اسكريبت فتاة تحت المطر من حواديت مَـريَـم وأدهـم بقلم الكاتبه المبدعة مَـريَـم وَلِـيد مُـحَـمَّد

المدير مش أكتر.. أخصائي التخاطب اللي هنا وأنت هتكوني تدريب وبعد فترة دراستك لو قدرت تثبت نفسك هتتثبت في الشغل يا مريم.
حركت راسي بإيجاب سكت فجأة وساب القلم وكل حاجة وبصلي
هي صدفة ولا قدر
رفعت راسي وكملت بهدوء
أنا مكنتش حابة إن حضرتك تاخد عني فكرة وحشة لو كنت أع..
قاي بهدوء وكمل
أنا مخدتش فكرة وحشة وأنا مش حضرتي.. لو سمحت.
قمت وقفت بهدوء وكملت
أنا آسفة أنت بالنسبالي حضرتك.. وأنا بالنسبة لحضرتك بنت متدربة معاك.
هو طبيعي تبقي عصبية طول الوقت! 
بصيت له بأستغراب فكمل وهو بيرفع حاجبه قال يعني كده هخاف شاورلي أقعد فقعدت كمل بهدوء
أنا كمان أوقات كتير ببقى عاوز أتعصب.. بس بفضل هادي وأحافظ على مشا ثابتة توترك بيبان لما بتتعصبي مشاعرك بتتعرى وبيظهر حقيقة وجود سبب مضايقك تحكمك في مشاعرك قدام الناس بيمنع ضعغك أوقات كتير يبان.
كملت بجمود
أنا مش ضعيفة!
محدش فينا مش ضعيف يا مريم كلنا لينا نقاط ضعف.. ونقاط قوة الشاطر اللي يقدر يحافظ الأتنين ويستعملهم صح.
مجادلتش ودي مش عادتي.. مريم صح مريم مبتغلطش أعترف إني شخصية أوقات كتير بتكون صعبة عنيدة في آرائي ومبعترفش بغلطي بسهولة عندي طاقة أجادل ساعتين علشان أقنع حد بوجهة نظري ومع ذلك مستحيل أتقبل أسمع رأي مخالف ليا نص ساعة.. فكوني سكتت كان غريب غريب جدا.
مريم اللي هتمسك حالة تميم معايا..
بس يا دكتور حالة تميم حالة صعبة مريم لسه متدربة ولسه جديدة.
ابتسم بهدوء وبصلي
أعتقد كلامي واضح.. حالة تميم بتاعتي أنا ومريم تمام يا مريم
حركت راسي بإيجاب وابتسمت
تمام يا دكتور.
كنت واخدة على نفسي وعد إن مهما حصل مش هنهار بسببه.. بس ڠصب عني بسرح كتير.
اقرأي ملف الحالة كويس جدا شوفي الحاجات اللي تميم عانى منها والاطراءات الناتجة عنها.. 
حركت راسي بإيجاب وأنا باخد منه الملف فكمل بجدية
مريم حالة تميم مش سهلة.. لازم تفهمي وتركزي فيها كويس أنا واثق إن هيطلع منك حاجة كويسة.
ابتسمتله بهدوء وحركت راسي
تمام يا دكتور شكرا لثقتك.
تقدري تقرأيها هنا وأنت قاعدة.
حركت راسي بإيجاب وبالفعل فتحت الملف وبدأت أقرأ.. والله الشغل ده غريب جدا أنا ليه بقرأ الكلام ده وليه الولد ده بيعاني بالشكل ده! وازاي طفل يستحمل كده!
هو والده ووالدته بجد
حرك راسه بإيجاب فكملت بهدوء
هم ازاي مكتوش من بدري إنه بيحصل ده فيه!
أتنهد بهدوء
كل تفاصيل الحالة قدامك بس أنا حاسس إنك بتحبي تسمعي أكتر.. هحكيلك اللي سمعته من لسان جده بس هتقرأي الملف يتمعن أكتر اتفقنا
حركت راسي بأيجاب فكمل بهدوء
تميم كان طفل هادي جدا جدا.. فوق ما تتخيلي لدرجة إنه في صغره مكنش بيعيط كتير يحطوه يتحط يشيلوه يتشال.. بدأوا يلاحظوا عليه تصرفات غريبة جدا لدرجة إنه في مرة راح بنفسه لوالدته وعيط وقالها إنه بيتعرض للأذى وإن خالو بيعمل حاجات مش حلوة معاه.
كنت بسمع وأنا بالمعنى الحرفي ايدي على قلبي أنا عارفة إني كنت هسمع حكايات كتير من دي.. بس ليه كده! أتنهد بهدوء وكمل
والد تميم كان بيسافر دايما ووالدته كانت شغالة وكانت بتهتم بحياتها وبخروجاتها أكتر.. فمهتمتش اوي وقالت للولد بالحرف إن اللي بيحصل ده مش شيء مش كويس ده خالك وخالك أدرى..
كان بيأذي الولد!
حرك راسه بآه ففتحت عيني پصدمة كمل بهدوء
كل ده كان محتاج أخصائي نفسي مش تخاطب بس لأن الحاجات دي حصلت لتميم وهو لسه صغير جدا