اسكريبت جديد بقلم ڤونا ( 3 ) مكتملة لجميع فصول بعنوان ( حواديت مريم و چون )
انت في الصفحة 5 من 5 صفحات
باااي
قومت جهزت لبست فستان أحمر بنص كم واسع شوية وتحت الركبه ولبست هيلز وحطيت ميكب خفيف شوية وعملت شعري ويڤي
جالي مسدچ علي الواتساب فتحت لقيته چون
_جهزتي
اه
_طب يلا أنزلي أنا تحت
نزلت وأول م شافني ابتسم
_اوعااا الأحمر علي الأسد بيمنع الحسد
ضحكت_بقيت بيئه أوي
ضحكنا وركبنا العربية وفجأة لقيته بيديني بوكيه ورد أحمر
روحنا الفرح
_بصي هروح أسلم علي العريس وصحابي وأجيلك مش هتأخر
تمام ماشي
راح وأنا فضلت علي الترابيزة
عدي تلت ساعة ولقيته جيه قعد معايا كان طول القعده باصصلي ومبتسم
عدي أكتر من نص ساعة
_بقولك ايه
قول
_متيلا بينا
والفرح
_يعني هو فرحي يلا يختي قومي
قومنا وروحنا ركبنا العربية وساق وحبه لقيت نفسي قدام البحر
_خدي الچاكيت ده
ليه
_عشان الجو ساقع
ساقع فين الجو حر
فجأة لقيته بصلي بصه كده وروحت واخده الچاكيت ولبسته
مهزقة عارفه عارفه
قعدنا علي البحر شوية جابلي آيس كريم
فجأة لقيته قام وقف قدامي وطلع علبه صغيرة وركع علي ركبته
_مريم تتجوزيني
بصيتله پصدمة ومتكلمتش
لما سكوتي طال لقيت ملامح وشه بدأت تبهت
ممكن تسبلي وقت أفكر طب
_تمام
قام بدون كلمه وروحنا علي العربية
وطول الطريق وإحنا في صمت رهيب
وصلني عند البيت نزلت وهو منزلش فقربت من الباب بتاعه
لو جبنا بنت هنسميها ليلي
قولت كدا وطلعت جريت
أتكلم پصدمة _يعني أنت موافقه
أتكلمت وأنا بجري_اه يا واااد
عرفت چون من فترة صغيره مش كبيره بس كان طيب وحنين أوي مع أنه ظابط بس معايا غييير شوفت حنيه الدنيا في چون
بعياط_أنا جعاانه
ضحك_خلاص طيب حاضر هأكلك متعيطيش
بصتله وعيطت أكتر_متضحكش يا بااارد
_طلقني
ماشي
_ماشي!!!يعني مبقتش تحبني
بمۏت فيك يا بت ده أنت الحب والمب والأسد والدب
_جود بوووي تستاهل بوسه
ها يا مامي وبعدين
_وبعدين يا قلب ماما جيتي أنت ونورتي دنيتنا أكتر
چون بانفعال_وماله يا حبيبه بابا يلا روحي العبي
ضحكت_مالك في ايه
بنرفزة_البنت عايزة تتجوز وتسبني
ضحكت عليه لأنه بيحب لولي جدا وحقيقي مش عارفه لما تكبر وحد يتقدملها هيعمل ايه
غنيت بزعل مصطنع_وأنا اللي كنت فاكره إني لوحدي اللي في قلبه اتاري واحده تانيه جت في ثانيه شغلت قلبه
ضحك عليا وحضني_ولا ألف واحده تملي عيوني غيرك
تمت
رأيكم
حواديت_مريم_وچون
بقلم_ڤونا
