اسكريبت جديد بقلم إيمان شلبي مكتملة ( عاجزة ولكن )
ضعيف من حقه يخرج مشاعره المكبوته
لكن للاسف احنا عايشين في مجتمع لو شاف راجل بيعيط يتقال عليه ضعيف عيل مش راجل !!!
دخل حمام المستشفي وحمد ربنا أن مكانش في حد
وقف قدام المرايه وهو بيتنهد وعيونه حمراءشعره نازل علي عينه عروق رقبته هتنط من مكانها
ثواني واڼفجر في العياط
كان ساند أيده الاتنين علي الحوض وهو بيعيط عياط هستيري وكأنه رجع طفل من تاني
فكره ان هي مش هتقدر تمشي فكره أن هو السبب في اللي حصلها من بعد ما كانت ورده مفتحه هو بأيده قطفها من البستان خلاها تدبل لدرجه أصبحت علي حافه المۏت
غمض عينه وهو بيمسح دموعه بسرعه وبيفتح الباب اللي كان بيخبط من فتره وهو مش سامع
خرج من الحمام اتجه لاوضه الدكتور وخبط الباب ودخل
اتفضل
زياد وهو بيقعد علي الكرسي
ل لو سمحت ممكن تقولي تفاصيل العمليه بالظبط
الدكتور
العمليه خطيره مش سهله نسبه نجاحها ٧٠ في الميه ده غير أن عشان نلاقي اللي يتبرع بالنخاع هيكون صعب شويه
زياد بلهفه
ا انا ممكن اتبرع
الدكتور بذهول
بس ده في خطړ علي حياتك !
زياد
انا مستعد اعمل اي حاجه اي حاجه بس المهم تمشي علي رجلها تاني
تمام انت لازم تخضع اشويه فحوصات عشان نتأكد إذا كان في خطړ ولا لا لو مفيش خطړ فلوس العمليه هتقل من خمسه لاتنين مليون لأن اللي كان هيتبرع كان هياخد تلاته مليون
زياد وهو بيهز رأسه بغموض
تمام بس ارجوك مش عايز حد يعرف اي حاجه عن الموضوع ده والفلوس اسبوع بالكتير وتكون عند حضرتك......
ملك
لسه فاكر تزورني !
قالتها بسخريه مريره وهي بتبص علي أعتاب الباب اللي كان واقف عليه زياد وحاطط وشه في الأرض بأحراج
ممكن ادخل
اتفضل
دخل وهو مازال حاطط وشه في الأرض وسحب كرسي وقعد قدامها وهي بتبصله بعتاب
اتنهد ورفع رأسه وهو بيقول بهدوء
العمليه بتاعتك اتحددت يوم الخميس اللي جاي
العمليه اللي هتخليكي تقدري تمشي تاني
ملك باستغراب
ازاي العمليه غاليه اوي
زياد وهو بيتنهد
اتصرفت
ملك باستهجان
اتصرفت في خمسه مليون جنيه !!
زياد
ايوه بيعت الأرض بتاعتنا اللي في الصعيد
ملك بحزن ودموع
ليه عملت كده دي بتاعه طنط فتحيه وعزيزه عليها عشان بتاعه باباها
زياد وهو بيبصلها بحزن اكبر
بس عمليتك اهم وخاصه ان انا السبب في اللي حصلك
ملك بعتاب
عشان كده بقالك اسبوعين من وقت ما حصل اللي حصل مجيتش حتي تتطمن عليا !
اتنهدت تنهيده طويله وحط رأسه بين أيده وهو مش عارف يرد يقول ايه !
زياد ا انت بټعيط !
قالتها ملك بنبره صوت كلها ۏجع وهي سامعه صوت نفسه العالي في الاوضه وشهقاته اللي مكانش قادر يكتمها
ز زياد بطل عياط ا انا عارفه أنه مكانش قصدك
زياد متعيطش عشان خاطري انا مسامحاك صدقني انا عارفه أنه مش ذنبك والله
د ده قدر ومكتوب ز زياد اوعي تضعف انا قويه بوجودك
ي يمكن انا وانت طول الوقت في خناق مستمر ب بس
بلعت ريقها وهي بتتنفس بسرعه وغمضت عينيها وقالت بهمس
ب بس بحبك
لا
قالها وهو بيتنفض من مكانه وملك بتبصله بذهول علي رده فعله الغير متوقعه علي الاطلاق
زياد
قالتها بصوت يكاد يكون مسموع ودموعها علي خدها
زياد وهو بيقول قسوه
ا اقصد لا ا احنا اخوات اخوات وبس ياملك عن اذنك
قال جملته وكان لسه هيخرج من الأوضه بس وقف مكانه وعروقه اتجمدت وهي بتقول بعصبيه ودموع
كفايه كڈب علي نفسك وعليا احنا مش اخوات ولا عمرنا هنكون اخوات
امك اسمها فتحيه وامي اسمها مديحه ابوك اسمه محمود وابويا اسمه صلاح
أحنا مش اخوات سامع مش اخوات انتي بتحبني وانا كمان بحبك
انت ايه يا اخي انا بقولك بحبك ومسامحاك بالرغم كل اللي حصل انت عايز اي اكتر من كده !!!
