اسكريبت جديد بقلم اسراء مصطفى مكتملة ( 1 ) .

ما كنت صدقيني كل حاجة هتبقى كويسة انا مش عاوزة أشوفك ضعيفة كدا.
كل العيلة جات علشان تطمن عليا معادا هو عرفت انه سافر بعدها بيوم دا خلاني مرتاحة شوية لإنه لو كان موجود ڠصب عني كلامه هيتردد في ودني ومش هتحمل أسمع صوته مش هتحمل اشوفه قدامي بعد كلامنا مش عاوزة اشوف نظرة الشفقة في عينيه.
محتاجة اتكلم مع حضرتك. 
شاورلي اقعد جنبه بابتسامة تعالي. 
قعدت جنبه بهدوء كانت أول مرة من وقت ما جيت ابادر واتكلم معاه عاوزة أفهم ايه اللي حصل بينك وبينها. 
خلينا في دلوقتي وبلاش كلام في اللي فات انا عارف اني غلطت في حقك كتير واني مكنتش الأب اللي تتمنيه لكن من وقت ما جيتي وانا بحاول والله وهفضل أحاول علشانك وعلشاني. 
لكن انا محتاجة أفهم انا فجأة حياتي اتبدلت قعدت في بيت اكتر شخص ظلمني وفي الآخر اكتشف ان هي كمان ضحكت عليا. 
بلاش نقول انها ضحكت عليكي انتي اكتر واحدة عارفة هي كانت بتحبك وپتخاف عليكي قد ايه رفضها لوجودي في حياتك مكنش صح احنا الاتنين غلطنا لما دفعناكي حساب أفعالنا من غير ما نحس لكن هي عملت كدا خوفا عليكي مني ويمكن خاڤت اخدك منها بعد السنين دي كلها. 
طلبت منها الطلب دا امته 
بعد ما سيبتها ب ٨ سنين يعني كان عندك ١٣ سنة. 
وايه اللي رجعك بعد المدة دي 
بالصدفة كنت بدور في حاجات قديمة ليا على حاجة وقابلني صوري انا وانتي سوا زي ما اكون كنت فاقد الذاكرة ورجعتلي يوم ورا يوم وصورتك مبقتش تروح من بالي ومشتاق اوي اني أشوفك واشوف شكلك بقى عامل ازاي أدركت انانيتي في الوقت دا انتي ملكيش ذنب في قرار انفصالنا بدأت الوم نفسي لدرجة اني بقيت اعيط بسبب اني خسرتك وقتها ليلى شجعتني اني اجيلك واتكلم مع مامتك واقنعها اني ارجع لحياتك من تاني واحاول أصلح كل اللي عملته كنت عاوز اعرفك على اخواتك وتتعلقوا ببعض وتعرفي ان ليكي عيلة لكن لما روحتلها رفضت حاولت كتير معاها لكن في كل مرة كانت بترفض بشكل أكبر من اللي قبله ولما قررت اني اشوفك ب
كنت بسمع وانا بعيط وبعد ثواني هو كمان لقيته بيعيط كمل بحزن واضح في عينيه وفي صوته ال٨ سنين اللي فاتوا دول كنت براقبك فيهم من بعيد بعرف عنك كل اخبارك بشوفك وانتي بتكبري قدامي. 
قام وقف وفتح درج مكتبه طلع منه صور وحطها قدامي مسكتهم وانا بتفرج عليهم كانت كلها ليا في أيام وأماكن وسنين مختلفة. 
اكتر ما خسرتك. 
مسك ايدي وهو بيبصلي بدموع ورجاء ارجوكي سامحيني على الۏجع اللي عيشتيه بسببي سامحيني لإني والله اخدت عقاپي السنين اللي عيشتيها بعيدة عني ...
كنت متعاطفة معاه لكن مش قادرة أقرب دقايق وبقى أهدى وانا كمان حاولت اكون أهدى رغم اللغبطة اللي حصلت جوايا مكنتش عارفة احدد موقفي تجاهه بس اللي لازم يحصل إننا نلاقي دوا يداوينا احنا الإتنين.
شايف انك بقيتي كويسة.
رفعت وشي بتعجب أدهم!
يتبع ..
3
شايف انك بقيتي كويسة.
رفعت وشي بتعجب أدهم! 
ابتسم ايه اللهفة دي! وحشتك مش كدا 
انا بس اتفاجئت لإني مشوفتكش من زمان. 
عارف إن وجودي بيضايقك قلت اريحك شوية مني. 
تقوم تسافر!
دول هما ٤ شهور ورجعت اهو ومش هبطل اضايقك من تاني. 
ابتسمت مبقتش اتضايق زي الأول. 
بصلي من فوق لتحت واضح إن في حاجات كتير اتغيرت.
