رواية راائعة للكاتبة دعاء احمد مكتملة لجميع الاجزاء ( صدفة )
كلها بقيت سجاير و الدخان ماليها.
ابوه فتح باب الشقة و دخل بعد ما رجع من الصعيد من عند اخته ندى على شمس لكنها مردتش و لا حد رد عليه فكر انهم برا البيت لكن و هو معدي في الطرقة شم ريحة السجاير بص ناحية أوضة إبراهيم و راح ناحيتها و هو بينادي عليه لكنه مردش.
استغرب لما شافه قاعد في الاوضة و سرحان دخل بضيق
ابراهيم... انت يا ابني.
فاروق بعصبية لسه داخل البيت يا بيه و انت و لا انا هنا و بعدين مش احنا اتكلمنا في موضوع السجاير دي و انت قلت هحاول تبطل... و لا هو كان كلام عيال.
فاروق بص على الطفاية و اتكلم بحدة
و بعدين ايه انت دخنت علبة السجاير كلها.
ابراهيم روق بس يا حاج انت تعبان الموضوع مش مستاهل كل دا.
ابراهيم معليش يا بابا بس كنت بفكر في حاجة و ماخدتش بالي اني دخنت كل دا حصل خير.
فاروق و الله يا ابراهيم انا هيجرالي حاجة انا و امك بسببك
ابراهيم ليه بس كدا
فاروق يعني لا عايز تتجوز و لا عايز تبطل تدخين.... بذمتك انا و هي هنستحمل كدا ازاي... عايزين نفرح بيك انت و ولادك انت خلاص كلها كم شهر و يبقى عندك تلاتين سنة يعني مبقتش صغير ناوي تفضل عازب لحد امتى ان شاء الله.
فاروق ياريت يا ابراهيم دا يوم المني و تبقى شاطرة لو قدرت تخليك تبطل السجاير دي أنا مش عارف مين اللي خلاك تدخن كان يوم ما يعلم بيه الا ربنا بس قولي مشغول في ايه مخليك تايه كدا اول مرة اشوف كدا من زمان.
فاروق كويسة الحمد لله بتسلم عليك و بتقولك هتستناك تروح لها قريب.
ابراهيم أن شاء الله.
فاروق كان حاسس ان فيه حاجة مش مظبوطه و ان ابراهيم بيحاول يتهرب و يحبي حاجة معينه لكن محبش يتكلم ما دام هو مش عايز يحكي.
انا لازم انزل الوكالة ياله سلام يا حاج.
فاروق الله يسلمك ربنا يهديك يا ابراهيم و يتوب عليك من السجاير دي كمان...
ابراهيم كان نازل السلم لما شاف عمات مريم طالعين و فيه شاب طالع معاهم و بنت
ابراهيم حس انه شاف الشاب دا قبل كدا مع مريم
نزل من جانبه بعد ما القى عليهم السلام
مريم راحت تفتح الباب اول ما الجرس رن ابتسمت لما شافت عمتها سعاد
سعاد بود وحشتيني يا مريوم... عاملة ايه يا حبيبتي
مريم حضنتها بهدوء بخير الحمد لله انتي اخبارك ايه.
سعاد بخير الحمد لله...
عمتها فايزة ازايك يا مريم مفيش حضڼ ليا و لا ايه
مريم حضنتها ببرود
لا طبعا ازاي دا انتي حبيبتي يا عمتو
فايزة بصت وراء مريم و هي بتدور على البنت التانية اللي رجعت
ما هو واضح... اومال فين اختك ابوكي قال إنها رجعت ايه مش عايزانى اشوفها و لا ايه.
مريم بضيق ايه اللي انتي بتقوليه دا يا عمتي مش هعوزك تشوفيها ليه بس
سعاد قرصت مريم بخفة من غير ما ياخدوا بالهم
مريم صدفة نايمة... انا هدخل اصحيها.
فايزة لا يا حبيبتي خليكي انتي انا هدخل اصحيها بنفسي متتغبيش نفسك.
فايزة كانت رايحة ناحية أوضة النوم لكن مريم وقفت ادامها بسرعة
لا طبعا مينفعش يا عمتي.
فايزة ليه ان شاء الله و لا أكونش هعملها حاجة.
مريم لا يا عمتي بس دي نايمة و دي واحدة اتربت برا مصر و بتحب تحافظ على خصوصيتها اوي.. بنت و نايمة اسيبك تدخلي لها ليه و بعدين هي متعرفكيش اصلا عايزاها تتصرع.
فايزة و انا اللي هصرعها يا بنت سهير..
سعاد بحدة خلاص يا فايزة خلاصنا بقا اختها هتدخل تصحيها مش موال هو...
سمر بنت فايزة بغيظ من مريم
خلاص يا ماما... سيبها تدخل هي تصحيها.
مريم سابتهم و دخلت مستحيل كانت تخلي فايزة تدخل لصدفة لأنها عارفة ان عمتها فايزة مش بتحب والدهم و بتغير منه و أنه عنده شغله و محله و بسببها كان بيحصل مشاكل كتير و كانت عايزة تجوز مريم لابنها معتز.
سعاد بجدية تعالي نقعد يا فايزة... ياله يا سمر و انت يا معتز هتفضل واقف كدا.
معتز ها لا انا جاي اهوه.
كلهم قعدوا و ثواني و عبد الرحيم خرج من اوضته سعاد قامت تسلم عليه و فايزة قامت بسرعة وراها.
مريم صدفة... صدفة
صدفة بنوم في اي
