رواية تحت مسمي النصيب بقلم ملك إيهاب مكتملة لجميع فصول

ولا لأ
كان ينظر لها بأعين راجيه ان تجيبه بانها تريده كما يرديها
ظلت صامته ولم تجيب ليفهم هو قرارها من صمتها ليكمل بكسره
الاسبوع ده هقولهم..... وهطلقك رسمي !
نظر لها للمره الاخيره وترك يدها....كاد ان يغادر الغرفه ليشعر بيدها تمسك بيده 
بحبك!
الفصل الثلاثون والأخير بداية جديده
ذاب الجليد وثارت البراكين تلك الليله!
كان الحب هو سيد الليله التي لم يريد احدا منهما ان تمر قط !!!
تسللت اشاعة الشمس لتملئ الغرفه نورا
استيقظ ليجدها
نائمه بين ذراعيه بسكون
ابتسم بحب مقبلا وجنتيها بلطف .....اصبحت الان بين يديه برضاها وسيكمل
معها كشريكة حياته وحبيبته......قام من جانبها بهدوء واتجه الي المرحاض .....بعد دقائق خرج متجها الي الأسفل ليهتف
عليا......عليا
هرولت عليا اليه لتستأنف
نعم يا كنان بيه 
كنان 
هما لسه نايمين 
اجابت 
لا سي اسر خرج هو و كامل بيه واسماعيل بيه ...وست فاطمه لستها نايمه
كنان 
طب حضري الفطار وطلعيه فوق علي اوضتي
اؤمت برأسها ومضت نحو المطبخ مسرعه
دخل الي الغرفة ليجد الفراش خالي ....تفحص الغرفه ولم يجد لها اثرأ....الفراش مرتب ....والنافذه مفتوحه ....هذا يعني انها استيقظت !
سمع صوت باب المرحاض يفتح لتخرج منه هي
الټفت وراءه قائلا 
انت صحيتي امتي
اقتربت منه قائله 
لسه دلوقتي انت كنت فين...ومصحتنيش ليه
اقترب منها ورتب خصلات شعرها المبعثره هامسا
نزلت اقول لعاليا تحضر الفطار وتطلعهولنا
استأنفت 
طب ما ننزل احنا ناكل معاهم ..ليه ناكل لوحدنا
ابتسم بحب 
ياستي عايز اسطفرد بيكي عندك مانع
ضحكت ...ليكمل 
عارفه اني اول مره اشوف شعرك !
تعجبت لتجيب
انت بقالك اسبوع بتشوفه ايه اللي جد 
عبث بشعرها بحنو قائلا
ايوه بس اول مره اخد بالي منه كويس ....الاسبوع اللي قضيناه في المستشفي مكنتش بركز غير فيكي او مع الدكتور فماكنتش بركز عليه اكيد ...وقبليها انت مكنتيش بتقعدي قدامي غير وانت مغطيه شعرك معرفش ليه !
اجابت 
ساعتها احنا اتفقنا هنبقي ولاد عم بس وبرضه كنا متفقين ان احنا سنه وهنتطلق فاعتبرت جوازتنا خطوبه
اجاب مستطردا 
ندمانه
سلاف 
علي ايه
كنان
علي كلامك امبارح
ابتسمت قائله
لو ندمانه مش هفضل واقفه معاك دلوقتي وبضحك كده
ضحك بسعاده معانقا اياها
انا بقول نرجع بيتنا برضه مش كده
خرج من الغرفه معا....تشابكت ايديهما بحب
وهبط الي الاسفل
عقدت آيه حاجبيه بتعجب لتخفيه بسرعه عند
سيرهما اليها
استطرد قائلا
ازيك يا آيه 
اجابت 
الحمدلله ياكنان تمام
نظر الي سلاف هامسا
انا همشي هظبط المكان هناك واجي اخدك
ابتسمت بموافقه واتجهت ناحية آيه 
مالك في ايه
احتل التعجب نبرة صوتها
انت مش قولتيلي امبارح ان انتوا خلاص هتنفصلوا اخر الشهر ده ايه اللي حصل 
ابتسمت قائله 
حبيته !
