مثلث عشق ( سوليية نصار )
#مثلث_العشق
#سولييه_نصار
الجزء الثالث
-هتسبيه !
قالها أيوب وهو يبيوس أيدي ...مسحت دموعي وهزيت راسي وقولت:
-حاضر هسيبه ...
-تتصلي بيه دلوقتي وتقوليله انك اتراجعتي عن الموضوع ...
قالها بغيرة ...قلبي دق جامد ...غيرته تاني اجمل حاجة بعديه هو ...
قولت بنعومة :
-مينفعش يا أيوب كده ممكن امي تشـ.ك ..بكرة هبلغهم الحوار ...
-حاضر ...
ابتسم ليا وباس راسي وقال:
-ودلوقتي روحي البيت اشوفك بكرة ...سلام ..
-سلام...
قولتها وانا قلبي بيطير من السعادة ومشيت من قدامه وروحت البيت ....
بعد ما دخلت اوضتي فضلت الف حوالين نفسي من السعادة فجأة اتجمدت مكاني وانا بشوف برواز مزدوج فيه صورتي أنا وحور واحنا صغيرين وصورة واحنا وكبار ...دموعي نزلت بكسوف وحطيت أيدي علي وشي وبدأت ابكي ....
قالها أيوب وهو ماسك ورد وبيقرب منها عشان يصالحها...كانت هي قاعدة علي الانتريه بعد ما نومت مؤمن وبتتفرج علي التلفزيون ....بصتله ببرود و بعدين كملت فرجة ...
قعد جمبها وقال:
-انا اسف يا حور ...اسف بجد ..سامحيني ...
-مادام مش قادر علي زعلي يبقي متزعلنيش يا أيوب لأن زعلي و.حش اووي...ومينفعش تجر.ح اللي قدامك وتستني أنه يسامحك عشان قولت انك أسف ...
-ميبقاش قلبك اسو.د اومال قولت أنا آسف ...
بعدت ايديه وقامت وقالت:
-للأسف اسفك مش كفاية يا أيوب ...أنت زودتها المرة دي في عصبيتك وزعيقك وانا معملتش اي غلـ.ط ...بالعكس بحاول دايما ارضيك فده مش جزائي اني بحاول ارضيك ...لما تعرف غلطك كويس هسامحك ...تصبح علي خير ...
تاني يوم ....
صارحت ماما بحقيقة اني مش قادرة اتقبل كارم ومع شوية دموع اقتنعت وقررت تكلم ابويا ويمكن هي ارتاحت اكتر لأنها مش بتحب كارم ومش شايفاه يليق بيا لانه مش وسيم ...
روحت الشركة وانا راسمة ابتسامة علي شفايفي ودخلت مكتبي أنا وأيوب ...قرب مني وقال بصوت واطي:
-وحشتيني اووي ...
وبعدين باس خدي بسرعة ...ضر.بته علي كتفه وقولت :
-اتلم.
