اسكريبت جديد بقلم هبة ابو الوفا بعنوان ( زوجة ثانية)

هيقول انه معجب بيا ! لالا اكيد لا 
كلمت رحمه
_رحوم عايزه احكيلك 
احكي كنت عارفه انه وراك شيء انهارده ملامحك كانت غريبة
_باينلي كده حبيت ووقعت
مين سعيد الحظ ده
_استاذ بدر المحامي
بس ده اكبر منك يجي بعشر سنين كده
_اتناشر سنه بس مش مهم السن اهم شيء الروح ..وبعدين ياستي هو لسه مقالش حاجه لسه هو لسه بيلمح 
طاب خدي بالك المحامين دول يلعبو بالبيضه والحجر يعني يلعبك ع صوابعه كده ويرجعك عطشانه ..
_انتي بتقولي كده عشان انتي مشطايقاه بس
مبحبوش ياست راجل ملزق كده .. وتعامله غريب بصراحه مش بستريحله نهائيا 

_قولي كلمه حلوه عشان انا مبسوطه
كنت طايره وانا بحضر نفسي ليوم بكره هلبس اي فستان بالظبط ..الليل عدي تقيل وطويل بس هو كان الواتس الرسايل اللي كانت بتوصل من وقت للتاني
انا سهران ع قضيه ياريتك جمبي كنتي هتاخدي بالك من تفصيله واقعه مني ..
كنت ببتسم لكلامه بدون رد .. مش عارفه اي البداية ولا النهاية انا حتي معرفش عنه شيء غير انه المحامي بدر كامل حتي قبل كده مفكرتش ادخل ع صفحته ع الفيس اشوف مين عنده ..هو مش مهتم بالسوشيال . لكن دخلت صفحته كان عادي مفيش اي شيء يوحي بأنه ليه علاقة مع حد مثلا .. فرحت اكتر حسيت اني اطمنت ..
نزلت تاني يوم ف ميعادي 
_ القمر بيظهر بالنهار عادي كده!
لا نازل مخصوص عشانك 
وقتها ضحك وهو بيسحبلي الكرسي عشان اقعد
وهنا كانت البداية.. بداية اهتمامه الرسمي بيا طول الوقت وطول اليوم ف الشغل وطول الليل ع الواتس .. 
لحد ما بلغني أنه مسافر شهر 
قلبي زعل شوية أو شويتين شهر كامل قفل المكتب شهر كامل ..قالي مسافر البلد لكن حتي اتصال واحد مفكرش فيا ..قلبي كان دقاته واقفه كأنه ساعه حجرها خلص فجاه الحب عامل زي الطاقة اللي بتمد بيها قلبك وفجاءه الشخص يختفي ...
اول ما رجع لقيته بيكلمني تلاته الفجر 
_وحشاني 
الكلمه دي كنت حاسة اني عايز احضن الكلمه احضن التلفون ع قد ما هو واحشني 
_صوتك بلعتيه !..
وانت كمان واحشني واحشني اوي ..
قولت الكلمه دي وسكت فجأه اتفأجت من نفسي متوقعتش إني أقوله أنه واحشني
_كملي سكتى ليه
كنت فين !
_كنت ف البلد بزورهم 
اللي يسافر البلد يقفل كل تلفوناته كده ويقلقنا عليه 
_أنت قلقتي عليا!
حصل بس هنكر 
ضحكنا او ضحك سمعت صوت ضحكته وقلبي كان بيرقص مع كل كلمه منه الايام بتطير بسرعه جدا وكل يوم بنقرب اكتر لبعض كل يوم ف مفأجاه جديده كل يوم بيعرف ېلمس قلبي بتصرفاته وكلامه كل يوم بحس انه ف جزء منى بيتمناه اكتر ..فات سنتين واحنا كل يوم بنتعلق اكتر وقلبي مش شايف غير وجوده مش بيسمع غير صوته.. قلبي حاسس بشيء من الغلط اختفاءه المفاجي مثلا اسبوع كل شهرين كده .. بس كل ده مكانش هاممني بمجرد ما بسمع صوته كنت بصفي ..
بس اخر مره كان الوضع مختلف جية من البلد وفضل يومين كلامه جامد معايا ..حتي انا كنت مستغربة بيعاملني زي باقي المتدربين مفكرش يتصل بيا مره واحد 
لحد ما لقيته باعتلي مسج 
انزلي تحت انا مستنيكي 
وقتها جريت بدون ما اخد بالي لاي شيء حتي مبلغتش رحمه إني نازاله كل اللي همني انزل اشوفه اخيرا هنتكلم لوحدنا 
جريت اول ما شوفت واقف قدام عربيته وقفت قدامه زي الاطفال لكن نظرته كانت باهته 
_مالك ..خسرنا القضيه!
لا خسړت قضيه اكبر بكتير 
_حصل اي
اركبي عشان نتكلم موضوع ضرورى
قلبي بدا دقاته تعلي ولكني زي المغيبة ركبت 
وصلنا