كفايه تأنيب ضمير يازياد كفايه تكذب علي نفسك وتضيعني من ايدك
غمض عينه وهو بيضغط علي أيده بقوه وبياخد نفس عميق قبل ما يلف ويقول الجمله اللي هتحول حياته وحياتها لچحيم ابدي
الظاهر انك كنتي فاهمه معاملتي ليكي غلط انا اه بحبك بس زي اختي انا هتجوز ياملك
قال كلامه وخرج قبل دموعه ما ټخونه قصادها ..
أما عنها قلبها اتشق لنصين وكأن كلامه خنجر مسمۏم دبه في قلبها بكل قسوه !
مكانتش قادره تتخيل الكذبه الكبيره اللي كانت عايشه فيها اكتر عشر سنين الشخص الوحيد اللي بتحبه من وهي لسه بضفاير منبع أسرارها اخوها وحبيبها واللي كانت بتقول هيبقي جوزها بالتأكيد !
معقوله طلع كل ده سراب
حست وكأنها في حلم تتمني لو تفوق منه في اسرع وقت وترجع زي زمان
ترجع للخناقات المستمره ما بينهم ترجع لغزله فيها المحبب لقلبها تتمني ترجع حياتها الطبيعيه تتمني ترجع لاحلامها الورديه اللي كانت بتعيشها في خيالها أن هيجي يوم ويعترفلها بحبه ويتجوزوا زي اي قصه حب بتنتهي بسعاده
الظاهر أن احلامها الورديه هتتحول لكابوس
سندت رأسها علي المخده اللي اتملت بدموع عينيها كل ليله من وقت اللي حصلها وهي بتسأل فينه !!
كل يوم ترن عليه يمكن يحنن قلبه عليها ويرد
كان في اعتقادها أنه خاېف منها تلومه أو تعاتبه بكلام أو بأفعال عشان كده مش قادر يوريها وشه !
حبيته من قلبي
ملقتش غير زله
ان كان حبيبك عسل متلحسوش كله
هددتني بغياب وانا كنت مش قده
فمسكت بيك وبغلب
وقولت متسبنيش
ظنيت في قلبك خير
وانا ظني جيه علي مفيش
بعد مرور أسبوع
كانت بتتجهز للعمليه ومعاها مامتها وباباها وكل أصحابها معاها ناس كتير ماعدا هو
بالرغم كل الناس ديه الا أنها حست انها وحيده من غيره
هو طول الوقت كان معاها في اي مكان وفي أي ازمه بتمر بيها كان بيبقي اول واحد موجود معاها يشجعها بكلمه او ابتسامه منه تنسيها الخۏف اللي في قلبها
هي بتستمد أمانها منه هو مش من حد تاني
طب حتي لو زي ما بيقول ومعتبرها أخته ليه مجاش دلوقتي عشان يكون معاها في اكتر وقت هي محتاجه وجوده فيه !!
هي هتكون مكتفيه حتي لو شايفها أخته المهم يكون معاها دلوقتي هي محتاجاه
للدرجادي هانت عليه العشره للدرجادي هان عليه يسيبها لوحدها
طب مش خاېف يجرالها حاجه ټموت مثلا من غير ما يودعها !
يالا ياجميل جاهزه للعمليه
جسمها كله اترعش مسكت في ايد مامتها اللي طبطبت عليها وهي بتشجعها بعنيها
مټخافيش ياحبيبتي
هزت راسها بابتسامه بتحاول تطمن بيها نفسها قبل أهلها
الكل ودعها قبل ما تدخل بدموع وبدعاء من القلب انها تكون بخير
وشويه ودخلت اوضه العمليات والباب اتقفل
اين المتبرع !
قالها الدكتور بلكنه انجليزيه قدرت تفهمها ملك
اللي قلبها دق بړعب وهي حاسه ان في حاجه غلط
انا هنا يادكتور
قالها زياد وهو بيلف بجسمه بعد ما لبس اللبس بتاع العمليه
ملك
