حكاية شذي كاملة للكاتبة مريم سرور
ولقيتع بيقول
_بما انك بنت وكده رايك اعرف منين ان اللي البنت اللي انا بحبها بتحبني
وكمان بيسالني اما حتة عبيط حاولت اخلي صوتي طبيعي وقولت
_ الصراحه محبتش قبل كده معرفش
_طيب تفتكري انا مثلا قليليعني ممكن ترفضني !
_قليل ازاي ما انت كامل اهو !!
اتحرج وبصلي مقصدتش كنت يعني اقصد
_تقصد ولا متقصدش انا مالي !
_معاكي حق انا اسف
مشي واستاذن عشان يمشي غبية ليه كلمته كده يوه بقي
خرجت وانا حاسه بالندم والحزن ليه كلمتة كده وليه عملت كده اصلا !!!
قررت هروح اعتذر ايا كان هو كان دايما محترم معايا
نزلت وروحت المحل شافني بس كمل ولا كانه كان شايفني زعلت من التجاهل ده بس بس انا كنت بجحه معاه برده
روحت له وعيني ف الارضه
_زيدان اا استاذ زيدان ممكن لحظه!
بصلي ببرود خير!
عيني اتملت دموع انا اسفه مكنتش اقصد اكلمك كده ڠصب عني كنت مدايقه حقيقي اسفه ويا حقك عليا انا غلطانه
_جاوبيني وانا مش هبقي زعلان
_لما تحس ان البنت اللي قدامك متلخبطه ومتوتره ومش علي بعضها وكده ولما تحس انها غريبه اعرف انها بتحبك
_تفتكري ممكن تحب واحد زي!
بصيت له من فوق لتحت وانا بقول في نفسي تحبك !
ابتسمت بهدوء وقولت مش شايفه عيب يعني ما شاء الله شخص ناجح عنده محل كبير مسئول وبشوش وبتعامل عمالك حلو واسلوبك سلس ولطيف ليه تكرهك !
حسيت ان اجابتي كانت اوفر وحساها ڤضحت مشاعري بس يلا
ابتسم ورجع شعره ورا وهو بيضحك جامد
_ياه تعرفي اول مره اشوف فيا مميزات كده للدرجه دي انا فيا مميزات !
_كلنا فينا مميزات وعيوب
مقدرتش استحمل اكتر من كده وخدت بعضي ومشيت مشيت وانا سايبه قلبي هناك معاه
روحت صليت وقرأت قرآن وبصيت من البلكونه علي الناس كل واحد جوانا شايل هم لو بصيت علي كل واحد كل واحد عنده حزن وهم جواه ما يعلم بيه الا ربنا
سمعت ساره وهي بتكلم ابراهيم عرفت دلوقتي ان الواحد لما بيحب بيتعمي عن عيوب اللي قدامه و مش بيشوفها وده عيب الحب يعني انا حاليا معميه
صحيت علي صوت ماما وهي بتقولي
_قومي مامة ابراهيم عزمانا علي خطوبة ابنها التاني
يتبع الجزء الثالث
الجزء الثالث
هي ماما بتهزر زيدان هيخطب !!يعني احساسي انه بيحبني كان غلط !طب ليه كان بيكلمني باسلوب حلو ليه طيب
خرجت وانا مېتة تفكير روحت لماما وانا مازال جوايا امل ماما هي طنط عندها ابن تالت يعني غير زيدان وابراهيم !!
بصتلي وهي بتشتغل وبترد ع قد السؤال لا معندهاش حتي لو كان عندها كان هيزورنا
_يعني دي هتبقي خطوبة زز زيدان !
_اه مفيش غيره
دخلت اوضتي جري وانا بحاول اسيطر علي الاڼهيار اللي هيحصل ده بصيت للمراية تلقائيا دموعي نزلت نزلت علي حياتي نزلت علي يوم ما حبيت يطلع وهم طلعت موهومه قعدت مسكت الموبايل بحاول اشغل تفكيري باي حاجه انا لازم انسي اصلا انا اللي غلطت
غلطت لما سمحت له يكلمني غلطتلما سمحت لنفسي احبه كنت عايشة ف هدوء وسلام لغاية ما دخل حياتي مش مسمحاه
سارة دخلت وسط عياطي جرت عليا وهي مخضۏضة
_في ايه ي شذى !حصل ايه!
دموعي نزلت انا شخص كتوم جدا حتي اختي مش هعرف اقولها
_مفيش افتكرت ذكرى وحشة مش اكتر متشغليش بالك
بصت لي بحنيه سارة اختي الصغيرة بس احيانا بحسها زي امي لمست شعري برقه وخدتني ف حضنها
_شذى تعرفي اني بحبك دموعك غالية علياانسي اي حاجه وعيشي انتي كده بټموتي بالبطئ
بصيت ليها وقولت وانا بعيط
_جربت اعيش عيشت ف وهم ليه ي سارة !
حضنتني وهي بتداعب شعري بحب وقعدت تقرا لي قرآن وتهديني
هديت شوية وقعدت افكر حتى سارة هتمشي وتسبني هفضل لوحدي دايما
حضنتها جامد وبقول وكلي مشاعر
_هتوحشيني اووي ي سارة
ضحكت جامد وقالت
_دورك هييجي يوم ي حب بس انتي كمان هتوحشيني اووي
صليت وقعدت ف البلكونه البلكونه المكان اللي بستريح فيه نفسيا بفضل ابص ع الزرع والورد بتاعي بفرح وانا بشوفه كل يوم بيكبر لقيت ورده جديدة ظهرت لمستها بحب
لبست عشان اروح الخطوبة مش عارفه هروح ازاي هروح
