« اسكريبت بسمة ومالك » مكتملة بقلم بسمة محمود

و فاتوره التسليم 
ازاي الحال يا ست الناس 
الهوا وقف و ضربات القلب زادت أن شاء الله بحلم 
سي الاستاذ 
اشتقت لصوتك يا ست الناس
عرفت مكاني منين و الطلب دا تبعك 
عرفت مكانك منين من صحبتك أما الطلب فا وحشني الفطير بتاعك وحشتني قعدتك و كوبايه الشاي بتاعتك كنتي واخده بحسي يا ست بسمه 
قولتلك يا سي الاستاذ انا مش حمل جمايل 
جمايل ايه يا ست بسمه 
كل حاجه عملتها جميله علي راسي و عارفه أن من حقك تزهق ليه تتحمل واحده شبهي 
واحده شبهك دا أنت ست الناس ياريت الستات كلها شبهك 
اتفضل الطلب بتاعك يا سي الاستاذ انا لازم امشي لسه عندي شغل كتير
سلمته الطلب بتاعه و اديته ضهري قبل ما يشوف دموعي و يقرأ اشتياقي ليه من عيوني 
ليه مشيتي يا ست بسمه  
قولتلك يا سي الاستاذ كل واحد ليه طاقه يوم ما نزلتلك و خبطت عليك و سيبتني واقفه علي الباب خدت علي خاطري و اتأكدت أن كلام عامر صح 
عامر !! قال ايه عامر 
مش مهم 
قال ايه يا ست بسمه ردي عليا لو ليا خاطر عندك ردي 
قال إن مفيش حد طيب و أن كل الي انت بتعمله دا شفقه و مسيرك في يوم هتزهق و انا تعبت و مش حمل بهدله تاني 
الله يسامحك يا ست بسمه ازاي تفكري و لا تصدقي كلام شبه كلام الحيوان دا حقك علي راسي و لكن اليوم دا .... اليوم دا ذكرى ۏفاة امي اليوم دا من كل سنه بيبقى تقيل علي قلبي بفتكر كل لحظه فيه و ازاي وقعت قدام عيوني و ازاي اتلقيت خبر ۏفاتها اليوم دا تقيل علي قلبي و مش بعرف اتعامل مع حد فيه لكن عمري ما قصدت اقلل منك ولا اهينك حقك علي راسي يا ست الناس
أنا...أنا اسفه مكنتش اعرف 
ليه مستنتيش ليه مشيتي يا ست بسمه كنتي واخده بحسي و رجعتيني يتيم تاني بغيابك
وقف الكلام علي لساني و دموعي نزلت واحده ورا التانيه تشكيله الم اشتياق شهرين بدونه 
ارفعي راسك يا ست الناس و متبكيش البكى ميلاقش بيكي 
و ايه يليق بيا 
أنا ... انفع 
انت بتقول ايه يا سي الاستاذ 
بقول تتجوزيني و تفضلي واخده بحسي العمر الي باقيلي و تفطريني فطير كل جمعه من ايديكي الحلوين دول في بيتنا أنا اه مش قد المقام بس انفع يعني 
مقامك عالي يا سي الاستاذ 
سي الاستاذ عايز ونس و لما دور ملاقش احسن منك قولتي اي يا ست الناس 
مفيش حروف توصف احساسي و اني كنت طايره في الهوا مع اني ثابته علي الارض و للمره التانيه ربنا ينتشلني من حزني و يراضيني و في الحالتين كان هو السبب 
السكوت علامة الرضا يا ست الناس 
أنا بنت يتيمه علي باب الله و مش حمل بهدله 
أنا عمري ما ارضالك بالبهدله يا ست الناس ولا ارضى لقلبي بالبهدله و قلبي مسكنش غير جارك قولتي ايه 
الي تشوفوا يا .... سي مالك 
يا حلاوة اسمي منك يا ست الناس حبيتي الاسم 
و صاحب الاسم