سكربيت حب مستحيل ( ايمان شلبي ) ..
-لو متجوزتكيش انا هتتجوزي زعيم مافېا
رمشت بعيوني اكتر من مره باستغراب :
-ا انت بتخرف بتقول ايه ؟
-انا مش بخرف انا بقولك الحقيقه ،في زعيم مافېا شافك في حفله كان ابوكي عاملها عندكم في الفيلا واتقدملك وابوكي للاسف مكتشفش أنه زعيم مافېا إلا لما اتقدملك
خاف عليكي وقرر يرفض ويقوله انك متجوزه عشان كده لازم تتجوزيني ونسافر من هنا
قعدت مكاني بصدم#مه وانا ببص قدامي وبسأله بشرود :
-طب ليه بابا مرفضش علي طول من غير ما يقوله اني متجوزه!
رد بهدوء :
-عشان لو ابوكي رفضه بدون اسباب هيصمم عليكي اكتر ومش بعيد يخطفك ويتجوزك ڠصب عنك وعن ابوكي وعن اي حد
نزل لمستوايا وهو بيسند بأيده الاتنين علي التربيزه وبيبص في عيوني وبكل قسوه
-انا بقولك الحقيقه عشان متاخديش قلم في نفسك وتفتكري اني بحبك لا فوقي انا ميشرفنيش احب واحده زيك
رفعت عيوني اللي كانت بتلمع بدموع مكتومه :
-وبتساعدني ليه بقي طالما مش بتطيقني؟
وليه قولتلي أن دي وصيه ماما وكذبت عليا في الاول
-انا مكذبتش عليكي مامتك الله يرحمها وصيتني اتجوزك فعلا بس انا بصراحه محبتش انفذ الوصيه لاني زي ما قولتلك مش بطيق وشك صدقيني
بس لما باباكي كلمني وقالي اساعده واتجوزك حفاظاً عليكي اضطريت اوافق
وقف كلام واخد نفس طويل وبعدها اتعدل في وقفته وهو بيعدل ياقه قميصه
-اعملي حسابك هنعمل الفرح وكتب الكتاب يوم الجمعه وبعدها هنطلع علي البلد
قال جملته بجمود ومشي من قدامي وانا قاعده ببص بشرود والدموع بتلمع في عيني
"بارك الله لكما وبارك عليكما وجمع بينكما في خير "
قالها المأذون من هنا وتوالت المباركات من حوليا من هنا
مش قادره استوعب اني اتجوزت
ومن مين ؟!
من أكتر شخص مكنتش بحبه وانا صغيره
بتجوز في ظروف غريبه وقصه غير مناسبه أو غير مشابهه لقصه الحب الاسطوريه اللي بحلم بيها طول الوقت
كنت حاسه اني في حلم مش علي هوايا علي الاطلاق !
حلم مُمل بشكل ميتوصفش
جوازي من شخص مش علي مقاس قلبي فكره مكنتش اقدر اتخيلها أو اتقبلها في يوم
لكن اوقات الظروف بتحكم علي الشخص أنه ياخد قرار منطقي نابع من عقله ويلغي اي مشاعر نابعه من قلبه
