اسكريبت جديد بقلم اسراء مصطفى مكتملة ( 1 ) .

كان شكله جميل وهادي زي ما بحب ليه بقى 
علشان اجاوبك على سؤالك. 
عقدت حواجبي باستغراب سؤال ايه! 
سألتيني إذا كنت بعتبرك زي حبيبة. 
بس انت جاوبت. 
قولتلك انك مش زيها بس مقولتلكيش ليه مش عارف اشوفك زيها. 
بدأت أخترع أي كلام عبيط من توتري من نبرة صوته ماهو اكيد علشان انت متعرفنيش من زمان و ..
لأ مش علشان كدة انا مش عارف اشوفك زيها مع اني حاولت. 
بصيتله بعدم فهم فكمل شايفك بطريقة مختلفة بتخلي دقات قلبي تزيد من قربك معاكي بحس إني مبسوط بشكل مختلف بكون عاوز اشوفك طول الوقت أول مرة شوفتك فيها وشوفت طريقة لبسك استغربت وبقيت ارخم عليكي واقول انك شبه الولاد علشان اضايقك لكن اول مرة شوفتك فاردة شعرك وكمان لابسة فستان اتمنيت جوايا انك ترجعي للبسك العادي ومحدش يشوفك بالشكل دا ..
شكلي كان وحش اوي كدا! 
بالعكس انا كنت عاوز اخبيكي من حلاوتك مكنتش طايق حد يبصلك حسيت اني عاوز آخدك في وابعدك عن عيونهم. 
بصيتله بذهول وفضلت متنحة وانا مش مستوعبة هو بيقول ايه! كمل كلامه حسيت بڼار جوايا لما حبيبة قالت قدامي ان في واحد معجب بيكي وقتها كنت عاوز آجي ازعقلك ذنبك ايه مش عارف بعدين فهمت إحساسي وعرفت إنه غيرة. بعدت وسيبتك بعد الكلام اللي قولتهولك علشان كنت عارف إنك مش عاوزة تشوفيني في الوقت دا بس لقيتني بشتاقلك عاوز ارجع واشوفك عاوز اضايقك تاني واسمع صوتك وانتي متعصبة من كلامي. 
ابتسم بقيت بفتكر مواقفنا سوا واللي كانت معظمها خناق بس كانت بتهون عليا اشتياقي ليكي. 
كل كلمة منه دلوقتي بتدوب قلبي فقت من ذهولي وانا بحاول اتهرب بعيني منه علشان ميغماش عليا انت .. انت قصدك ايه بالكلام دا 
ضحك بهدوء عاوزاني اقولها صريحة يعني.
بص في عيني انا بحبك وعاوز أكمل الباقي من عمري معاكي. 
صوت دقات قلبي كان عالي لدرجة حسيت إنه سامعها الكلام كله اختفى من دماغي اللحظة اللي استنيتها من يوم ما قلبي وقع فيه دلوقتي انا عايشاها! انا بعيش حاجة اتمنيتها لأول مرة! 
إسراء! 
ها! نعم. 
رفع حاجبه نعم بس
انا متلغبطة. 
مش دا الرد اللي مستني اسمعه انا متأكد إني مش لوحدي اللي حاسس بالمشاعر دي متأكد إن ليا مكان في قلبك. 
بصيتله بحيرة ليه انا يا أدهم 
مينفعش تسألي سؤال زي دا محدش ليه سلطة على قلبه يا إسراء انا وقعت فجأة ومن غير أسباب. 
وتقبلت دا ازاي وانت عارف كل اللي مريت بيه مش خاېف تعاني بعدين 
ليه بتزرعي شوك الماضي في الحاضر 
في حاجات مينفعش تتنسي خصوصا لو كان أثرها لسه موجود في الحاضر. 
وانا مش شايف إن في حاجة سواء قبل كدا أو دلوقتي تمنعني أحبك واللي مريتي بيه يخليني أتمسك بيكي اكتر مش أخاف. 
بس ... 
بس ايه ايه يا إسراء انتي بتحاولي تطفشيني ولا ايه 
ابتسم بمكر وبعدين ما انتي مكنتيش طايقة سارة بسبب قربها مني.
اتهربت بعيني محصلش على فكرة. 
يعني مكنتيش غيرانة
هزيت راسي بنفي من غير ما أبصله ولا كنتي مبسوطة لما عرفتي انها هتتخطب علشان هتبعد عني
عاوز ايه يا أدهم 
تقوليلي حاسة بإيه. 
اخدت نفس عميق وبصيتله بحبك ..
