اسكريبت جديد للكاتبة رقية محمد مكتملة لجميع فصول...( بعض الندبات تبقي للأبد )

بتاعتنا ولا بتاعتنا احلى
هزت راسها وفعلا روحت معاها
الجده بترحاب 
أنت مس نور مش كده رقيه مش بتجيب سيره حد غيرك و وصفتك ليا كتير اوى ادخلى يا رقيه يا حبيبتي غيرة والاكل جاهز على الرخامه والعصير فى التلاجه استنى اطلعهولك علشان ميوجعش سنانك .
اتكلمت بابتسامه 
ازى حضرتك انا النهارده شوفت رقيه فى البريك بټعيط وعرفت إن مامتها وباباها منفصلين ف انا مقصدش التدخل ابدا الحقيقى بس البنت صعبت عليا بشكل كبير وقررت انى اجى اتكلم مع حضرتك شويه بخصوص رقيه . 

خدت نفس طويل وقالت
عارفه جايه لى وبخصوص اى رقيه حفيدتى بنتى اتجوزت ابوها بس هو طلع بتاع ستات ومش قد المسؤولية بس للاسف كانت حامل خلاص ولدت وسبتلى الطفله علشان تتجوز وتكمل حياتها وسافرت برا مع جوزها وانا من ساعتها وانا خدماها برموش عيونى
بصيت للأرض بعصبيه وانا بقول بصوت مليان عصبيه 
_لى بجد بيعملوا كده لى بيخلوا ده يحصل!! لى بيجيبوا طفل يعانى فى العالم ده ! بجد انا مشفقه على رقيه ومتضايقه من كم البهدله الي هتتعرضله هي محتاجه ام واب في حياتها حد سوى يعيشها مشاعر البهجه واللعب لى طفله زى دى تشيل الهم ده كله لوحدها
بصتلى بأسى 
صدقينى مكنش فى ايدى اى حاجه واى فرصه بقدر أسعدها بسعدها علطول بس انا مش فى ايدى اى حاجه
بصيتلها بهدوء وناديت على رقيه
قعدت على ركبى بهدوء وانا بقولها 
_ حبيبى جايز متفهميش كلامى دلوقتى بس انت قويه وشطوره وانا متاكده إنك هتعدى كل ده لوحدك اقابلك بكره فى السكول بااى يا جميله
استأذنت منهم وروحت البيت
دخلت فى وسط الزعيق ما بين اهلى وانا متعوده على ده طول الوقت
بصتيلهم بتركيز وقولت بصوت واطى 
صدقينى يا رقيه الى انتى فيه احسن بكتير من الي انا اتولدت وسطه على الأقل مفيش خناقات وتعب اعصاب يوميا على الأقل هما بعيد بعيد عنك تماما...
_ تمت بفضل الله _