رواية جديدة للكاتبة سلمي تامر مكتملة لجميع فصول... ( عشق البنفسج )
الحلقة الخامسة
ريناد برقت عنيها واتكلمت پصدمة
_بلال انت مصدق الكلام ده !
وكملت بصړاخ:
بتصدق ان مراتك حرامية
هالة بحدة
_بقولك ايه يابت متعمليش الشويتين دول على ابني ياروح امك ما احنا شايفينك يختي وانتِ داخلة الاوضة وطالعة بالعقد وجريتي بيه على اوضتك ايه هتكدبي عنينا ياحرامية ياكدابة
بلال لوالدته بحدة
_ماما لو سمحتي خلاص اقفلي الموضوع ده وانا هرجعلك عقدك
ريهام حسيت ان بلال بدأ يحن ف اتدخلت پغضب
_هو انت لسه هتخلي البني آدمة دي على زمتك يا بلال!
بلال بصلها بإستغراب
_و انتِ مالك اصلا لو سمحتي متدخليش دي مشكلة بيني وبين امي ومراتي وهنحلها
_والله طب منا كمان مراتك
بلال بإبتسامة مصطنعة
_مؤقتا..مؤقتا وهتطلقي ريحي نفسك
رجع بص لريناد اللي كانت لسه بتبصله پصدمة ودموع..معقول قدر يصدق أنها ممكن تعمل كده
توقعت انه هيثور فيهم..هيقولهم لأ طبعا مستحيل مراتي تعمل كده..لكن ده صدق بكل بساطة ومصدقش كلامها
بصيتله بكره ونفور لاول مرة بسبب ضعف شخصيته وطلعت على اوضتها بكل هدوء
بلال بص عليها وهي بتطلع وماشية بحزن وانكسار وقلبه وجعه جدا وكان لسه هيطلع وراها لكن لقى ايد والدته بتمسكه پحده
_رايح فين
بلال
_فيه ايه ياماما انتِ كمان ماسكاني كده ليه
هالة بحدة
بلال پغضب
_مخلاص بقا ياماما ايه هنعلقلها حبل المشنقة..ممكن متقصدش
هالة ضحكت بسخرية
_متقصدش!
ياظالمة ياهالة شوفتي البت بعينك وهي بتسرقك وطلعتي ظلماها برضو
بلال تفكيره اتشوش ومبقاش عارف يعمل ايه كالعادة
سحب ايده من ايدها پعنف وطلع ورا ريناد
لقاها بتلم هدومها وبتحضر نفسها انها تمشي
جرى عليها پخوف من فقدانها
_ايه ده انتِ بتعملي ايه
ريناد بهدوء
_هسيبك وامشي..ميرضنيش تعيش مع واحدة حرامية
بلال برفض
_لأ طبعا هتمشي تروحي فين انتِ مش هتطلعي من بيتك
_بيتي !
بيتي اللي انت متجوز فيه واحدة تانيه
ولا بيتي اللي انتوا سړقتوني فيه
كملت پغضب وحسرة
_ده مش بيتي..انا بقيت بكرهك وبكره ضعف شخصيتك وبكره بيتك وكل حاجة تخصك
بلال اتكلم پألم وڠضب من كلامها
_انا ضعيف ياريناد!
وبقيتي من يوم وليلة بتكرهيني
ريناد هزيت راسها بتأكيد واتكلمت بنبرة لأول مره يسمعها منها
_اه انا بقيت بكرهك..واه انت ضعيف الشخصية ومتهور ومتسرع وانا مقدرش اعيش مع بني آدم بالشكل ده
سحبت شنطتها وشديت ايد بنتها ونزلت پغضب وبلال وراها بينادي عليها
تجاهلته ولقيت هالة واقفة وبتبصلها بخبث وشماته
راحتلها واتكلمت بكره
_تسمحيلي اقولك انك بني آدمة كدابة وخبيثة ومريضة ومحتاجة تتعالجي..آااه
لقيت نفسها بتتلف وقعت علي الأرض
بصيت للي عمل كده لقيته بلال وبيبصلها بنظرات اول مره تشوفها من عنيه
يتبع…
