اسكريبت كامل جديد بعنوان للحلم بداية بقلم Mona Elsawey

اسامه 
اه اسف معرفتكوش نوران بنت عمي وخطيبتي ودول زمايلي وصحابي من ايام الجامعه يا نوران.
_اه والله طب تشرفنا .
امم شكرا يلا يا بنات .
_كلهم خدوا بعض وهما بيبصولي بغل وحقد والله زمايلك وصحابك من الجامعه انت بتستهبل يا اسامه! 
ضحكت وهو انا حبيبك بقى يا شيخه دا انا بقالي قد كدا مستني كلمه حلوه منك تيجي تقوليها قدامهم كلهم وانا لا.... 
_متغيرش الموضوع لو لقيتك واقف مع واحده فيهم والله لاجيبها من شعرها خاف على فرح صحبك يا إما هبوظه. 
حاضر يا مجنونه بحبك.. 

_ماشي عدي نص الفرح وبين رقص وأغاني وبتاع وكنت واقفه طول الوقت جمب اسامه وكل ما واحده تحاول تكلمه كنت اخدوا ونبعد وفي وسط الفرح لقيت نفسي واقفه لوحدي وهو مش جمبي وفضلت ادور عليه لحد ما لقيت حد بينده اسمي.. 
نوران 
_بصيت للصوت لقيته واقف على الاستيدج وماسك مايك 
معلش هاخد من وقتكم دقيقه ومن فرح صحبي وحبيبي 
براحتك يا حبيبي 
ابتسمتله بشكر وكملت انا هنا النهارده عشان اقول لكل الناس قصه حبي ليكي او بمعنى أصح قصه حبك انتي ليا ما هي اللي حبيتي الأول يا جماعه وكانت دايما بتحاول تفتح معايا كلام وبرغم اني ابن عمتها وان العيله كلها حتى انا كنا عارفين انها بتحبني إلا اني كنت بكرهها اه معلش كنت بكرهك بس والله كل دا ما دامش وقدرت انها توقعني فيها واني احبها قدرت تخلي قلبي ميحبش غيرها ويخترها هي دونا عن بقيت البنات كلها وبرغم انها مش احلى واحده فيهم متبرقيش كده بس واسمعي وبرغم انك مش احلاهم بس انتي احلى واحده في عيني وفي قلبي واحلي واحده شوفتها في حياتي وبرغم غباءك وسذاجتك إلا اني عمري ما هلاقي زيك ولا هقدر احب غيرك إنتي انا جاي اقولك النهارده وبين كل الناس دي تتجوزيني يا نوران.
_كنت واقفه مش مصدقه نفسي مكنتش بعمل حاجه غير اني اعيط كنت فرحانه ومتوتره ومكسوفه كنت حاسه اني طايره من الفرحه طايره من غير جناحات... 
نزلت وقفت قدامها ومسحت دموعها وطلعت الخاتم من جيبي تتجوزيني وتقبلي إنك تكملي الباقي من عمرك معايا 
_ضحكت بفرحه بس دراستي وبابا وماما 
يا بنتي بقى بابا وماما اهم وعارفين والدراسه هتكمل قوليلي بقى موافقه 
_فعلا بابا وماما وعمتوا ومازن وشهد كان كله موجود مكنتش مصدقه وكنت حاسه ان هيغمي عليا من الفرحه دي... 
ها انا كده هزهق 
_موافقه اوي وبحبك يا اسامه.. 
لبسني الخاتم وشالني ولف بيا وفعلا كتبنا كتب الكتاب في نفس اليوم عند المأذون وبعدها بشهر عملنا الفرح وكل حاجه كانت حلوه وجميله وكنت فرحانه بيه وحلمي اتحقق واتجوزت حب عمري وكل دا بجانب حلمي الأكبر وهو اني ادخل الجامعه اللي احبها واتمناها. 
كنتي تلاحقيني في كل مكان حتى مللت منكي لكن في النهايه أصبحت أنا من الاحقك حتى أصبحتي لي يا من أحببتها 
لكل شخص لازم يكون ليه حلم ولازم يكون عنده العزيمه انه يوصله وحتى لو موصلش بس اكتسب شرف المحاوله وانه كان عايز يحقق حلم معين ومش غلط انه ميتحققش اعرف ان ربنا حابب يحطك في مكان احسن منه والجواز مش كل حاجه في الحياه للبنت فكري في نفسك بعدين فكري في مسؤلياتك..
النهايه 
قصه للحلم بدايه
بقلمي منون