سكربيت حب مستحيل ( ايمان شلبي ) ..

الجزء الاول 

-نعممممم بقي انا اناااا الدكتوره فلك اتجوز واحد فلاح ؟

بابا بحده :
-وماله بقي الفلاح مش بني آدم زينا

هزيت راسي بهستريه :
-لا لا يابابا انا مش موافقه لا ارجوك مش عايزه اتجوزه عشان خاطري مترمنيش الرميه ديه و....

بابا وهو بيشاورلي بأيده بجمود وإصرار :
-ولا كلمه زياده انا خلاص اخدت قراري وهتتجوزي "هادي" ابن خالتك يلا اتفضلي علي اوضتك يلا

طلعت اجري علي اوضتي وانا بعيط وفجأه خبطت في جسم صلب ،رفعت راسي لقيته "آدم" أبن عمي

آدم بقلق :
-مالك بټعيط ي ليه

رديت بصوت متقطع وانا بحاول اخد نفسي :

فتح عيونه بذهول :
-انتي بتقولي ايه عمي بيهزر ؟؟

هزيت راسي بنفي :

-لا والله بيتكلم بجد وقالي خلاص انا اخدت القرار وهيجوزني ڠصب عني ا ارجوك يا آدم ارجوك اتصرف اعمل اي حاجه خلي بابا يرجع عن قراره انا استحاله اتجوز البني آدم ده المoت اهونلي من العذـ،ـاب ده

شاورلي بأيده وهو بيحاول يهديني :
-خلاص اهدي طيب اهدي وانا هتصرف تمام

هزيت راسي ومسحت دموعي بكف ايدي زي العيال الصغيره وطلعت اجري علي اوضتي

قفلت الباب وروحت اترميت علي السرير وانا بدفڼ وشي في الغطا وبعيط بصوت مكتوم

عمري ما كنت اتخيل أن احلامي وطموحي وكل اللي بخططله من صُغري هيتحطم في لمح البصر !

طول عمري بحلم احلام تانيه خالص غير الواقع اللي بيفرض عليا نفسه

بحلم لما اتخرج من الكليه اعمل مستشفي بأسمي واكون انا المديره ،بحلم بقصه حب اسطوريه زي الروايات والافلام ،شخص يجي ينتشلني من حاله الضياع والفتور اللي عايشه فيها مع بابا من وقت مoت ماما ،شخص يشاركني تفاصيلي بدون ملل أو كلل،شخص يستحملني ويحتويني في كل الأوقات ،بيت دافي مليان حب وامان ،اطفال صغيره بتجري هنا وهناك

طموحي واحلامي مفيش اسهل منها مطلبتش المستحيل ليه بيحصل فيا كده ؟!