قصة شخير مراتي مكتملة بقلم سيد داود المطعني
خخخاااا ... خوووو .... هممممم
_ آيااات
الصوت طالع من بطنه
بيمسك طفاية ويدفعها من على الترابيزة وبيوقعها ع الارض علشان تعمل صوت عالي والكل يصحى
_ طررررررررررررراخ
مرتضى اتفزع من صوت الطفاية ووقع مكانه ع الأرض ... ووشه اتغير للون الاحمر
إيناس وآيات والاولاد قاموا جري على مصدر الصوت وشافوا مرتضى ع الأرض
لكن آيات قالت لهم عن المفاجأة .. أن إيناس بدأت تشخر من بعد ما دخلت تنام بعشر دقائق
وان كل الصوت ده كان صوت شخير إيناس
وان هاني جوزها عنده حق..
الكل مستغرب..
إيناس عمرها ما كانت تشخر وهي نايمة ايه جرى لها
_ انتي لازم ترجعي بيتك وتعتذري لجوزك .. وتروحي معاه عند الدكتور .. وتشوفوا ايه سبب الشخير ده
_ أرجع له ازاي يا بابا ده مفكرش ييجي يسأل عني ولا فكر يكلمني مستحيل أهين كرامتي وارجع له بنفسي وانا مکسورة
_ وانا مش ضامن جوزك يعمل ايه ده ممكن يطلقك
_ مش هيطلقني يا بابا .. هاني بيحبني
_ اتنيلي .. بلا بيحبك
_ انا عندي فكرة تخليكي ترجعي لجوزك معززة مكرمة وتروحي تكشفي كمان
_ هي ايه!
الكل منتظر فكرة ايات
يتبع ولو جابت تفاعل حلو هكمل ليكم
الحلقة التانية
آيات مرات الأب يتوعد إيناس أنها هتتصرف وتخلي جوزها هو اللي ياخدها معاه البيت..
إيناس بتطلب من أبوها الفلوس..
_ بابا .. هات الألف جنيه بتاعتي علشان لو سبقت هاني ع العيادة هضطر أدفع أنا الكشف
_ بس يا بابا انت خدتهم علشان مصاريفي هنا وانا هرجع الييت ومش هقدر أطلب من هاني فلوس
_ لا يا اختي اطلبي جوزك مرتبه كبير ومش هيتأثر بالمبلغ التافه ده
مرتضى بيدخل الأوضة بمنتهى اللامبالاة ولا كأنه بيورط بنته اللي حياتها الزوجية على كف عفاريت
إيناس بتدمع حست بالوحدة..
كل اللي يهمه انها ترجع لجوزها علشان معندوش دماغ ليها ولا عنده وقت يصرف عليها ولا حتى عايزها تقسم معاه اللقمة في بيته..
احساس بالقهرة بيسيطر عليها..
بيحبها لشخصها وروحها..
وكان بيحس بسعادة الدنيا لما يشوفها راضية..
ولو كانت متضايقة ولا مكتئبة كان يعمل المستحيل علشان يساعدها تغير جو..
بس خسارة ..
الحظ التعيس دايما بيطاردها ومش عارفة ماله الفترة الأخيرة دي متغير ومش بيحب قعدة البيت..
دايما يرجع من برة منشكح ومبسوط..
وبمجرد ما يدخل البيت يكشر وحالته النفسية تسوء ويبقى مش طابق نفسه..
آيات مرات أبوها بتحضنها وتطبطب عليها
_ ولا تشيلي هم يا بنتي أنا هروح معاكي العيادة ولا مش هسيبك خالص لحد ما جوزك ييجي
_ انت متأكدة أن هاني جاي يا طنط
_ سيبي الموضوع ده عليا يا إيناس أنا عارفة نفسي هعمل ايه
_ يا حبيبتي يا طنط آيات .. ربنا يخليكي ليا وميحرمنيش منك أبدا يارب
إيناس بتجري على آيات وتحضنها وبعد كده بتاخد حباية المهدئ وبتدخل تنام
هاني عايش حياته عادي وحاسس براحة كبيرة أن مراته زعلت وراحت عند أبوها علشان يرتاح منها ويقدر بالتدريج يوصل معاها للطلاق..
بيصحى الصبح جعان خالص ومفيش فطار جاهز زي ما اتعود يلاقيه كل
