أجبرونا عالزواج ( اسراء إبراهيم )
الجزء السابع
رضوان بسخرية: قال يعني أنا اللي همـ،وت وأقابلك في آخرتي تاني، عالعموم عشان أسامحك يبقى تعملي بوست تمدحي فيا عالفيس وتقولي إنك بتحبيني ومش قادرة على بعدي ولا تعيشي من غيري
تالين بصد@مة: نعم؟ دا كدا كذب وهاخد ذنوب مش ذنب واحد وكدا كدا هكون في النار، وبعدين أنا أحبك أنت دا لو آخر يوم في عمري مستحيل أقولها
وبعدين مش قادرة أعيش من غيرك ليه؟ كنت الأكسجين ولا المايه ولا النت كلامك غير منطقي
وشوف غيرها، وبعدين على فكرة أنت وحش في حقي وظالمني فأنا مكدبتش ولا قولت حاجة غلط في حقك فاتفلق بقى
والرومانسية اللي هتغرقني فيها وتخليني أدوب فيها دوب هو دا اللي هنخبط بعض بالمخدات والريش يملى المكان هو دا النحنحة والحياة وردي وبتاع هو دا
تالين بنرفزة: ما خلاص يا أخ رضوان ماسكنا هو دا هو دا في إيه؟ يا عم هو ضحك عليك عشان يمشيك من الشقة مش أكتر أصل زهق منك
منير بضيق: يا شيخة الواحد غلط يوم ما قالك اللي فيها مابيتبلش في بوقك فولة أبدا
بقلم إسراء إبراهيم
منير: شششش خلاص زهقت منكم دا أنا فكرت هاجي ألاقي الدنيا حلوة لكن لقيت نكد ومشاكل وقـ،ـرف، يلا مع السلامة قاعدين يتخانقوا وحتى مافكروش يعزموا عليا بالغدا
وسابهم ومشي وهما واقفين باصيين لبعض ومتنحين
رضوان: هو قال علينا كدا؟
تالين: للأسف كرامتي اتهانت
رضوان: وأنا انداس عليها بجزمته
تالين: احنا لازم نوريه إننا كويسين مع بعض ونكيده
رضوان: أيوا ونخليه يشوف إننا مرتاحين مع بعض ونغيظه
تالين: صح، المهم مش هتجهز الغدا عشان جوعانة أخوك خلى الفطار يتهضم بسرعة
تالين ببرود: لأ أنت مش حد غريب يابا دا أنت جوزي يعني فهتكسف أطلب منك كدا ليه؟ هو بطلب حاجة عيب استغفر الله يعني دا الغدا يا عسل
رضوان بزهق: اخفي من وشي أحسنلك ولا قومي كلي عيش وجبنة
دخلت تالين الحمام، وبعدها بكام دقيقة صرخت
جري رضوان وقال: في إيه الحمام بخير ولا إيه؟
يتبع…
