اسكريبت كامل جديد بعنوان للحلم بداية بقلم Mona Elsawey

اسكربت كامل
وانتي بقى حلمك ايه
_معرفش انا معنديش احلام بس نفسي اتجوز اللي بحبه وبس.
هه يعني عايزه تكوني ست بيت وبتطبخي وتغسلي وبتاع هو دا حلمك! 
_اه وفيها ايه
هه ولا حاجه بس اول مره اشوف بنت لسه عندها التفكير العقيم دا...
انا نوران عندي 18 سنه وتالته ثانوي وعايشه مع امي ووالدي بس هو عايش برا بسبب شغله وبيرجعلنا في الاجازات.

_شهد هو انا تفكيري عقيم 
بصتلها بتركيز وعدم فهم إيه الهبل دا مين قالك كدا
_واحده زميلتي كانت ماشيه معايا امبارح واحنا مروحين ولما سألتني عن حلمي وقولتلها اني مش عندي واني نفسي اكون زوجه كويسه قالتلي اني تفكيري عقيم هو غلط ان ميبقاش عندي حلم هو انا كدا مليش لازمه هو انا كدا واحده هبله كنت بعيط وانا مدايقه وحاسه ان الكلام دا كان جارحني اوي.
ايه يا نوران الهبل دا بصي انا هفهمك حاجه وبطلي عياط ممكن
_حاضر..
بصي يا ستي مفيش حاجه اسمها تفكيرك عقيم اصلا ودي واحده متخلفه لان كلنا كدا كدا هنتجوز وهنبقي ستات بيوت عشان دي سنه الحياه وعلى فكره بقى الزوجه دي مش حاجه غلط ولا سهله دي حاجه مهمه جدا وصعبه وبيترتب عليها عمرك وحياتك كلها ودا غير انك لازم تختاري حد كويس عشان يراعي ربنا فيكي وفي أولادك وكمان انتي لازم تبقى كويسه وسويه عشان تطلعي اولاد كويسين بس جمب كل دا لازم يبقى عندك حلم حاجه انتي عايزاها حاجه بتحبيها ونفسك تعمليها فهمتي...
_اه بس انا حلمي اني اتجوز اسامه بعد ما اخلص الدراسه انا مش عندي حلم تاني ولا عايزه ادخل جامعه. 
وليه ميبقاش عندك حلم تاني ليه مش تحطي قدامك هدف اهم واحلى من الجواز بصي يا نوران احنا كلنا هنتجوز وكلنا لينا نصيب في شخص معين فا لازم تحطيلك حلم وهدف وحاجه انتي تحبيها وتحاولي توصللها وتحققيها وساعتها هتبقى سعيده اوي وبعدين اسامه عرفتي منين انه هيتجوزك هو قالك انه بيحبك او انه هيتجوزك... 
_لا بس عمتو من زمان وهي بتقول هتجوزنا احنا الاتنين وانا بحبه وعايزه اتجوزه. 
ماشي يا حبيبتي مقولتش حاجه بس هو مقالش افرض هو في دماغه حد تاني طب افرض عمتك نسيت اصلا او غيرت كلامها طب افرض هو محبش يتجوزك عشان انتي مكملتيش دراستك ومش عندك طموح واحلام.. 
_ايه وهو ممكن ميتجوزنيش عشان كدا !!
بصي اي ولد بيحب يشوف البنت اللي بيحبها عندها طموح واحلام وبتعمل المستحيل عشان توصلها بيحب يشوفها بتعافر وبتحاول شهاده الثانويه مش كل حاجه يا نوران وغير كدا حلمك لازم يبقى ليكي انتي بس وبتعمليه لوحدك مش حد بيكمله معاكي ومينفعش تكوني بتحققي الحلم دا عشان شخص تاني أو عشان انتي عيزاه يتجوزك فهمتيني.
_اه فهمتك انا بحبك اوي يا شهد انا بجد من غيرك كنت هبقي ولا حاجه انتي عارفه انا كنت مدايقه قد ايه لما البنت دي استهزئت بيا وبكلامي انا حسيت اني مليش لازمه واني جمبها ولا حاجه بعد ما قالتلي انها بتحاول تتعلم لغات تانيه وبتشتغل من دلوقتي وبتحاول تحقق حلمها حسيت اني أقل منها وان هي كبيره وعاليه وعندها طموح وان انا ولا حاجه....
مفيش الكلام دا يا نوران كلنا لينا موهبه ولينا احلام وانتي اكيد في حاجه بتحبيها اوي ونفسك تعمليها واكيد هتعرفي هي ايه بس خلينا نركز الأول في الشهاده وبعدين نفكر في الجامعه وانا جمبك دايما وهشجعك في اي حاجه بتعمليها وانتي عارفه صح 
_حضنتها اه عارفه.
_روحت البيت وانا فرحانه وحاسه ان الطاقه اتجددت فيا بعد كلام شهد وانا فعلا بحبها اوي دي مش صحبتي وبس دي اختي وعيلتي وكل حاجه والله...
نوران عمتك جايه النهارده وهتتغدي معانا فا متناميش 
_حاضر... ماما هو اسامه جي معاها 
هي قالت إنه هيجي معرفش بقى هيجي ولا هيبقى في الشغل زي كل مره 
_ماشي انا عموما هغير ولو جه قولي وهبقي البس الطرحه 
ماشي 
_كل مره كانت عمتي بتيجي كانت بتبقي قايله انه هيجي معاها وكنت بفضل لابسه من اول ما يجوا ب ساعات ومستنياهم وببقي ھموت من الحر والزهق من اللبس بس كنت بهون عليا وبقول هيجي وفي الاخر مكانش بيجي كنت بشوفه قليل