رواية راائعة للكاتبة حنين عادل مكتملة لجميع فصول...( صدفة سعيدة)

_ لقيتك مش معاكي تليفون قولت اجيبه ليكي عشان ابقي اطمن عليكي وسجلت رقمي عندك بإسم حبيبي
ضحكت نعمة بدلع ...
جابر _ مش بس كده ..
بيطلع من جيبه عليه وبيفتحها وبيكون فيها دبلة ..
جابر_ الشبكة الكبيرة أما تجيبي ورقة طلاقك يا ست الستات ممكن صوابعك الملبن البسها لك
بتمد نعمة ايديها وبيلبسها ...
جابر _ حاسس اني اسعد انسان في الدنيا ارجوكي ما تتأخريش عليا ..
بتمشي نعمة معاه وهي حاسة بالذنب كل ما بتبص ليه بيشتري ليها ايس كريم من عربية ماشية ..
بيبص لها بحب وهي بتركب القطر _
خلي بالك من نفسك ورني عليا اوي ما توصلي انا عاملك باقة
القطر بيمشي بيجري جمبه وهو بيمسح عرقه بالشال الأبيض اللي فوق الجلابية _ 
لو حسيتي بأي خطړ ابعتي رسالة فيها أي حرف وانا هافهم وهاجي واجيب رجالتي نطربقها علي دماغ اللي يضايقك
نعمة _ حاضر يا معلم حاضر
systemcode_ad_autoads
بيقف جابر بتعب _ مع السلامة مع السلامة يا ست الستات
بتبص نعمة علي الطريق وهي بتفكر في الفترة الجاية في حياتها هاتعمل ايه ولازم كل خطوة تكون محسوبة ..
نعمة بتفكير _ مش معايا الا 130000 دول هايعملوا ايه حتي مايجبوش حتة شقة في اليومين دول .....
__________________________
دقوا المزاهر يلا يا أهل البيت تعالوا جمع ووفق والله وصدقوا اللي قالوا عين الحسود فيها عود .....
بيكون يزن عريس ونعمة عروسة ومأنكچها وبيضحك ..
يزن _ انا فرحان اوي يا مليكة انا بحبك اوي اوي اوي
مليكة نعمة _ يزن يزن يزن يزن
يزن_ ايه يا مليكة بتكرري اسمي ليه
مليكة _ يزن يزن
بيفتح يزن عينه وبيكون نايم ..
_ايه يا بني بصحيك بقالك ساعة قوم أفطر يلا والفطار سخن ..
بيهز يزن راسه وبيقوم يغسل وشه وهو مبتسم .
يزن _ يارب حقق الحلم وخليه حقيقة .
______________________________
بعد شهر ...
بيكون جابر قاعد عالقهوة ودقنه طويلة وهو مكتئب وبيفكر_
ليه كده يارب انا والله مازعلان عالفلوس اللي راحت في داهية الفلوس انا بس زعلان علي عشمي علي خيبة أملي ده انا في أيام حلمت ببيت وعيلة وولاد وفكرت خلاص أن الدنيا ضحكت لي
systemcode_ad_autoads
لأ وكمان الأدهي اني حبيتها طب كانت تعرفني أن همها الفلوس وبس ما خليتش طريقة احاول اعرف مطرحها الا وعملتها تلفونها قفلته مسافة ما ركبت القطر وروحت كفر الشيخ لفيتها كعب داير ما سيبتش فيها حتة شبر شبر وماحدش يعرف عنها حاجة ولا يعرف مين مليكة أحمد عبد المعز
خليك فاكر الاسم ده كويس يا جابر اللي چرح قلبك وموتك بالبطئ مليكة أحمد عبد المعز...منك لله يا شيخة منك لله
______________________________
بتكون نعمة بتجري في مكان راقي وهي لابسة لبس رياضة ورابطة شعرها ديل حصان وحاطة السماعات في ودنها...
نعمة بتفكير وهي بتبص علي الناس اللي حواليها_
اكتشفت عشان اوصل للي في دماغي وابقي هانم لازم اعاشر الهوانم ....يتبع
ولسه اللي جاي تقيل مع كاتبة الجيل 
علي فكرة الاسكريبت ده كامل لو اضمن انكم تتفاعلوا كنت نزلته كامل يلا تفااااعل 
صدفة_سعيدة
بقلم_حنين_عادل 
كاتبة_الجيل
Part 4
بتكون نعمة بتجري في مكان راقي وهي لابسة لبس رياضة ورابطة شعرها ديل حصان وحاطة السماعات في ودنها...
نعمة بتفكير وهي بتبص علي الناس اللي حواليها
اكتشفت عشان اوصل للي في دماغي وابقي هانم لازم اعاشر الهوانم
بتبص علي اللي ماسكة كلبها بتدلعه واللي بتلعب رياضة ...
ابتسمت وهي بتشاور لهم 
مدام سوزي اخبارك
سوزي الحمد لله يا حبيبتي صاحية بدري النهاردة ..
نعمة انا مانمتش طول الليل ..
سوزي لا تعالي احكيلي في ايه ...
بتقعد سوزي وتقعد نعمة قصادها 
خير يا حبيبتي