رواية بعنوان "وهل يُولد الڤرج إلا من رحم الألم." مكتملة لجميع فصول بقلم الكاتبه المبدعة إسراء جمال

كانت في الدوا لأ وكمان مواد تانية كتيير كلهم نفس النظام وأنيل عرفت وقتها إن ريم وراها حاجة وإنها مش تمام.
يا نهار أبيض وإتصرفتي إزاى
_عملت حركة تجسس للأسف أنا ندمت عليها بس يشهد ربنا والله العظيم إن عملتها علشان غرض برئ.
تجسس إيه يا مريم وإنتي پتخافي من خيالك!!
_قلتلها إن عندي مشكلة في موبايلي غيرت الخطوط في الموبايلات بتاعتنا نزلت برنامج عندها وبعدها شيلت الخط وبقى عندي علم بكل مكالماتها عالموبايل عندي.
يخربيت دماغك إزاى عرفتي تعملي ده من غير ما تشك فيكي!!
_ماهي على قدها في التكنولوجيا ملهاش فيها خالص وده اللي ساعدني.
وطبعا من المكالمات عرفتي إنه العنوان هنا.
_بالظبط وعينت حد مخصوص يتابع المكان علشان مينفعش أنا بس للأسف إتمسك ومن وقتها وأنا بيجيلي تهديدات.
طب وريم
_تخيلي إنها مواجهتنيش كل اللي عملته سابت السكن وقالتلي إنه لازم ترجع شقتهم ومن وقت ما مشيت غيرت الرقم وعملتلي بلوكات من كل حته حتى عنوان بيتها اللي كانت حكياهولي طلع عنوان غلط مع إن كنت أقدر أعرفه بس محبتش حمدت ربنا إنه كشفهالي وبعدها عن طريقي قبل ما تؤذيني ومن وقتها وأنا سيبت المكان وجيت هنا بس التهديدات مش مفارقاني.
علشان كده جبتي أنبوبة غاز صغيرة في الأوضة في حجم الإزازة إنتي عبيطة لو إتقفشتي بيه هتروحي في ستين داهية.
_أهو اللي جه في بالي ماهو أكيد مش هجيب سم مش ولاد خالتي هما علشان ياكلوا من إيدي أما ده لو فتحته هيقتلهم في الحال دفعت في الإزازة دي فلوس كتيرة أوي.
منك لله يا مريم طلع وراكي مليون حوار كان مالي ومالك.
_طول عمري يقلولي يا نحس مكنتش أعرف إنه أوي كده.
كنتي سبيه يشرب السم يا نوسة ماهو إتهبب إتلحق لازم تعملي فيها بطلة إشربي يختي إشربي.
_يعني أنا غلطانة إن كان عندي ضمير
والله الزمن اللي بقينا فيه بقى صعب الواحد حقيقي مش عارف التصرف الصح من الغلط.
_أنا حكيتلك كل حاجة أهو قليلي شايفة الحل إيه هل ذنبي إن راعيت ربنا في شغلي هل ذنبي إن خفت ربنا وراعيت القسم اللي قسمته!
للأسف يا مريم الزمن اللي إحنا فيه بقى صعب أوي اللي ماشي صح وعارف ربنا وعارف دينه وعنده ضمير بقى غريب غريب أوي.
_أنا عارفة إن ھموت كده كده مش هيسيبوني إلا لما ېقتلوني بس هؤمنك أمانة يا رحمة المكان ده لازم يتفضح على فكرة مش ده بس الست اللي روحتلها قالتلي على كذا مكان إنتي عارفة دخل مامته دار المسنين بورق مزور وأعلن ۏفاة مامته يعني محدش عارف وجودها في دار مسنين حاليا الممرضة اللي قالتلي ده وفي الحقيقة مش عارفة هي عملت كده ليه بس الأكيد إنها وراها سر هي كمان.
إنتي بتحمليني أمانة صعبة أوي.
_تذكر يا رفيقي أن الدنيا ليست باقية.
عاهدت مريم إنها لو إختفت هكمل القضية من بعدها مكنتش أعرف إن العهد ده هيكون سبب دمار حياتي بس حياتي الدنيوية فقط..
رجعنا السكن البنات كانوا شاكين فينا وقرروا يطردونا من السكن ومكنش فيه حل غير إن مريم تروح معايا البيت اول ما روحنا الكل إتفاجئ بيها محدش كان يعرف الحكاية إلا شخص واحد بس قررت أصارحه وهو عمر كان خطيبي بس كاتبين الكتاب وعلشان كده بابا سمحلنا نخرج لوحدنا مريم قعدت مع ماما وأختي ووصيتها متقولش أى حاجة لحد منهم بس رد فعل عمر صدمني وخصوصا إنه حكيت للشخص الغلط ظابط شرطة.
_أنا لازم أحبس مريم وجودها حاليا خطړ