رواية راائعة للكاتبة ايمي محمد مكتملة لجميع فصول...( عارضة الأزياء )
تفكيره بيحاول يستبعد مرض نور ممكن يكون ايه وكل فكره اسوء من غيرها بصلها وشافها بتترنح بمشيتها
مسك اديها انتي كويسه
سحب نور اديها منه اه انا تمام
بصلها معتز وفتح لها باب العربيه تركب
ولف هو كمان وطلع العربيه من الناحيه التانيه
وبداء يسوق للبيت
نور انت رايح فين
معتز هروحك ترتاحي. زي الدكتور ما قال
معتز انا ههتم بشغلك المهم ترتاحي انتي وتبقى احسن من الاول
نور بس انت مش هتعرف تعمل اللي عايزه..
ولا تتعامل مع البنات.. وانا مابحبش قعدت البيت صدقني انا هرتاح في الشغل اكتر
معتز مافيش شغل.. ومن النهارده اعتبري نفسك في اجازه لحد مانشوف الدكتور هيقول ايه
قطعها معتز بعصبيه خلاص يانور بقي كفايه..
كل كلمه لازم تعترضي عليها. ومش فاهم ليه
ما تسمعي الكلام بقا.. من أمته وانتي بتعرضيني بالشكل دا وليه العند معايا يا بنت الناس.. مالك. فيكي ايه
كان معتز بيتكلم وهو بيسوق العربيه
وراسه تعبته من التفكير.. في نور اللي اتغيرت كليا معا بعد صمت دام دقايق
شد معتز الفرامل فجاءه و اټصدمت نور من فرملته بشكل دا وسندت نفسها بصعوبه مع لف العربيه وبصتله مع نظراته ليها المرعبه
ونطق بهدوءابوكي مين اللي كلمك
نور بستغرب بابا يا معتز سالم كلمني عشان يخدني اعيش معه
معتز اممم وكلمك أمته
سكتت نور بتوتر
سألها معتز بهدوء ها وبعدين كملي
نور انا موافقه هاروح اعيش معه
كنت مأجله الكلام دا ل بعد العرض
و كنت هكلمك فيه بس انا حبه اروح من لوقتي
بصلها معتز وضحك بتهكم تروحي فين اممم ... عند ابوكي!! هو بيكلمك وانتي موافقه تعيشي معا.
نور انت بتضحك على ايه . وفين المشكله اني اروح اعيش مع بابا
معتز هي دي مش نكته انا فكرتك بتهزري ابوكي عايزك تعيشي معه بجد هو مين ابوكي دا يا نور..ها
ردي عليا كده هو انتي تعرفي ابوكي دا ومن امته ظهر ليكي اب دا انتي يادوب تعرفي اسمه من البطاقه ..
طيب هو يعرفك..... بجد يعني يعرف حاجه عنك
دا سابك وانتي عمرك سنتين
.. طلق امك بيكي من عشرين سنه
وعمره مافكر يسأل عليكي حتي ولو مره بالغلط..اذا كنتي عايشه ولا
دمعت عيون نور بحزن واهو افتكر انه عنده بنت وسأل عليها
معتز بعد عشرين سنه بيتعب والله امك و ابوكي رموكي لينا يانور.. وانتي حتى ماكنتيش بتعرفي تتكلمي او حتى تنادي عليهم.. دلوقتي بتقولي عايزه تعيشي مع ابوكي
بعد كل واحد ماتجوز وعاش حياته وخلف غيرك ونسي اصلا وجودك
وانا وامي ايه احنا اللي شيلنا همك..عايزه تسبينا وتمشي
ابوكي دلوقتي افتكر انه لي بنت.. وفكر يدور عليها بعد عشرين سنه وانت موافقه تروحي معه
ببساطه كده واحنا ايه مفكرتيش فينا
كان معتز بيتكلم وهو بيضحك بسخريه وتهكم
والڠضب مسيطر عليه
وكل كلمه بيقولها كانت زي السهم بيختر ق قلب اللي قدامه ببرود
نطقت نور پصدمه انت بتعيرني يا معتز
قالت كلامها وهي بتبلع غصتها بصعوبه
وحولت ماتبكيش قدامه و اتكلمت بثبات
انت بتعيرني ...
انا عارفه كويس اوي فضلك انت وخالتي الكبير عليا
وانا عمري مانسيته مش محتاج انك تقوله
ولا انا نسيت ان امي وابويا رموني ليكم ولا عمري هنسي ان كل واحد عاش حياته..وانا مفرقتش معه
وهمي انتم اللي شلتوه سنين
بس انت صح كفايه بقى شيل هم لحد كده..كفايه يا معتز
معتز نور
نور بجمود انا هروح اعيش مع بابا يا معتز
اللي لسه متعرفه عليه من يومين واه بعتله صورتي عشان يتعرف عليا
وشكرا على الجميل اللي عمري ما هقدر ارده ليك انت و خالتي.
وتضحيتكم عشاني
سكتت نور وخرجت من العربيه بسرعه
وهي بتبعد عنه قبل ما دموعها ټخونها قدامه
بعدت وبدات تبكي وشهقتها بتزيد بق...هر
وهي بتكتم صوتها
والناس بتتفرج عليه وصعبان عليهم ودا زاد بكائها
واحساسها انها مثيره
للشفقه
تمتمت نور بهمس ماكنتش مستنيه اسمع منك الكلام دا يامعتز.. انا كان همي تعبك اوي كده.. انا ليه قليله بالشكل دا ... ما صح اللي يكره امه وابوه مين يحبه.. دا انا كنت اكبر هم علي اللي خلفوني وانا حته منهم .. يبقى كتر خيركم عليا السنين اللي فاتت زاد بكائها بقوه و دموعها ڠرقت وجنتها
وحست فجأه باللي بيشدها من درعها وحضنها
وهو بيخبيها جوه حضنه.. وكانه بيخبيها من نظرات الناس وهي حاولت تبعده پغضب وصړخت فيه ابعد عني انا مش عايزه منك حاجه سبني في حالي ابعدوا عني انا اللي مش عايزكم مش عايزه اي حد فيكم
مسح علي شعرها بحنيه
واتكلم بندم انا اسف.. سامحيني يا نور ..
بس انتي غلطانه انا زعلت منك لانك عايزه تبعدي عننا بعد العمر داوتروح ل سالم وهو مالوش
