رواية راائعة للكاتبة أمل صالح مكتملة لجميع الاجزاء...( إختيارها السئ )

يا فتحية بالظبط
ضيق عيونه بشك أنتوا جبتوا الفلوس دي منين
ابتسمت نسمة وهي بترد بهزار لا يناسب الموقف بالمرة بنشتغل ريا وسکينة بليل.
ضحكت بعد جملتها ولكن صمتهم وعيونهم اللي بتتوعد ليها خلتها تتحمحم وتلتزم الصمت قعد كرم على كنبة وعلى الكنبة اللي قصاده قعدت فتحية وجنبها نسمة ماسكة في هدومها رافضة تسيبها.
الفلوس اللي لقيتها واللي شايفها معانا دلوقتي دي فلوس نسمة اللي كانت حايشاهم معاك.
بلعت نسمة ريقها وهي بتبص لأبوها ولتعبيراته لقيته بيبصلها بإستغراب وعدم فهم فنزلت عينها في الأرض تاني وسابت مامتها تكمل.
خدتها عشان تديها لحمدي. 
عقد حواجبه وهو بيسألها حمدي خطيبها!! ليه
لأ مهو بقى اللي كان خطيبها. 
يعني إيه
رفعت نسمة إيدها مفيش دبلة رجعناها.
ضړب كفوفه ببعض وهو حاسس دماغه هينف..جر الله يخربيتكوا أنا مش فاهم حاجة!!
اخدت فتحية نفس وبدأت تحكيله كل حاجة من البداية زي ما حكتلها نسمة اللي كانت متابعة تعبيرات أبوها ونظراته وعروقه البارزة پغضب.
كل ما بصلها كل ما تمسكت بهدوم فتحية أكتر نظراته اللي كانت بتقول كلام كتير خلت عيونها تدمع وهي عارفة هو حاسس بإيه دلوقتي.
كان بيبصلها كرم وهو حاسس كأن ضهره اتكسر بخيانتها ليهم ولثقتهم قاعد مش عارف يتصرف ولا يعمل إيه!
عايز يقوم يجيبها من شعرها عايز ياخدها في حضنه في نفس الوقت عايز يسألها بهدوء ليه عملت كدا حاسس بمليون شعور.
ووسط صمت دام لدقايق محدش فيهم بيتكلم بعد ما فتحية خلصت كلام

بصلها واتكلم بهدوء ليه عملت كدا
بلعت ريقها وفضلت ساكتة زعق وهو بيزق كوباية كانت قصاده على الأرض ردي عليا ليه عملت كدا ليه تخوني ثقتنا فيك ليه تكذبي علينا وتأمني لواحد غريب بالشكل ده! مفكرتيش فيا ولا في امك ماشي طب وربنا.! مخوفتيش من ربك يا نسمة مخوفتيش يقبض روحك على ذنب زي دا اخص عليك اخص عليك فين تربيتي ليك!! فين
زعق في الأخيرة قبل ما يقوم ويسيبهم الاتنين قاعدين جنب بعض فتحية بتستغفر ربها وجنبها نسمة باصة للأرض وبتعيط بصمت.
عدى أسبوع من بعد اليوم دا كان كرم متجنبها تماما وكأنها مش موجودة لا بيطلب منها حاجة ولا بيقعد في حتة هي قاعدة فيها.
روحي كلميه أنت اللي غلطانة أولا عن آخر يا نسمة.
مش هيرد عليا. 
أنت حاولتي هو أصلا مستنيك عشان يعاتبك.
خرجت فتحية من المطبخ وسابتها واقفة بتفكر هتبدأ كلام معاه إزاي ولا بإيه.
وبرة في البلكونة دخلتله فتحية وقعدت جنبه على الكنبة أنا هنزل أروح لنورة أختي بالله عليك ما تردها يا كرم دي والله ما بتبطل عياط كل يوم والندم بياكل فيها.
مردش عليها وفضل ساكت وهو بيشرب كوباية الشاي خرجت نزلت من البيت ونسمة دخلتله وهي شايلة صينية عليها كوبايتين شاي بلبن.
أنا عملتلك شاي بلبن معايا يا بابا. 
مش عايز لسة بشرب شاي. 
ينفع أقعد هنا.
وقف اقعدي. 
بصتله بسرعة ما تقعد معايا يا بابا.
مردش عليها فكملت بسرعة أنت لسة زعلان مني أنا ... أنا والله عارفة إن اللي عملته غلط وغلط كبير مش أي غلط وحقك تعمل أكتر من كدا بس ... هو أنا يعني ماستهلش إنك تسامحني المرة دي
شهقت وهي بتمسح وشها عشان خاطري يا بابا ماتزعل أنا والله عرفت غلطتي ومش هتتكرر أبدا مهما حصل والله بعد كدا مش هعمل اي حاجة من وراك بس .. بس متزعلش مني وتخاصمني بالشكل دا.
مسكت دراعه وهزته براحة أنا بحبكم أنت وماما ومكنتش بعمل اللي بعمله وفي دماغي إنكم مش فارقين معايا أنا كنت بعمله وشايفاه عادي البنات والشباب كلهم بيعملوا كدا.
شهقت وهي بتكمل والله عارفة إني غلطت لما نسيت الحلال والحرام عارفة إن غلطتي كانت كبيرة بس والله مش هتتكرر يا بابا.
فضلت ټعيط وهي على وضعها ماسكة دراعه وهو واقف مبيردش عليها لحد ما لف خدها في حضنه وقعد يطبطب عليها وهو كاتم دموعه جوة عينه بالعافية.
وفي وقت ما كانوا في البلكونة في هذا المشهد الحنين كان تلفونها في المطبخ محطوط فوق الرخامة بيفتح ويقفل كل شوية بسبب الرسايل الكتير جدا المبعوتة من أرقام غريبة رسايل محتواها كله قذر من شباب قڈرة..
كانت بتبتسم نسمة بسعادة لرضا أبوها عنها مكنتش تعرف المصېبة الجديدة اللي مستنياها مصېبة سببها