دهشت قائله
انت بتكلمي جد...حبتيه بين يوم وليله كده
جلست امامها قائله 
اكيد لا.....بس امبارح كان مختلف
آيه 
ازاي يعني
فتح الباب ممسكا بيدها بتوتر من الا يعجبها ما حضره لها
استطردت بتعجب 
طب انت مغمي عيني ليه 
اردف 
ياستي اهدي الله .....هدخل الشنط واجيلك
انتهي بعد دقائق من حمل الحقائب واغلق الباب
امسك بيدها ومشي بها عدة خطوات 
بس اقفي ثواني وجي
تركها مازلت متعجبه ليقف ورائها ويزيل الغمامه من علي عينيها 
افتحي
فتحت عيناها لتزداد دهشتها بالمكان المزين بالمصابيح الملونه والسفره المجهزه بأنواع الاطعمه
اخذت تتجول في المكان تتأمله ....لم يكن يخطر لها ان يعد لها احد تلك المفاجأه
دنت اليه بابتسامه دهشه احتلت ثغرها 
انت عملت ده امتي
اردف بفرح 
عجبك
استأنفت 
ابقي مجنونه لو قلت لا.....عجبني جدا ياكنان...انت لحقت تعمل كل ده امتي
احتضنها قائلا
ممكن تبطلي اسئله شويه .....انا عملت كل ده عشان اعوضك يا سلاف ...فممكن اكمل التعويض بقي
ابتعد عنها متجها الي الفونوغراف
تعجبت للمره الثانيه لتردف
انت جبته منين.....انت عارف ده من ايام ايه
اقترب منها محاوطا خصرها 
جبته منين ما جبته بقي .....قولت نجرب حاجه قديمه شويه
وضعت يديه علي صدره 
كان نفسي اجربه اوي علي فكره .....كان نفسي اشوف حاجه قديمه زيه
كانت تتحرك معه علي انغام الاغنيه .....اردات ان يقف الوقت ويظلا هكذا لمده اطول ....لا تشعر بما يحدث حولهما جميع حواسها بين يديه الأن .....قرأت وسمعت الكثير من الاقاويل التي تنص علي ما تشعر به الان ....لم تصدقه قط ولم تصدق من كان يقوله.....لكن الان هي تشعر به ولا تريد ان ينتهي ذلك الشعور !!
شعر بها متردده لصمتها ليستأنف
في حاجه
حركت رأسها يمينا ويسارا دليلا علي لا
ليكمل حديثه
طب ساكته ليه
اجابت 
عايزه اعمل حاجه ممكن
اؤم بالموافقه ....لتعانقه بقوه معتقده انه وهما سيمر ....او تلك اللحظات السعيده هي الصمت قبل العاصفه
اراحت رأسها علي صدره بحب مطمئنه
ابتسم لها كالعاشق الولهان في بحر عشقها الذي
لا نهايه له
قبل يدها ليردف 
انا لو فضلت معاكي كده للصبح مش هزهق ومعنديش مانع خالص ....بس الاكل هيبرد وانت مكلتيش من الصبح فتعالي ناكل وبالمره ادوقك اختراعاتي !
بعد ساعتان....
كانت تجلس بأحضانه يشاهدان التلفاز ....افاق
تركيزهما صوت اذان الفجر
لتردف بتعحب
هي الساعه كام
كنان
٤ ونص
ابتعدت قائله
احنا قعدنا كل ده 
نظر لها
ماحسيتش بالوقت اساسا
ابتسمت 
ولا انا ....طب يلا نقوم بقي الوقت اتأخر اوي
قامت من جانبه لتكمل 
كنان!
غمغم
امم
اجابت بتساؤل 
ممكن تصلي بيا.....انا كان نفسي يوم فرحي جوزي يصلي بيا ....بس ماحصلش نصيب ساعتها
وقف بسعاده 
من هنا ورايح هنصلي مع بعض علي طول .....روحي اتوضي وتعالي نصلي يلا
ترددت قليلا لتقترب منه بسرعه تقبل وجنته
وركضت ناحية المرحاض مسرعه
بعد اسبوع......
كانت الحديقه مجهزه علي اكمل وجه لحفل الخطوبه بدأت المعازيم تفد الي المكان
وفي خلال ساعه كان المكان قد امتلئ بالمعازيم
انتهت سلاف من ارتداء حجابها لتنظر لنفسها في المرآه.....انها في ابهي صوره الأن فقط تنتظر رأيه لتزداد ثقه !
