اسكريبت جديد ( تاكل؟ اجبلك أيس كريم ؟ ) بقلم مريم سمير

الكاسات ومشي تعرفي إن الدنيا زي الايس كريم دا
بصت للكاس ورجعت بصتلي _ يعني الدنيا فانيليا علي شوكولاته 
ضحكت لا مش قصدي قصدي إن هي غامقة اوي زي الشوكولاته دي
_ بس فيه فانيليا 
اهي الفانيليا دي الحاجة الحلوة البيضا وسط كل السواد دا زيك يمريم 
_ يعني أنا فانيليا 
انتي الفانيليا الوحيدة الي شوفتها لحد دلوقتي 
_ انت كمان أبيض وطيب 
مش كل الناس طيبة يمريم 
_ بس انت طيب جرب يلا قبل ما يسيح 
بس أنا مش طيب!! مع الوقت بقينا صحاب اوييي بحكيلها كل حاجة كنت محتاج حد يسمعلي من زمان! هو اه مش كل حاجة كنت بقولها كانت بتفهمها بس علي الاقل كانت بتسمعني .
_ لي اروح لدكتور
مفيش حاجة عشان تبقي كويسه بس 
_ لي هو انا مالي
مش انتي بتثقي فيا
_ اوي اوي 
خلاص مټخافيش أنا هبقي معاكي 
مامتها طلبت مني أقنعها تروح لدكتور مخ واعصاب وكمان دكتور نفسي عشان كانت رافضة قبل كده  
حالتها بدأت تتحسن بقت بتعرف تتكلم اكتر بتدرك معني الكلام اسرع عرفت ازاي تتعامل مع مواقف كتير التعامل السليم ليها 
عوزانا نروح فين
_ أي حتة كافيه مثلا 
عارفه أنا عاوز نروح فين 
_ فين
الملاهي
ضحكت _ لسه فاكر
ودي حاجة تتنسي دا انا قطعت الخلف يومها تعالي نروح تاني 
روحنا وقضينا اليوم كله سوا وبعدها روحنا عندي في بيتنا عشان امي كانت عزماها 
اتفضلي اتفضلي دا البيت نور 
تعالي يحبيبتي اتفضلي 
حضنت امي وسلمت عليها وشربنا عصير وقعدنا نتكلم سوا تعالي يا احمد معلش عوزاك 
حاضر يا امي جاي بعد اذنك يمريم 
في اي
انت هتتجوزها امتي البت بدأت تفهم الكلام وتعقله يعني معتتش عبيطة زي الاول ولو الجوازة متمتش في اسرع وقت يخفيف هتعرف أننا طمعانين فيها والجوازة هتبوظ
طيب يماما مش وقته 
لفيت وشي عشان أخرج لقيتها قدامي _ انت خطبتني عشان الفلوس
مريم أنا هشرحلك 
سابتني ومشت حاولت أوقفها معرفتش  
بعدها فضلت أرن عليها كتير مردتش علي الحال دا بقالي اسبوع روحتلها البيت مع اني مش عارفه هقولها أي 
بعد محايلة من مامتها نزلت وقابلتني 
_ عاوز اييي انت جاي لييي
جاي عشانك 
_ اه يتري هتكدب انهي كدبة المرادي  
أنا مكنش قصدي 
_ مكنش قصدك فاكر لما قولتلي إن مش كل الناس طيبه ساعتها مفهمتش لكن دلوقتي فهمت كويس أنا مش طايقه حتي أبصلك ومش عاوزة اشوفك تاني 
جيت تمشي مسكت أيدها مريم اسمعيني أنا مش هدافع عن نفسي واقولك الي سمعتيه دا مش حقيقي لاء حقيقي وانا فعلا خطبتك عشان الفلوس مريم أنا عشت عمري كله متمرمط اشتغلت كل حاجة طلع عيني في الثانوي عشان ادخل الكلية الي عاوزها حتي بعد الكلية مبقتش حاجة لحد ما لقيتك أنا
 معاكي ل اول مرة احس اني بني ادم بقيت كويس و طيب واني اعمل حاجة بحبها ميهمنيش شكلي وانا بجري في الشارع وإن مهما الدنيا كانت وحشه ف علي الاقل فيها أنتي انا لو كنت لسه عاوز الفلوس مكنتش جيت معاكي للدكاترة ومكنش هكون عاوز اشوفك كويسه أنا عمري ما حبيت حد مكنتش عارف حتي احلم بس انا بحبك يمريم اوييي والله متسبنيش أنا معتش عاوز حاجة في الدنيا غيرك 
 صدقيني أنا بقيت واحد تاني سامحيني يمريم عشان خاطري دا انا صاحبك 
بصت لمامتها وجت جمبي ووطت صوتها _ انا كمان بحبك اوييي 
وبتقوليها في السر لي هو احنا خطيئه حماتي اطلبي المأذون بدل ما احضن بنتك دلوقتي
مريم سمير .