رواية بنت أمنية مكتملة لجميع فصول بقلم شيماء عبد الحكم عثمان

١٠ 
امين بنظرة اعجاب انا متأكد من كده . 
امينه اتمني اكون عند حسن ظن حضرتك ومتندمش على شغلك معايا . 
امين الله يسامحك . انا اللى اتمني ان حضرتك تتبسطى معانا سها بتبص لأمين اللى بيبص لأمينه بأعجاب وعنيها تبسمت
عدا على الكلام ده كام يوم وشيرين راجعت العقود وعدلت كام بند . وقالت لمامتها تمضي وهي مطمنه . كل ده وهي بتتواصل معاهم فون . لأن حازم لسه محدد اقامتها زي ما شيرين بتقول .... الوضع بشكل عام مستقر عند الكل . معادا قلب حازم . اللى هايتجنن يعرف مين الشخص المهم اللى كان مستني شيرين فى شقه مها . وفى الفتره . كان بيعامل شيرين . بمنتهي الهدوء والحنيه والتودد .عشان تطمنله وتثق فيه . وتزيل اي حواجز بينهم ...
عند شيرين كانت فى المطبخ قبل وصول حازم . وفاجأه تليفونها رن . ردت بتلقائيه 
شيرين الو .. اول ما سمعت صوته . ارتبكت 
قاسم بضحك واستفزاز ازيك ياعروسه . مش برضو انتى لسه عروسه وفى شهر العسل 
شيرين انت عايز ايه ياقاسم بيه 
قاسم ببرود انتى
عجبتك القعده معاه ولا أيه . ولا هو ده مخططك من البدايه .تظهرى فى سكته تانى . وتتجوزيه 
مطلبتيش . الطلاق .ليه لحد دلوقتى 
شيرين پخوف مين قال انى مطلبتش منه يطلقنى .طلبت لكن هو رافض . لو حضرتك تقدر تخليه يطلقنى . ياريييت . 
قاسم هو اللى مش راضي . ولا انتى اللى مصدقتي . اسمعى بقا اطلقي احسنلك والا انا هتصرف تصرف ميعجبكيش 
شيرين پخوف طب ادينى اخر فرصه . انا كده كده . عايزه اخلص انهارده قبل بكره .
قاسم اخر فرصه ممكن اديهالك بعد كده متلوميش غير نفسك اسبوع واحد سلام ياقطه
شيرين قفلت معاه وهي بتلعنه وبتلعن حظها وبتلعن اليوم اللى شافته فيه .. واخدت القرار انها لازم تحكى لحازم كل حاجه 
متأمله ان حازم هيحميها منه ...بعد شويه رجع حازم البيت وشيرين استقبلته بحفاوه على غير العاده .لغرض ما داخلها .ولأول مره كانت لابسه ملابس انثويه ... جهزت العشا . وحكتله على امين بيه . وشغل والدتها الجديد .وهو كان بيسمع منها والى حد ما مبسوط انها بتشاركه اخبارها .وبدء يحس ببادرة امل فى علاقتهم ولأول مره يحس ان اوضاعهم هتستقر والخلافات اللى بينهم تنتهي . 
حازم بهدوء ممكن اعرف بقا سر التغيير ده ايه . ناويه على ايه ياشيري ..
شيرين بكسوف احم . انا غلطانه يعنى .انت مش عجبك حاجه خالص . ولا عجبك انى بكلمك ولا عجبك انى فى حالى .
حازم بحب لاء .طبعا عاجبنى .وعاجبنى جدا كمان .بس كنت بسأل يعنى خلاص اقتنعتى انى جوزك واتقبلتي الفكره .
شيرين بهدوء هو احنا كنا ايه الاول ياحازم . مش كنا بنحب بعض وهنتجوز
حازم بتعقيب كنا !!! ايه كنا ديه . وتابع بحب .شيرين انا لحد دلوقتى بحبك ومنستكيش ولا لحظه . .معرفش بقا انتى ايه ..يمكن تكونى نسيتى وعشان كده اتخطبتي ...
