رواية راائعة للكاتبة أمل صالح مكتملة لجميع الاجزاء...( إختيارها السئ )

مش كبيرة أنا مړعوپة من بابا ومش عارفة أقوله إيه.
لأ كبيرة وكل حاجة بس مش اللي في بالي إن شاء الله نحلها من غير ما أبوك يعرف.
إزاي بس يا ماما أنا لو روحت

قولتله عايزة اسيبه هيسألني هبقى أقوله ايه ساعتها حتى لو وافق مهو هيقولي نرجعله الذهب يبقى معملناش حاجة.
اخدت فتحية نفس وهي بتطبطب عليها هتتحل إن شاء الله إحنا بس نقول يارب.
غمضت عينها ورددت وهي لسة مستمرة في العياط يارب يارب يا ماما.
بعد شوية كانت هدت فيهم تماما 
اتكلمت فتحية قومي قومي البسي ننزل نشوف الدهب اللي معاك دا اصلي اصلا ولا إيه.
بصتلها نسمة بعيون واسعة وصوت مخڼوق إيه!!! هو ممكن يبقى صيني
بت! بقولك ايه أنت كل شوية هتعيطي كدا في داهية الواد وحوارته دي بعدين قولتلك شغلي فردة الجزمة اللي اسمها عقلك دي شوية ما طبيعي لما ياخد ٥٠ ألف مش هيجيبلك بيهم دهب بجد.
يا ماما لأ إن شاء الله..
سرحت وهي بتفتكر كلامه الصبح في التلفون ثقته وهو بيكلم أكددتلها إن كلام أمها صح.
لبست بسرعة وكذلك فتحية نزلوا الاتنين سوا.
أهو المحل اللي احنا جايبين من الدهب مش هنخشه
قالت كدا لما لقت مامتها بتعديه بصتلها فتحية بغيظ اقسم بالله هنزل بضهر ايدي على وشك لو ما صحصحتي معايا كدا وشغلتي دماغك.
إيه يا ماما في ايه
صوتها على يعني هو اللي ما يتسمى دا لما يجي يجيب أكيد هيكون متفق مع صاحب المكان ولا أنت إيه رأيك!
تصدقي! 
اصبري بس أفوق كدا وأقسم بالله لأفوقك.
دخلوا مكان تاني وخلعوا الدبلة والمحبس اللي في ايدها قعدوا على اعصابهم مستنيين الراجل يلف يعرفهم نوع الذهب يترا اصلي ولا صيني.
الدهب صيني يا مدام يعمله بتاع 3 آلاف جنيه ولو اتنطط أوي 5 ..
يتبع...
السابع
الدهب صيني يا مدام يعمله بتاع 3 آلاف جنيه ولو اتنطط أوي 5..
وقفت فتحية وقربت منه يابني اتأكد يابني! مش يمكن قصدك 30 ألف.
رد عليها الراجل بتعجب لا والله هو صيني بس تقيل شوية لكن مش دهب أصلي وأي حد يعرف بسهولة عمره ما يوصل ل آلاف حتى.
بصت فتحية لنسمة اللي كانت حاطة ايدها على بقها پصدمة وقالت بحسرة أحيه يا نسمة أحيه يا قلب أمك.
خرجوا من المكان هيتجننوا كان عندهم أمل يطلع دهب أصلي أو حتى يبقى سعره لو إتباع يجيب نص ال 50 ألف اللي خدهم منها حمدي.
هنعمل إيه دلوقتي يا ماما أنا خاېفة أوي.
بصتلها وكملت بوعيد اصبري بس نخلص من الحوار دا اصبري عليا يابنت بطني.
ردت عليها بصوت أشبه للباكي طب وأنا كنت أعرف منين كل دا أنا ذنبي إيه يعني
وقفت فتحية في نص الشارع وزعقت ذنبك إيه أنت لو شايفة إنك معملتيش حاجة تبقى مصېبة يا نسمة.
ماشي عارفة إني غلطت بس أنا والله ندمانة!
بصتلها فتحية بدهشة يابنتي أنت هتجنينيني أنت إيه التناقض اللي أنت فيه دا
طب إحنا رايحين فين دلوقتي هنعمل ايه ولا هنتصرف إزاي
هنروح لبتاع الدهب ابن ال نخليه يقر ويعترف وبعدين نروح لإبن ال حمدي نعرفه إننا معانا دليل ولو مرجعش الفلوس هنروح نبلغ عنه.
بلعت ريقها بقلق طب وبابا. 
نعرفه بعدين لما نخلص ونشوف هنوصل لإيه. 
مهو .. مهو أكيد هيحس يعني. 
يبقى ربنا يسهلها ساعتها هو دا المحل
قالتها وهي بتقف قصاد محل الذهب هزت نسمة راسها فبصتلها فتحية عملت زي ما قولتلك
هزت راسها مرة تانية ودخلت ورا فتحية اللي زقت الباب بعصبية ودخلت تزعق مين اللي مشغلك هنا.
بصلها الشاب بإستغراب في إيه يا مدام وإزاي تدخلي المكان بالشكل دا.
رد عليا أنت شغال تبع حد ولا المكان مكانك.
بصلها ورد وهو مش فاهم حاجة لأ شغال تبع الحج منصور العمدة في ايه
بص لنسمة وهو بيحاول يفتكر شافها فين قبل كدا ملامحها مش غريبة عليه.
قعدت فتحية على كرسي من الكراسي واتكلمت وهي رافعة حاجبها كلمهولي.
خرج من ورا الحاجز اللي بيفصل بينه وبين الزباين ووقف قصادهم يا مدام لو في مشكلة عرفيني وأنا هوضح لحضرتك.
مشكلة دي مصېبة يا روح أمك ويتتصرف معانا وتتحل بهدوء يإما هتلبس أنت والحلو.
كانت نسمة متابعة پصدمة بتشوف مامتها بشكل جديد