كان قصده على لبسي اللي قررت أغيره لحاجة تليق بيا كبنت والمره دي على طول حاولت أصلح كل حاجة كانت خانقاني وتعباني وأولهم علاقتي ببابا اللي قررت أخيرا إني اعطيلها فرصة علشان مرجعش اندم ودا طبعا بمساعدة الدكتورة النفسية اللي وافقت أروحلها. 
ازاي محبتيش قبل كدا 
هو لازم! 
مش عارف بس بحس ان الكل كان عنده حب طفولة أو مراهقة كدا يعني. 
اها فعلا انا كنت معجبة بواحد زميلي وانا في الحضانة. 
حضانة! 
ايوا كان بيجيبلي ټوفي بالفراولة دايما. 
ضحك حبيتيه علشان كان بيجيبلك ټوفي! 
بالفراولة تفرق على فكرة. 
تفرق في ايه 
ان دي كانت المفضلة عندي فكنت حاسة انه مهتم بيا وكدا تفكير طفلة بقى. 
كان اسمه ايه 
عمر. 
ابتسمت وانا بفتكر كانت ايام جميلة مش فاكرة منها حاجات كتير بس فاكرة كويس وجود بابا معايا وقد ايه كنا عيلة جميلة وقتها. 
واهو رجعتوا اتجمتعي انتي وهو من تاني يمكن الجاي يكون أحلى بالذات في وجود سليم وحمزة. 
ابتسمت عندك حق. 
حاولت أغير الموضوع علشان معكننش على نفسي وعليه احكيلي بقى انت حبيت كام بنت 
مش كتير الصراحة مرتين كدا. 
اسمهم ايه وعرفتهم ازاي 
دي حاجات هبلة سيبك. 
انا حكيتلك يبقى انت كمان احكيلي. 
لأ مش فاكر اصلا. 
رديت پغضب مصطنع والله! انا اصلا غلطانة اني اتكلمت معاك.
مش عارفة ازاي تعاملنا مع الوقت اتحول لكدا بس هو من يوم ما رجع وهو بيعاملني كويس بقى الطف بكتير رغم شخصيته الحادة شوية مبقاش يقولي حاجة تجرحني أو انا فهمت إنه كان بيعمل كدا علشاني علشان أقبل اتغير وبالفعل نجح في دا لكنه لسه بيرخم عليا لكن المرة دي رخامة من نوع تاني رخامة محببة لقلبي ورجعت المشاعر اللي حسيتها ناحيته قبل كدا ترجع من تاني والمرة دي على اكبر.
تصدقي الشميز والكاب كانوا عاملينلك هيبة بردو. 
بطل تريقة. 
شد شعري بغيظ انتي فاردة شعرك كدا ليه!
ضړبته على ايده انت اهبل! 
شعرك مش حلو وهو كدا لما بتلميه بيكون شكله احلى. 
انت مالك بشعري 
انا بقول رأيي عادي. 
طلعت لساني باستفزاز عاجبني كدا ملكش دعوة. 
اهو انتي بقيتي ارخم مني. 
البركة فيك. 
سكتنا لدقيقتين وبعدها لقيته بيقوم ووقف ورايا وبيلم شعري لفيت وشي ليه بعدم فهم بتعمل ايه!
مردش عليا وكانت عينيه مركزة مع واحد قاعد قصادنا بصيت للشخص دا واول ما أخد باله اننا بنبصله لف وشه الناحية التانية ممكن افهم في ايه 
البيه قاعد يبصلك من اول ما قعد ومشالش عينيه من على شعرك اللي كل شوية يطير دا. 
لقيتني بعمل زي أي بنت لما بتحس ان الشخص اللي قدامها غيران عليها طيب و ايه المشكلة 
انتي شايفة ان دا عادي!
لأ مش عادي بس المفروض انا اللي اتضايق بالشكل دا مش انت. 
بقولك ايه يلا نمشي. 
بصيت في الساعة بس لسه نص ساعة على ما حبيبة تخلص مشوارها وتجيلنا. 
هنستناها برا مزاجي قفل من المكان.
مفهمتش ايه اللي حصله فجأة كدا اكيد مش زي ما إحساسي مصورلي إنه غيران عليا رغم اني مبسوطة بالإحساس دا لكن انا عارفة ان واحد زي أدهم عمره ما هيحب واحدة زيي خصوصا انه شاف بنات كتير حلوين ومن غير مشاكل.
ملاحظة إن في ناس قربت من ناس كدا. 
قصدك ايه يا حبيبة 
انتي وأدهم علاقتكوا اتغيرت خالص وقربتوا من بعض. 
عادي يعني هو مش ابن عمي 
والله! امال ايه بقى انا وأدهم عمرنا ما هنبطل خناق وأدهم دا واحد