رواية راائعة للكاتبة صفاء احمد مكتملة لجميع فصول ( حورية مالك )

اعملى ما بداك محدش هيسمعك هنا طلعي اللى جواكي.
حور بجد يا مالك.
مالك اعتبريني مش موجود .
حور مشت لقدام شويه وكان في جيبها رسالة مالك طلعتها وقعدت تبصلها مالك استغرب هيا معاها الرساله لي سمعها وهيا بتقوله يعتبر عشت نص حياتي برا كلها كانت دراسه متتصورش وانا نازله اخر يوم ليا برا كنت مبسوطه قد ايه لدرجت اني كان نفس اسيب حاجتي في البيت واروح على الطياره ومعتش ارجع وبرضوه نص حياتي اللى عشتها هنا كانت دراسه مش هقولك اني محرومه من حنان الام والاب وكلام البنات ده لاء انا عندي نعمه اسمها امي وابويا وبحمد ربنا عليهم مشكلتي اني مسترجله شويه دا اللى باعد صحابي عني مش زي البنات بلبس وبخرج واغير فى نفسي عندي ثقه تامه اني حلوه على اللى انا عليه اللى قربت مني هدي هيا الوحيده اللى فهمتني فهمت اني مش بتاعت مظاهر عشان هيا كمان زيي ومكنتش لاقيه اللى يفهمها انا عايشه بالى جوايا مش بجمل حاجه ولا بصحح حاجه حتي لما اتقبلنا اول يوم في الشركه واتخانقت مع محمد دا كان اللى جوايا مش عشان قلب

اسود عشان ضايقني مش اكتر انتا ذات نفسك بتقولى انتي دبش بس خلاص حور القديمه المفروض حجات منها تمشي وتيجي واحده تحلى في نفسها عشان بقا في حياتها واحد تيجي واحده تكلمه حلوه وتحبه.
حور في اللحظه دي بصتله تبقا حنينه زي ما هوا حنين مستحملش طلبها جه اخدها من بيتها نص الليل عشان تعمل اللى هيا عاوزه حور قربت منهاوعدك اني هكون زي ما انتا عاوز وهعمل كل اللى هقدر عليه علشان بحبك وقفت شويه عن الكلام وهوا مش بيتكلم بيبصلها بس حور فجأه علت صوتها وقالت بحباااااااك.
مالك ضحك اه يا بنت المجانين.
وقرب منها مالك انا عاوزك زي ما انتي انا حبيتك بحور دي مطلبتش منك تتغيري عاوزك زي ما انتي مش عاوز الابشن الجديدبس لو انتى حابه انا هساعدك ف التغيير ده.
حور بضحك الاوبشن الجديد مجاني هتيجي تطلبه بعد الجواز هنقولك شطبنا.
مالك ايوا انا عاوز شطبنا دي والذي منه.
حور انتا الجاني على نفسك .
مالك خلصتة وقولتي اللى نفسك فيه.
هزت راسها بموافقه.
مالك طب يلا عشان متتاخريش.
حور اوك يلا.
مالك مسك أيدها لحد العربيه فتحلها الباب وركبها ومشا على بيت حور
وصلها وروح هوا كمان عشان يستعد لاحلى يوم في حياته.
عند هدي سهرانه شويه ومبسوطه عشان حور ومالك حور قالت لها على كل اللى حصل وطلبت منها تبقا موجوده معاها من اول يوم بس هدي مش عارفه تعمل ايه حور قايللها متأخر خاېف ترن على محمد تستأذنه تغيب بكرا ويبقا نايم وتقلقه في نفس الوقت محروجه منه حاولت ترن .
محمدالوو هدي في ايه انتي كويسه .
هدي باستغراب من قلقه ايوا الحمدلله بس كنت عاوزه اطلب منك طلب.
محمد قولى في ايه قلقتيني مش متعود ترني في وقت زي ده.
هدي معلش اعزرني كنت عاوزه استأذن منك بكرا اكيد عارف بحور ومالك وطلبت مني ابقا معاها بكرا في البيت ومقالتش غير متأخر اسفه اني قلقتك.
محمد ولا يهمك يا هدي طبعا مسموحلك واي حاجه تعوزيها حتي لو الفجر رني عليا بس.
هدي تسلم يارب .
محمد تمام هتعوزي حاجه .
هدى شكرا يا محمد سلام.
قفلت معاه وحاولت تنام عشان تروح لحور بدرى.
محمد قفل وهوا مبسوط أنه سمع صوتها كان نفسه هوا كمان يرن عليها بس مش عنده سبب مقنع عشان يرن وجاتله من عند ربنا لوحدها قام ينام عشان يروح الشركه ويخرج يروح لصاب عمره .
تاني يوم جه اليوم اللى الكل مستنيه .
حور صحيت على الضهر كانت هدي وصلت بدأت تعمل مسكاتها وتسشور شعرها هدي مستغربه حور مش بتهتم اوي كدا اي نعم حور حلوه رباني عشان كدا عمرها ما فكرت في كدا هدي قعدت وسرحت معقول عشان حور حبت يبقا تتغير كدا بتهتم بنفسها وبتعمل حجات مكنتش بتعملها عشان اللى بتحبه يشوفها احسن واحده طب وبالنسبالها أن هيا محدش بيشوفها النقاب عازلها عن الناس وعن اللى بتحبه بس اللى بيحب حد بيبقا شايفه بقالبه طب بالنسبه لمحمد ممكن يفضل مش شايفها بسبب النقاب رجعت من شرودها واستغفرت ربنا على تفكيرها النقاب نعمه عليها من عند ربنا ولو هوا بيحبها اكيد هيبقى شايفها بقلبه.
عند مالك راح الشركه هوا ومحمد وطلعوا بدري شويه عشان يروحو يتغدوا عند مالك في البيت لأن مامت مالك عازمه محمد على الغدا ويفضل يقضي معاهم اليوم اتغدو وكل واحد طلع عشان يجهز حاجته ويأكدو أن مش ناقصهم حاجه المغرب جه والكل بدأ يجهز من الناحيتين لحد
ما الساعه جت في فيلا المصري قاعدين مستنين الضيوف وفجأه الباب خبط.........
استنوا بقا لحد بكرا 
هعهعهعهع انا شريره