رواية عريس من بلد آخري مكتملة لجميع فصول بقلم الكاتبه المبدعة هند إيهاب

لازم هو أحنا عايشين فين!!
تاني هتغلطي تاني يلا تعالي المطبخ عشان تشيلي الصينيه
مشيت معاها بهدوء ومسكت الصينيه ودخلت وأنا بصه في الأرض حطيت الصينيه وكنت هدخل بس لقيت بابا بيوقفني
تعالي يا هند أقعدي
قعدت ولقيت بابا بيقول
هيسيبكوا تتعرفوا علي بعض وهنبقا جمبكوا هنا
بصيت علي أيدي وعماله أفرك فيها وأنا متوتره وخاېفه أول مره أتحط في موقف زي ده
أحم أزيك
كويسه
تحبي تعرفي عني أيه
أنا معرفش عنك أي حاجه
خالص
هزيت راسي وقال
أخص عليهم وحشين
بصيت له وقال
طب والله حرام تحرميني من البصه دي
بصيت في الأرض من الأحراج وقال
أنا يا ستي أسمي تميم
عريس من بلد آخري_الجزء الثاني
عاشت الأسامي
ميل راسه ناحيتي وقال
وأنت أسمك أيه بقا
هند
أسمك حلو أوي
شكرا
ليه بصه في الأرض أرفعي راسك وبصي لي
رفعت راسي وبصيت له وقال
تحبي بقا تعرفي أيه تاني أدينا بندردش
أتكلمت بتوتر وقولت
هو أحنا فعلا لما هنتجوز هسافر وأسيب أهلي
أنت عايزه أيه
عقدت حواجبي وقال
اللي أنت عايزاه أنا هعملهولك
مش عايزه حاجه بس أنا مشكلتي أني عمري ما سافرت وبعدت عن أهلي
هز راسه بتفهم وقال
طب أيه رأيك تجربي جربي عادي ولو معجبكيش الوضع قوليلي عايزه أمشي
فركت في أيدي وقال
كفايه أيديكي تعبت من الفرك
عدل نفسه وقرب علي شويه بحيث أنه يفهمني وقال
نعتبر وقتها أن أحنا رايحين شهر عسل وخلال الشهر ده أنت تشوفي نفسك أيه رأيك ولا أنت خاېفه من حاجه تانيه
حاجة أيه!!
بسألك أحنا بندردش عشان تبقي مرتاحه
لاء لاء مش خاېفه
عمتا الأيام جايه كتير ومسيرك تعرفيني وأن شاء الله مټخافيش من أي حاجه طول ما أنا معاكي
سكت ولقيت بابا طلع وقال
أيه الأخبار
رد وقال
زي الفل
طلع علبة قطيفه من جيبه وقال
أستأذنك بس يا عمي نلبس الدبل
آه وماله يلا
مسك أيدي أيدي كانت بتترعش جامد وهو ماسكها أستغرب بس متكلمش لبسني الدبله ومدلي أيديه عشان ألبسه دبلته لبستهاله
مبروك يا ولاد
كانت جملة ماما وهو رد وقال
الله يبارك فيكي يا أمي
حمحم وقال
ممكن بقا أننا دلوقتي لبسنا الدبل ممكن نخرج نتعشا برا
بابا قال
وماله يا حبيبي
مسك أيدي اللي كانت متبته في الدريس وبتترعش مسكها بحنيه ومشينا نزلت وأول حاجه عملتها هي أني أخد نفسي جامد
بص لي بستغراب وقال
أنت كويسه!!
هزيت راسي بآه وشغل العربيه وفتح لي الباب دخلت العربيه وفتحت الشباك علي آخره ابتسم وأتحرك بالعربيه ووصلنا لمطعم علي البحر نزل وفتح لي الباب
ابتسمت وقولت
شكرا
العفو يا سنيوريتا
ضحكت وقولت
سنيوريتا مره واحده
ضحك ومدلي دراعه عشان أحط أيدي حطيت أيدي في دراعه ودخلنا المطعم شد الكرسي وقعدت وقعد قدامي علي الكرسي
عجبك المطعم ولا تحبي نروح مكان تاني
لاء حلو أوي وهادي 
يشبهلك
أيه
حلو وهادي يشبهلك
ابتسمت وقال
تحبي تاكلي أيه
أي حاجه
خلاص يا ستي هطلبلك علي ذوقي
طلب الأكل وكنا بنتكلم عن حياتنا وأحنا بناكل وكلامنا مكنش جد بل بالعكس كان ضحك وهزار الموضوع مكنش زي ما أنا متخيله كنت مفكره الموضوع هيبقي صعب بس طلع لذيذ وبالنسبه لأمر مره أشوفه فيها بس حاسه أن قلبي مرتاح
خلصنا الأكل وقال
تعالي يلا نتمشي
قومت بهدوء مع ابتسامه وقام وفضلنا نتمشي وقفنا عند كافيه وقال
بتحبي الأيس كوفي
سكت وأنا محروجه مسك أيدي وقال
مش عايزك تتحرجي مني ممكن ومش عايزك تبقي هاديه عايز نتجنن سوا عايزك أنت اللي تشديني وتقوليلي تعالا