سكربيت كانسر كاملة للكاتبة إيمان شلبي
ازاي قلبك قدر يقسي علي قلبي اللي مقدملهوش غير حُب وثقه
ازاي قدرتي تقسي عليا بعد ما قدمتلك قلبي وانا واثق ومتأكد انك عمرك ما هتأذيه!
قفلت في وشه وانا في حاله انھيlر
مكنتش قادره اسمع حرف زياده منه!
قراري اني ابعد عنه علي قد ما هو مؤذي لقلبي ونفسيتي إلا أني مكانش قدامي غيره
اول ما عرفت من الدكتور أني عندي "كانسر" وفي مرحله متأخره
الدنيا اسودت في وشي
حسيت نفسي في متاهه حقيقيه
مشيت من عنده وانا مش عارف اروح لمين اقوله
ماما وبابا ،ثائر اقرب حد ليا ،صاحبتي الانتيم ؟!
عارفه ومتأكده أن اي حد منهم هينهار نفسياً وحياته هتقف
هفضل طول الوقت متحاوطه بنظرات خۏف ،قلق ،وداع
قعدت علي كُرسي الترام وانا براقب الشوارع ودموعي علي خدي
وكأني بملي عيني منها عشان أودعها وللأبد!
اكتر كلمه بكرهها في حياتي كلمه الوداع
وداع بين شخصين ،وداع احباب ،وداع حد مسافر ،وداع احلام ،وداع ميٹ لآخر مره ،وداع مريض لأقرب الناس لقلبه في انتظار موټه في اي لحظه
كلمه وداع بالنسبالي "شپح " بيطاردني طول حياتي
مره لما ودعت صاحبتي في كفنها لآخر مره
مره تانيه لما ودعت اختي اللي سافرت مع جوزها ومن وقتها مرجعتش
مره لما ودعت حلمي في اني ادخل كليه الطب ودخلت "أداب أعلام" !
وداع ،وداع ،وداع
عيشت حياتي بودع احباب واحلام وآن الأوان أن هما اللي يودعوني وللأبد
روحت البيت واول ما وصلت ماما اتخانقت معايا لاني مكنتش برد علي الفون
اعتذرتلها بهدوء عكس طبيعتي ودخلت اوضتي اترميت علي السرير وفضلت اعيط بصوت مكتوم
ثائر رن عليا للمره اللي معرفش عددها كام لحد دلوقتي وفي النهايه مردتش علي اتصالاته وانا جوايا مقرره اني ابعد حفاظاً علي قلبه ونفسيته وهو في انتظار أنه يودعني في اي لحظه
فات يوم ورا الثاني ورا الثالث وانا بحاول بقدر الامكان أبان علي طبيعتي وخاصه قدام ماما وبابا عشان محدش يشك في حاجه