خرجت من الغرفه متجهه الي غرفة آيه و بدر
طرقت الباب لتدخل اليهما مبتسمه 
خلصتوا.....العرسان خلاص تحت وبيستعجلوكوا
اخبراها انهما علي وشك الانتهاء لتتقدم ناحية آيه قائله 
ايه الجمال ده يابت....مبيطلعش ليه الكلام ده غير في المناسبات
الټفت قائله 
بيظهر للي يستاهلوا بس يا سو.....بعدين ما انت كمان اهو متشيكه علي
سنجة عشره ده انت احلي من ما كنتي في فرحك كمان !
ابتسمت مستطرده
اختلاف اوضاع بس مش اكتر !....يلا خلصي ورني عليا
تركتهما متجهه الي غرفتها باحثه عنه .....وقفت امام الغرفه تبحث بعينيها شعرت به من خلفها يحتضنها فجأه لتنتفض قائله
كنااان.....حرام عليك ياكنان اټخضيت
ضحك قائلا 
ايه الجمال ده
واقفه بتعملي ايه ...ليه مش معاهم فوق
اراحت رأسها علي كتفيه
خلصت لبس وطلعت اشوفهم لقيتهم لسه مخلصوش ....فسبتهم ونزلت ادور عليك
نظر لها مردفا
في حاجه ولا ايه
اكملت 
لا مفيش حاجه بشوفك فين بس !
استطرد 
طب تعالي عشان في ناس عايزين نسلم عليهم
عجبت حاجبيها بتعجب 
مين
اكمل 
عمي سعيد ويمني وفارس
ابتعدت عنه قائله
يمني
تعجب متمتما
مالها
تنهدت لتغتصب ابتسامه 
ملهاش اتفاجأت بس!
كنان 
دول كانوا هنا بقالهم يومين تقريبا مش لسه جايين يعني
قاطعته قائله 
سلمت علي يمني....قصدي عليهم يعني
كان يشعر ان هناك شئ ما يدور في خاطرها 
لا لسه بابا قايلي فقولت اخدك ونروح مع بعض
ابتسمت له بحب وتأبطت بذراعه قائله 
يبقي يلا نروح نسلم
اتجه ناحيتهم لتبدأ المصافحات بينهما مدت يمني يدها قائله 
ازيك ياسلاف وحشتيني
صافحتها سلاف بود واقتربت يمني تعانقها
لتبتعد متجها الي كنان 
ازيك ياكنان....مبروك لبدر
مد كنان يده ليصافحها ودام التصافح لعدة ثوان
حمحمت سلاف پغضب مختفي ولهيب مشتعل بداخلها
ليبتعد كنان عن يمني قائلا
حمدلله علي سلامتكوا ....استأذن انا ياعمي مضطرين نمشي
اتجه الي طاولتهما بصمت وهو ينظر لها بين الحين والاخر
كانت صامته تتجاهله عن عمد .....لا تكره يمني قط لكن لعلمها بأنها تحب زوجها
يشعل نيران الغيره بقلبها !
شربت كأس الماء الذي امامها وتقدمت ناحيته متأبطه بذراعه
ابتسم بفهم قائلا 
في ايه 
اردفت هامسه 
ايه متضايق
قبل يدها مستطردا
لا طبعا.....استغربت بس
تساءلت 
مش جوزي ....عادي يعني
اجابها
طب مش هتطلعيلهم 
تصنعت الحزن
عايزني امشي ....لا مش هطلعلهم دلوقتي ماما ومامة آيه معاهم فوق مش هيحتاجوني في حاجه
اؤم برأسه متفهما وصمت.....
ملئت اصوات الزغاريط انحاء القصر عند قدوم العروسين اسرو بدر ......وليد و آيه
كانت سلاف تتنقل
بين الحين والاخر الي آيه و اسر وتتبادل الحديث بينها وبين والدتها
نظر وليد لآيه بحب قائلا
كان لازم يعني نعمل الخطوبه الاول!