شيرين بقله صبر ونفخت يوووووه . مافيش فايده .كل شويه نفس الموضوع . وعشان اريحك . تابعت بحزن . منستش . ومقدرتش انسي . وكنت دايما ببقا فاكره . وكنت بټعذب . وانا بجاهد نفسي عشان مفكرش فيك .والدليل اهو انا قعده قدامك رغم كل اللى عملته فيا ..رغم كل الاهانه . اي واحده مكانى مستحيل تسامحك .... بس انا فعلا بتمنى لو اقدر اغير كل اللى فات وابدء معاك من جديد . انت تنسي انى جرحتك . وانا انسي اللى انت عملته فيا . نفسي فى بدايه جديده . فيها وضوح وثقه نفسي ارمي كل اللى فات ورا ضهري وكأنه لم يكن ...حازم انا شفت بنفسي انت فى فتره قليله اتغيرت ازاي . رجعت حازم بتاع زمان . وشفت فى عنيك الندم ..
حازم بأسف وندم ندمت والله العظيم ندمت من قلبي ... انا كنت زي المغيب . ظهورك من تانى . خلانى شفت رفضك ليا وصدك لكل محاولاتى معاكى ...كل حاجه عدت قدام عنيا زي شريط السينما . كل حاجه كانت معلمه جوايا .اجبرتنى تلقائيا انى اتعامل معاكى پقسوه . لكن لما هديت خلاص نسيت . ومش عايز غير شيرين .شيرين اللى بقت بتاعتى وملكى وبس . اللى ماصدقت احصل عليها ومفكرتش . لا بالطريقه ولا النتيجه ....
شيرين تمام . وانا مستعده نبدء مع بعض من جديد . نبدء حياتنا كأي زوجين . ندى لنفسنا فرصه تانيه . ولازم نرجع ثقتنا ببعض من تانى . يبقا فيه بينا عهد . محدش ينسحب غير بتوضيح ايا كانت النتايج .
حازم قام وقف مش مصدق اللى بيسمعه .وشدها وقفت قدامه . وبصلها بشك انتى متأكده ولا بتلعبي بيا !!
شيرين ضحكت بلعب بيك . شكرا .
حازم بتوتر وفرح مش قصدى اكيد . يعنى ..سكتتتت وتابع بهدوء .شيرين متأكده .
شيرين هزت رأسها بأيجاب وقالت بخجل متأكده ... هنا شدها لحضنه وضمھا بلهفه وهي بدلته لهفته . وبعد ما قضي معاها اجمل لحظات مرت عليه برضاها وكان فى منتهي السعاده .
حازم بحب انا عايز اعتذرلك .عن اللى حصل قبل كده .وياريت تقبلي اعتذاري . ..
شيرين بأستعباط مش فاهمه . تقصد ايه 
حازم بأبتسامه وقرص خدها بخفه لاء انتى فاهمه كويسه .اوى ..
شيرين شفت بقا الفرق .بين اللى انا ممكن اديهولك برضايا . واللى ممكن تاخده ڠصبا عنى ..
حازم رفع ايديه بأستسلام وهو مبتسم وبيقول عندك حق ..علمتينى الادب . عشان كده مش هايحصل تانى ڠصبا عنك ابدا ..
شيرين بهزار بس انت بټضرب بغباء ...تقلت ايديك اوى ياحضرة الظابط ..
حازم اسف يا روحي . اوعدك عمره ماهيحصل تانى ابداا .
شيرين حتى لو انا طولت لسانى ....
حازم لاياحبي انا مش هامد ايدى وانتى مش هتطولي لسانك . وكده نبقا اتفقنا . ضحكوا مع بعض 
شيرين سكتت شويه وبدء كلامها بجديه حازم ! احنا بدئنا من شويه بدايه جديده
.... انا كنت عيزه احكيلك اللى حصل زمان واعرفك ايه اللى خلانى ارفضك . واسمعك كل الكلام اللى مفيش كلمه منه صحيحه ...حازم جلس بأعتدال . وبدء ينصت بأهتمام ..تابعت شيرين پخوف .اوعدنى انك تتصرف بحكمه وعقلانيه ولازم تحميينى .
حازم بأستغراب احميكى من مين .اتكلمي على طول ياشيرين ...
شيرين بتردد قاسم اخوك . قاسم هو السبب شيرين حكت لحازم كل حاااجه حصلت . ولحد مكالمته ليها الصبح 
حازم قام پغضب وهو بيلبس التيشرت انتى بتقولى ايه ..مستحيل . كدب . قاسم لا يمكن يعمل كده...
