اسكريبت جديد بقلم سلسبيل محمد

_ الجاكيت بتاعي فين يا ماما 
_ يخربيتك يابت دا لسه جديد
اخس عليك يا اسر دا هياكل مني حته ولايق عليا
_ لايق على مين يابت ماما يا ماماااااا 
اية يا واد في اية
هو انتي فاتحه دولابي صدقه يا ماما بتاخد الجاكيت بتاعي!! ده ب 1600 جنيه
بنت اختي براحتها
بعتلها بوسه فالهوا
انا مليش غير خالتو

وبعدين خد ياض انت لابس شرابي
_ م انتي لابسة جاكتي
وانت لبست الكاب بتاعي قبل كدا
_ ما انتي مقلبه مني تي شيرت قبل كدا 
ماشي وربنا مهتاخده برضو هه
_ يابنتي ونبي عندي معاد انتي بتلبسيه قبلي!
رايح لمزه 
_ لاء
رايح مناسبه
_ لاء !
رايح تطفح
_ لاء
يبقي خلاص انا الى هخده
نفخ وبصلي بطرف عينه خليكي فاكرها
حاضر عيني هفتكر
انا ليلي 19 سنه ودا اسر ابن خالتي 21 سنه احنا فى بيت واحد حتي فنفس الدور فالعماره انا وحيده و والدي مسافر بره بس بينزل اجازات واسر هو كمان وحيد بس باباه مټوفي ويمكن دا سبب قربنا. 
_ انتي خارجه دلوقتي
اه عايز اية
_ مفيش خروج 
نعم يا حبيبي 
_ مش هتخرجي
يخالتووووووو
_ فينا من كدا ماشي يخالتوووو
جت ماما وجت خالتو على صوتنا
في اية مالكوا
الاستاذ مش راضي يخرجني
ليه يا اسر 
اية الى ليه عنده حق 
بصيت لماما ثانيه كدا انتي امي ولا لقياني على بابا جامع
رد بغيظ ايوا لقتك على باب جامع
اسكت يلا
_ والله مهتنزلي
بصي ابنك بصي لما افتح دماغه هيرتاح
يا اسر سبها تنزل
بص لماما بخبث انزلها يخالتو 
لاء 
يمامااااا بقا 
الوقت اتأخر
بصلي وغاظني فا مثلت الزعل
_ خلاص هتنزلي بس بشرط
خير 
_ هاجي معاكي
ما تلمي ابنك المهزق دا بقي يخالتو
ماما زغدتني بت عيب كدا متشتميش ابن خالتك 
بتكبر دا الى عندي بقي يا ليلي
يعني انت عايز تيجي هاه
_ اه
تمام اللبس ويلا بينا مستنيا 
_ ايه 
ايه هتيجي معايا بس متبقاش تشتكي
راح لبس وفضلت مستنيا وانا برقدله على تقيل
_ يلا بينا هتروحي انهي مول
المول الى فى ........
_ دا بعيد اوي فى واحد هنا كويس
لاء انا بحب اروح ده
ودانى فعلا البعيد وبعد اربع ساعات لف فالمول 
_ كفااااااايااااااااااا
الله يخربيتك اية
_ مش قادر رجلي اتشلت
والله محدش قالك تيجي معايا 
_ اهههه قولي كدا بتربيني
وربنا لاعرفك
وقفت