ضحكت مستطرده
امال عايز ايه يعني
غمز بعينه مردفا 
كتب كتاب ....فرح علي طول ...كده يعني
اكمل بتساؤل ماتيجي نكلم المأذون ونكتب الكتاب ماهو خير البر عاجله 
اردفت 
وبالنسبه لأسر وبدر ايه !...ولا اهلنا هنعمل كده من نفسنا يعني
اقترب هامسا
ما هما مستنوش زينا مش كده ولا ايه
اضطريت اسافر عشان شغلي ڠصب عني ....انا راجع دلوقتي وياريت يكون موضوع كنان انتهي ...وحشتيني 
قرأت الرساله بتوتر احتلها.....كيف ستخبره انها الأن اصبحت زوجة كنان امام الله والجميع برضاها
كيف سيتركها بسهوله بعد سنوات حبه الطويله لها
لاحظ توترها ليستأنف
في ايه مالك 
حاولت السيطره علي توترها لتبتسم 
مفيش ....صدعت بس
اعتدل في جلسته 
طب تعالي نطلع فوق شويه وبعدين ننزل
اردفت 
لا لا آيه واسر هيزعلوا خلينا ....كده كده شويه وخلاص يبقي خلينا نكمل للأخر
قبل يدها مبتسما 
براحتك
يبحث بعينيه عنها.... يتجول في الحديقه باحثا عنها باشتياق.....تهلهلت اسراريره عندما رآها .....ولكن !! .....اختفت ابتسامته بمجرد رؤيته يقبل يدها !.....
هل ناست حبها له بسرعه هكذا....ناست تمسكه بها طوال السنين الماضيه
ام تلك الحركه فعلتها مرغمه عنها
لكنها امامه تضحك مقتربة من كنان ....بقوه تماسك متجها ناحيتهم ليردف
احم .....ازيك ياكنان حمدلله علي سلامتك
لمجرد سماع صوته اخذت انفاسها تتعالي.....علمت ان ذلك اليوم لن يمر بسلام حتما عندما رأت كنان يغمض عينيه پغضب !
الټفت كنان لحازم مغتصبا ابتسامه 
اهلا ياحازم ....تمام الحمدلله..الله يسلمك
سمعت حازم يهتف باسمها 
حمدلله علي سلامتك ياسلاف......وقعتي قلبنا وخوفتينا
التفتت له مبتسمه هي الاخري 
الله يسلمك ياحازم
نظرت ليده الممدوده له لتصافحه بتوتر.....بينما كز كنان علي اسنانه بغيظ من حركتها
ورغم التوتر الذي احتلها ......رغم خۏفها منه...الا انها عندما شعرت بيده تمسك بيدها ابتسمت بهدوء
نظر لها قائلا
بعد اذنك ياحازم .....لازم نمشي دلوقتي
مضي الاثنان معا وعين حازم تتابعها بسخريه !
انتهت الحفله بسلام وجلس الجميع معا في جو من المرح
لم تسلم سلاف من تلك الاعين التي ظلت عليها طوال الوقت
عين حازم التي تحمل الكثير من الاحاديث التي يريد اخبارها بها
وعين كنان التي تطوقان ڠضبا .....وغيرة!!
تنهد كنان بضيق و وقف 
بعد اذنكوا ياجماعه هنطلع احنا
اذن له الجميع وامسك يد سلاف متعمدا وصعد الي غرفتهما
اغلق كنان الباب بالمفتاح متجاهلا اياها ....اتجه الي خزانته واخذ منها ملابسه متجها الي المرحاض
جلست علي الفراش بتوتر منه......من المؤكد لن تمر تلك الليله بسلام كما مرت الحفله.....
بعد دقائق خرج وتمدد علي الفراش بتعب ....قامت لتبدل ملابسها هي الاخري وعادت بعد دقائق.....
دنت منه مستطرده 
مالك....من ساعة ما كنا تحت وانت حتي مش بتبصلي في ايه 
نظر لها بهدوء رغم غضبه وتحدث 
انت كنت عارفه ان هو جاي صح 
كادت ان تنفي كلامه ليكمل 
كنتي عارفه يا سلاف .....كنتي عارفه من ساعة ما بصيتي في الموبايل واتوترتي .....من ساعة ماوشك جاب الوان وسكتي .... اكمل ماتردي !
تكلمت بهدوء
انت بتغير !
وقف بنفور 
هو انا بقول ايه وانت بتقولي ايه .....المفروض ان انا شايف حد واكلك بعنيه من ساعة ما دخل والمفروض ان هو كان هيخطبك واقعد هادي وراسي .....بيقولك وحشتيني وبحبك واسكت....
حاولت كبت خۏفها واقتربت منه
انت مش بتثق فيا ....المفروض انك عارف اني
لو مكنتش عايزاك او لسه بحبه هو مكنتش هفضل معاك....مكنتش هبقي معاك في اوضه واحده وكنت هبعد زي الاول .....كنت هخترع اي حجه تخلينا نبعد ....انا لو مش بحبك مكنتش هقلب وشي لما يمني جت ....لو مش بحبك