعرفيش مين حبيبتي
مروة مكنتش عايزاها
تعرف فقالت يلا يا سارة نمشي.
محمود قولت محدش هيمشي يعني محدش هيمشي وبعدين لازم نعرف السنيورة بنتك مين هي حبيبتي.
بقلمي ريهام أبو المجد 
سارة مين يا محمود
محمود شروق اللي هي أختك هو أنتي متعرفيش شكل مامي معرفتكيش.
سارة اټصدمت من اللي سمعته وبصت لمروة اللي حطت عينها في الأرض.
سارة يعني إية الكلام دا يا مامي هو بيكدب صح
محمود أطلعوا كملوا نقاشكم فوق يلا.
سارة ومروة خافوا منه وفعلا طلعوا وسارة أول ما دخلت الأوضة قالت اتكلمي.
مروة كلامه صح.
سارة بعصبية يعني أية يعني بنتك جاية تاخد مني حبيبي وأنتي طبعا هتقفي جنبها صح
مروة لا أنا معاكي يا حبيبتي بس محمود هو اللي بيحبها اووي ومش هيسيبها خلاص انسيه يا سارة.
سارة كسرت الفاظة اللي جنبها وقالت لا مش هنساه أنا عايزاه وبحبه وبنتك مش هتاخده مني أنتي سامعة مش هتاخده مني حتى لو ھڨتلها.
مروة اټصدمت وقالت أنتي بتقولي أية أنتي اټجننتي دي أختك وبعدين إزاي تفكري في حاجة زي كدا
سارة بعياط أنا بحبه يا مامي ومش هسيبه لحد غيري أفهميني.
سارة ضحكت عليها وقالت بدموع حاضر بس ساعديني وخليكي معايا أنا.
مروة حاضر يا حبيبتي.
عند محمود نادية قالتله لية تخليهم هنا يا محمود
محمود عايزاهم تحت عيني طول الوقت يا ماما عشان لو فكروا في حاجة أتصرف والوقت اللي مش هكون موجود يبقى أنتم موجودين.
وبعدين اتنهد وقال وبعدين أنتي فكرك أنهم هيسيبوا القصر دا خطة منهم دي مروة ټموت ولا إنها تسيب القصر فأنا حبيت أفشل خطتها دي.
نادية ذكي من يومك يا حبيبي بس يا خۏفي من اللي جاي مروة دي عقربة وملهاش عزيز.
محمود أنتي هتقوليلي يا ماما أنا أكتر واحد عارف كل أما أشوف شروقي وحالتها بحزن اووي تعرفي إنها راحتلها المستشفى عشان تقولها تبعد عني عشان خاطر بنتها سارة صډمتها وكسرة قلبها.
نادية أعوذ بالله دي لا يمكن تكون أم لا دي لا يمكن تكون إنسانة يا قلبي عليكي يا بنتي.
محمود مټخافيش يا ماما أنا جنبها ومش هسيبها أبدا وهدفعهم التمن غالي اووي على كل دمعة نزلت منها.
نادية بطيبة أنا عايزة أروح أزورها يا محمود هي محتاجة حنان الأم وأنا هقدمهولها دي مهما كانت حبيبت الغالي وابن قلبي.
محمود فرح اووي وباس راسها وقال ربنا ميحرمنيش منك ابدا ولا من حنيتك وحبك ليا.
نادية ولا منك يا حبيبي.
بقلمي ريهام أبو المجد 
في المستشفى كانت شروق فاقت لقت الكل حواليها إلا محمود فافتكرت أنها كانت بتحلم بيه.
شروق بتعب حقك عليا يا حبيبتي.
لارين شوشو حبيبة قلبي قومي بقى بسرعة عشان الدنيا وحشة من غيرك.
شروق ضحكت وقالت طول عمرك بكاشة يا لولو.
ميرا شاورت على نفسها بصباعها وقالت أنا!
شروق ضحكت وقالت ايوا أنتي تعالي يا حبيبتي.
البنات بعدوا عنها بس قعدوا جنبها على السرير فشريف قال حمدالله على سلامتك يا شروق.
شروق بإبتسامة الله يسلمك يا شريف.
غسان قرب منها وباس راسها وقال حمدالله على سلامتك يا قلب أخوكي.
شروق ابتسمت بحب وقالت الله يسلمك يا حبيبي بس اوعى تكون استفردت بهيام من ورايا.
غسان ضحك جامد وهيام حطت
وشها في الأرض بكسوف وهو قال لا مټخافيش دي قادرة.
هيام بصتله پغضب فهو قال أقصد أنها مش زي البنات التانية لا دي متربية.
شروق ضحكت وقالت أخيرا ربنا بعتلك اللي تقدر عليك.
شروق بصت على حازم اللي واقف بعيد وحاطط عينه في الأرض وساكت فعرفت هو عامل كدا لية فقالت حازم.
فهو بصلها بحزن فقالت أية مش هتقولي حمدالله على سلامتك زيهم
حازم بحزن مليش عين أقولها وأنا السبب.
شروق ابتسمت وقالت بطل هبل وقرب كدا عشان أعرف أشدك من ودنك.
حازم فضل واقف ودموعه خانته ونزلت فهي زعلت وقالت حازم قرب والله ما قادرة أقوم أنت عايز تتعبني.
حازم لا لا خليكي أنا جاي.
حازم قرب منها فهي مسكت إيده وشدته قعد جنبها وميرا قامت ووقفت جنبه فقالت وهي بتمسح دموعه حازم أنت أخويا وعارفة إنك كنت خاېف عليا وأنا صدقني مش زعلانة منك خالص احنا الإتنين غلطنا في حق محمود كان لازم نسمعه الأول وأنا سمعته وعرفت أنه مظلوم بس دا ميمنعشي إني زعلانة منه اووي لأنه خبى عليا ومواجهنيش بالحقيقة وهعرف أخد حقي منه وعايزاكم كلكم تساعدوني.
حازم بجد يعني مش زعلانة مني!
شروق ضحكت وقالت لا بس هاتلي شوكولاتة وأيس كريم.
حازم ضحك وباس إيدها وقال