ظهرت ابتسامته اللي اختفت بمجرد ما كملت كلامي بس انا خاېفة مش هقولك إن تفكيري لسه هو هو لكن انا لسه متعافتش انا لسه بحاول بحاول أصلح علاقتي ببابا بحاول أتعامل مع الناس من غير خوف ومن غير ما أحس إنهم هيإذوني بحاول مقربش ناحية أي حاجة حادة علشان مجرحش نفسي بحاول مفكرش في الف حاجة واقضي على الصوت اللي بيتكلم جوايا بحاول أحس بحب اللي حواليا وبحاول مفكرش فيك واقنع نفسي إن اللي بحسه ناحيتك مش حب لإني مش عايزة أأذيك ضلمتي وحشة أوي يا أدهم وانت متستاهلش تعيش فيها.
فصل باصصلي وساكت لثواني خلصتي 
هزيت راسي باستغراب فسند بإيده على الترابيزة ورجعت ابتسامته من تاني بحبك ومش فارق معايا أي حاجة من اللي قولتيها غير انك بتحبيني. 
يا أدهم افهمني ...
قاطع كلامي إسراء اللي قدامي دلوقتي مش هي إسراء اللي كانت من شهور ومتأكد إن بعد شهور هتكوني غير لإن من جواكي إنتي عاوزة وبتحاولي تتغيري ولو على ضلمتك فمتقلقيش عليا انا مبحبش قد الضلمة. 
غاوي تعب. 
غاوي حب. 
ابتسمت ڠصب عني ولو ندمت 
عمر
٣ شهور فاتوا غرقني فيهم حب وحنية وقعتني في حبه أكتر وأكتر الخۏف اللي جوايا كان مع الوقت بيختفي بسبب وجوده پنتخانق ونشد قصاد بعض لكن مبيهونش عليه زعلي حتى الجلسات اللي كنت بروحها قلت والدكتورة قالتلي ان وجوده في حياتي بيخليني أتعافى بشكل أسرع.
لدرجة ټخطف أدهم هيتجنن لما يشوفك. 
ضحكت بهدوء مبسوط 
مبسوط بوجودك متعرفيش استنيت قد ايه علشان أشوف النظرة اللي في عينيك دي ليا هفضل أعتذرلك لحد ما أموت على اللي عملته. 
عيني دمعت بعيد الشړ عليك ربنا يخليك ليا انا خلاص مبقتش فاكرة أي حاجة ولا بقيت زعلانة منك. 
انتي غالية عندي اوي يا إسراء خليكي دايما فاكرة دا. 
ابتسمت وقبل ما أرد سليم وحمزة دخلوا الأوضة أول ما شافوني وقفوا مكانهم وبصولي بانبهار سليم اتكلم لأ مش هنخليه ياخدك مننا احنا اصلا رافضين انك تتجوزي. 
ضحكت انا بقول كدا بردو. 
بابا مد ايده ليا علشان ننزل واتكلم وهو بيضحك طب يلا علشان أدهم لو سمع كلامكوا دا مش بعيد يعمل چريمة. 
اخواتي قربوا مني وهما هتوحشينا اوي. 
شددت على انتوا أكتر.
بقى ليا عيلة وبقيت مبسوطة! بقيت أحس الإحساس اللي اتمنيت دايما أعيشه كمان اتحبيت وحبيت يمكن ناقصني أهم شخص لكن متأكدة انها دلوقتي فرحانة بيا وفرحانة اني لقيت اللي كان نفسي فيه أخيرا.
ايدك لاقطعهالك. 
ايه يا عمي انت مش مفروض تسلمهالي! 
بصراحة بفكر ارجع في كلامي. 
نعم! بقولك ايه يا عمي بنتك اصلا بقت مراتي من اسبوعين فتعطيهالي بما يرضي الله ولا اخطڤها بما يرضي الله بردو 
كل اللي واقف كان بيضحك عليهم بابا اتكلم بنبرة هادية انا بعطيلك حتة من قلبي حافظ عليها. 
بصلي بحب دي في قلبي. 
بابا اتحرك من جنبي وايد أدهم بقت مكانه نزل براسه جنب ودني وبالنسبة لقلبي اللي دايب في جمالك دا اعمل فيه ايه 
ضغطت على ايده وانا حاسة بارتباك من كلامه ومن نظرات الناس اللي محاوطانا بطل تقول كلام يوترني. 
دا من النهاردة مفيش غير من الكلام دا. 
وقفنا في نص القاعة والأغنية اشتغلت ضمني ليه فرفعت ايدي وحاوطت رقبته تعرف مكنتش متخيلة إني اكون مبسوطة بالشكل دا في يوم مكنتش متخيلة إن النهاية هتكون حلوة كدا. 
ابتسم وضمني ليه اكتر وكإنه بيأكد على وجودنا سوا دي لسه البداية.
تمت
النهايه