سكربيت حب مستحيل ( ايمان شلبي ) ..
ليه كل ما اتمني حاجه محققهاش
ليه سقف طموحي بينهار قدام عنيا وانا مش عارفه اعمل حاجه
الفون بتاعي رن
رفعت راسي وانا برد من غير ما اشوف الرقم
-الو
-ا احم ازيك يا فلك
ضميت حواجبي في بعض باستغراب :
-مين
-ا احم احم انتي مش عارفه صوتي
رديت بعصپيه :
-وانا اعرف منين صوتك ما تخلص وتقول انت مين ؟!
اتنهد تنهيده طويله ورد بهدوء :
-انا هادي
اتنفضت من مكاني وانا برد بذهول :
-انت
رد باستغراب :
-ايوه مالك اتخض.يتي كده ليه
فضلت ادور في الأوضه زي المجنونه وانا برد عليه بعصپيه عمرها ما كانت من طبعي نهائياً
-بص بقي يابني آدم انت جواز من واحد فلاح زيك مش هيحصل تمام ؟
رد بهدوء عكس ما كنت متوقعه:
-بني آدم بقي مش بني آدم انا مش هتجوز واحد زيك بيحلب الج.موسه وكل يوم في الغيط مع البهايم ويرجع نص الليل ريحته تقرف شبه وشه و.....
قاطعني المره ديه لكن بحده :
-الفلاح اللي بتتكلمي عنه ده احسن من ميه واحد مش بيشتغلوا ولا شايلين مسؤوليه ،الفلاح ده انضف منك ومن عشره زيك ،الفلاح ده لولا وجوده مكنتيش لقيتي طفح تطفحيه يابت عمي ،الراجل ميعبهوش شغله لكن اللي عيب أنه يفضل قاعد في البيت زي النسوان ...
رديت بقـړف وضيق:
-بقولك ايه مش وقت محاضرات الله يخليك انا مصممه علي رأي ومش هتجوزك روح شوفلك واحده فلاحه زيك ياسيدي انت مالك ومالي ؟!
رد بسخريه:
-كان بودي اعمل كده والله بس هنقول ايه لخالتي الله يسامحها هي السبب
قعدت علي طرف السرير وبهمس:
-ماما
-للاسف هي اللي طلبت مني اتجوزك ودي وصيه ميــ،ت مقدرش معملش بيها
سكتت وانا ببص قدامي بشرود والدموع بتلمع في عيني