شيرين من هدوء لصوت بيعلى تدريجيا متتسرعش وتكدبنى . انا صادقه فى كل كلمه قولتهالك . قاسم هو السبب . انت بنفسك شوفته فالمستشفي . وشوفته مقرب منى ازاي . كان بيهددنى . وطلب منى اطلق منك .
حازم پغضب وبيحرك راسه بأستنكار . ومصمم ان شيرين بتكدب لا لا انتى كدابه . ايوه انتى كدابه .اخويه مستحيل يعمل كده . يرفض جوازى منك اه ... يهددك متقربيش منى اه . لكن يحط عينه عليكى . ويطمع فيكى لنفسه لاء .ومليون لاء
شيرين غمضت عنييها بحزن وۏجع ياحازم .انا لسه معهداك من شويه على بدايه جديده . انت كده بترفض العهد ده
حازم بعصبيه انتى ضحكتى عليا . رسمتى عليا الحب من شويه عشان ټنتقمي .منى وتوقعينى فى اخويه !!!!
شيرين پغضب بس ولا كلمه تانيه . مش مصدق اللي بقوله براحتك ما تصدقش بس عايزه اقول لك على حاجه اخوك ده اقذر بني ادم شفته في حياتي بيحاول وبستماته ياخذني منك ما اعرفش ده علشان عجبته فعلا ولا عشان بيكرهك..
حازم هبنت امينه 
.شقي اوى حازم وحركاته حلوه . بيعرف يضحك عليكى بيها ... قالها قااااااسم .بمنتهي البرود والسخريه وهو بيفك قبضة 
ايده من على شيرين .اللى شهقت پصدمه وكادت ان تفقد الوعي .............
فى اللحظه ديه كان حازم بيسمع اسم قاسم من فم مها .وهو بيقوم يقف وكأن انغرز خنجر فى قلبه . لاء هو فعلا انغرز خنجر فى قلبه .. خنجر قتل الأخوه .قتل صلة الډم بينهم .قتل كل معانى الرحمه والأنسانيه . لما الاخ ېغدر بأخوه . ويفرق بينه وبين حبيبته ويطمع فيها لمجرد انها عجبته .... حازم قلبه كان پينزف حرفيا .مش مستوعب هو سمع ايه . واستغبي نفسه جدا انه مصدقش شيرين وكدبها .وكان مصر ان قاسم مش بالقذاره ديه ..... وديه محاوله منها للأيقاع بينهم .
حازم بدء يعود لوعيه ومفكرش يقف فى مكانه كتير .اخد مفاتيح عربيته وخرج من المكتب زي المچنون وراح لشيرين .....
قاسم لسه عينه عليها .وتقريبا مش سامع هي قالت ايه . او سمع وتجاهل كلامها .قال بأعجاب شديد ... تعرفي ان شعرك حلو اوى ..انتى كلك على بعضك حلوه ... هنا شيرين استوعبت انها فى بيتها طبيعي قالعه طرحتها اللى مش طبيعى وجود قاسم بأختلاس .. حطت ايديها على شعرها .وكانت بتتمنى فى اللحظه ديه تكون ساحره عشان تخفي نفسها من قدامه ومن حسن حظها كانت لابسه بيجامه طويله وبأكمام . تابع قاسم ...رغم انك ممكن متكنيش احلى ست شفتها . وان فى احلي منك كتير . بس انتى . مختلفه . جمالك مختلف . ليكى سحرك الخاص . سحرك اللى اجبرنى .اكسر حدود المنطق .واحبك رغم انه مش من
حقي ...
شيرين بتبلع ريقها پخوف ونبره صوته الهاديه .اللى مطمنش . انت عايز مني ايه !!!
قاسم بيقرب بهدوء عايزك . من الأول قولتلك انى عايزك .
شيرين پخوف انا مرات اخوك . اللى انت بتقوله ده مش منطقي . حرررام عيب . مسمعتش فى حياتك عن الحړام . وتابعت پغضب .وثقه مهزوزه ....هو انت ايه !!! مش خاېف لأقوله 
قاسم ضحك ببرود وبثقه قال .. حازم مستحيل يصدقك . مش هيصدقك . حازم يصدق اي حاجه فيا . ألا .انى اخونه . اصلك انتى متعرفيش .انا عند حازم ايه . انا اللى مربيه ..... هنا شيرين غمضت عنيها بحزن لأنه فعلا مصدقهاش ...
شيرين بقلة حيلة انت مرريض .