رواية كاملة بقلم مريم اشرف ... مكتملة ( نور الليل )

وهي بتفتكر..فلاش باك
كانت بتسوق عربيتها وأصوات الأغاني المرتفعه بتتخللها وهوبا خبطت فعربية واحد..
طلع من العربيه بتاعته بعصبيه..فطلعت هي كمان بعده..
قربت منه واتكلمت بنرفزه انت مبتشوفش يا حلتها!..أعمى حضرتك!..عارف العربيه دي كلفتني كام!..طيب انتو لما مبتعرفوش تسوقوا بتسوقوا ليييه!
فتح عينيه پصدمه من كلامها الجريء معاه يعني أنا اللي خبطتك!!!..انتي بتعملي مصېبه وتلبسيها فيا يا أم أغاني..ايدك على ألفين جنيه أصلحب بيها العربيه...يلا بسرعه عندي شغل!!
رنا پصدمه هو انت فاكر نفسك مين!..فاكر انك هتخوفني بطولك ده..وبشوية العضلات البلاستيك بتوعك دول...حمحمت وكملت بخفوت احم شكل دفنتك النهارده يا رنا..
رفع كفه بسرعه يضربها..فحطت ايديها قدامها وصړخت لأ لأ..آسفه متضربنيش..خلاص أنا هنسى انك خبطتني ومش هقول حاجه ولو سألتني ماما ايه اللي حصل في العربيه أقولها البنت شوشو وعيونها بقى..
مسك مهيمن ضحكته بصعوبه قدامها من المجنونه الواقفه قدامه دي وركب عربيته ومشي..
شالت ايديها وقالت هييه!!..البني آدم ده سابني..مين اللي هيدفع ثمن اللمبه اللي اتكسرت دي..اوووف..
رجعت رنا بذاكرتها للحاضر على صوت ضحك نور عليها
نور بضحك الله!..دي قصة حب ولا في الروايات!!
رنا بضيق قصة حب ايه دي يا زفته..متحترمي نفسك وقفلت المكالمه فوشها..
قامت نور من على فراشها وفتحت البلكونه ودخلت فلقت ليل في الجنينه بيتكلم في التيليفون..
ابتسمت بخبث ودخلت تاني الأوضه وغيرت بيجامتها لفستان أصفر قصير مع كعب عالي وفردت شعرها ورا ظهرها ونزلت.
لقت نادر بيفطر لوحده فقربت منه واتكلمت صباح الخير يا بابا عامل ايه
بصلها وضحك صباح النور يا بنتي وانتي نور فعلا..تعالي اقعدي تفطري..
قعدت نور على الكرسي وقالت أمال فين ليل
نادر رد تلاقيه فالجنينه..شويه وهييجي..
بعد دقايق دخل ليل صباح الخير..
وقعد على أقرب كرسي..بص لنور بتحدي وبادلته نفس النظره..
بعد الفطار قام ليل واستعد عشان يروح شركته..
نادر استنى..خد نور معاك!
لف ليل پصدمه ناحيته عفوا!
نادر بهدوء بقولك خد نور معاك..
ليل پغضب هي هتيجي معايا الشغل كمان!
نادر ايوه طبعا هي هتبقى زي البودي جارد بتاعك..
ليل باستهزاء بتهزر مش كده
نور قامت لأ مش بيهزر..انا هروح معاك الشغل..ده جزء من العلاج بتاعك وغمزتله..
سكت شويه وبعدها بص عليها نظره مرعبه تعالي ورايا يا طفله..
نادر بقلق الله يكون في عونك يا بنتي..لو زعلك في حاجه اتصلي بيا متتردديش..
ابتسمت بمرح حاضر يا بابا وطلعت وراه..
___________________
الفصل الثالث
طلعت نور ورا ليل اللي كان بيشاورلها من العربيه بتاعته..
ابتسمت وركبت جمبه وقالت الجو جميل أوي النهارده..
لارد..
كملت ايه ياعم مش هتشغلنا أغاني
جز على سنانه مبحبش الزفت!!
ردت عليه وهو انت هتستنى تحبها..قالت كده وضغطت على الراديو تشغلها وكانت أغنيه رومانسيه..
بعد ايدها بسرعه وطفاها..بعدها وقف العربيه جمب الطريق..
كلمها بعصبيه انتي فاكره نفسك ايه!!
حطت كفها على ذقنها بتفكر امم..سيبني أفكر..ممكن أكون دكتورتك النفسيه
ليل بقولك ايه يا دكتوره زفت انتي..متختبريش صبري لحسن مش هيعجبك تصرفي بعدها!!
نور ببلاهه ايه..هتفضل باصلي البصه المرعبه بتاعتك وتستناني اقولك ياما خفت!!..
ليل وقد وصل لآخر درجة من صبره اسمعي يا..
قاطعته هسمع ايه
فتح ليل باب العربيه وزقها منها..
نور بتمثل الألم آه ظهري منك لله..هو انت مبتعرفش غير تزق الناس!..عيطت..
كان لسه هيقفل الباب بس مسكته طب يرضيك..يرضيك تسيبني لوحدي في الحته المقطوعه دي
ليل بانتصار آه يرضيني..وجدا كمان..
نور ببراءه آسفه ضغطت عليك أوي..
ليل اتنهد اطلعي يا غبيه!
________________________________________________
وصلوا الشركه وطلعوا على الأسانسير..
نور بتوتر ايه ده..معندكمش سلم
ليل في واحد للطوارئ والباقي كله مصاعد..
بلعت ريقها پخوف ورجليها بدإت تخبط في بعضها..
بصلها ليل باستغراب من حالتها..وأول ما بدأ المصعد يتحرك..اتكعبلت واترمت في ليل اللي اټصدم 
ليل بابتسامة ماكره پتخافي ولا ايه
هزت راسها آه بصراحه بكره الأسانسير بيجيبلي دوخه..
محسوش بنفسهم غير لما اتفتح المصعد ولقوا الموظفين قدامهم بيبصولهم وبيتوشوشوا..
بعدت نور بسرعه م ووشها بقى أحمر من الخجل وقالت آسفه مكانش قصدي..
ناظرها پحده ومسك ايديها بقوه واتوجه ناحية الموظفين..
ايه انت وهي بتضحكوا على ايه..عادي واحد ومراته بقى..
شتمته نور في سرها بسبب كلامه المستفز ليها..فكمل كلامه وعيونه عليها
هي هتكون السكرتيره الجديده بتاعتي وأي كلمه وحشه فحقها هسمعها..هتترفدوا كلكم فاهمييين!!!!
الكل هز راسه پخوف..
سحبها وراه على مكتبه وقفل الباب..
نور شالت ايده پغضب ايه اللي هببتوا بره ده!..مراتك ازاي حضرتك!!
ليل بابتسامه مانتي السبب....مكانش عندي حل تاني عشان متتشوهش صورتي قدامهم..
نور بدإت ټعيط ڠصب عني والله مش ذنبي اني بخاف