رواية كاملة وجديدة بقلم ملك محمد ... مكتملة ( حازم و بسنت )
مالك متوتره ومش ع بعضك كدا ليه
_شايفه اللي قاعدين ع التربيزه هناك دول وشاورتلها عليهم
_اها مالهم
_دول معايا ف الجامعه
_اها وانتي طبعا خاېفه يشوفوكي ويعرفه انك شغاله هنا
_بالظبط تعرفي الي هناك داه وشاورتلها ع حازم دا بقى ارخم بني ادم شوفته دا مش بعيد لو عرف يفضحني ف الجامعه كلها
يارا بضحك تعرفي بقى أنهم دايما بيجيو هنا وانا مش عاجبني الا داه
_ خلاص بقى متكسفنيش
بسنت لسه متنحه اكسفك كمان لا دانتي حالتك صعبه كملي شغل كملي
بعد عشر دقايق
_يارا
_ايوا
_تعرفي الي قاعد جمبهم داه اسمه ايه
_تقصدي أمير
_هو اسمه أمير
_اها والي جمبه دي تقريبا خطيبته لأنها دايما لازقه فيه
بسنت اټصدمت دي خطيبة داه
_في اي يابت هو انتي مش عاجبك حاجه ليه انتي مالك ومالهم ركزي ف شغلك
يارا بضحك منكوشه اي يخربيتك اسمها كيرلي
بسنت بتريقه قال كيرلي قال مفيش احلى من الشعر الناعم الطويل زي شعري كدا
_هو احنا عمرنا شفنالك شعر انتي دايما بتربطيه يابنتي داحنا قربنا ننسى انك بنت
_اوووف بقى يا يارا لازم تكسري بخاطري مانتي عارفه مفيش وقت اقف قدام المرايه
بسنت مسكت شعرها تلعب فيه وسرحت ف كلام يارا
يارا خبطتها ف كتفها_لا مش وقت سرحان عايزين نشوف شغلنا
_أااه بالراحه هو الشغل هيطير
______
حازم وأمير وداليا خلصه قاعده ف الكافتيريا وحاسبه ع المشروبات ومشيو
حازم اتفاجئ أنه نسي محفظته ع التربيزه ساب أمير وداليا يروحو ورجع ياخد محفظته
يارا استني يابسنت
_ في اي
_دي محفظة حازم تقريبا نسيها خدي ادهالو بكرا ف الجامعه
بسنت باستغراب بت انتي هبله اديلو اي
فجأه حازم دخل
بسنت واقفه جمبه بس هو مبصش عليها
_لو سمحتي نسيت محفظتي هنا
بسنت اول لما شافته حتط شنطتها ع وشها وخرجت من بابا الكافتيريا بسرعه
لحقها بسرعه وشدلها التوكه الي هي رابطه بيها شعرها ديل حصان
شعرها اتفك ونزل ع وشها
اتخضت وبصت وراها
لقته مبتسم ع فكرا كدا احلى
بسنت بعصبيه انت مين ادالك الحق تعمل كدا هات التوكه دي
بتحاول تجبها مش طايله زهقت منه وسابته ومشيت
لحقها
_ انتي مركبه عجل ف رجلك بالراحه شويه
مردتش عليه راح واقف قدامها
بتحاول تروح يمين بيروح معاها تروح شمال يروح معاها
لسه هتشنكله زي ماعملت قبل كدا راح شايل رجله كانت هتتكعبل هي وتقع
مسكها قبل ماتقع وغمزلها بتعلم بسرعه مش كدا
بسنت بعصبيه شدت ايده حضرتك عايز اي مني دلوقتي
_ايوا كدا نسأل الاسئله المهمه أنا عايز اي منك عايز اي اه قوليلي اسمك اي وبتعملي اي ف الشارع والوقت متأخر كدا وكمان لسه بلبس الجامعه يعني مروحتيش البيت لسه و..
بسنت قاطعته حيلك حيلك اي كل الاسئله دي
_طب خلاص قوليلي اسمك اي ومش عايز اعرف الباقي
بسنت بعصبيه اسمي بسنت ها ممكن اروح بقى
حازم ابتسم مانا عارف
بسنت مستغربه عارف! وعرفت اسمي منين
_دي مصادر خاصه بقى ملكيش دعوه بيها
بسنت لسه مټعصبه ولما انت عارف اسمي كل اما تشوفني تقولي اسمك اي ليه
حازمه الابتسامه ع وشه وبيتكلم ببرود اعتبريها رخامه
بسنت سابته ومشيت
لحقها تاني ومشي جمبها_ هو انتي متعوده تسيبي الناس بتتكلم وتمشي كدا
_ع فكرا بقى انت لو مش مشيت أنا هصوت واعملك ڤضيحه ف الشارع
حازم بيبص يمين وشمال وراح بصوت عالي
معلش ياجماعه ركزو معانا هنا دقيقه الانسه عايزه تقول حاجه
كل الي ف الشارع بصو بسنت اتكسفت وحطت أيدها ع وشها ومشيت
ضحك ولحقها تاني
_انت عايز اي مني كفايه لحد كدا
_خلاص متزعليش نفسك تعالي اوصلك طيب انا معايا العربيه
_متشكره جدا ممكن تسبني بقى اكمل طريقي
_اتفضلي ياستي نأسف ع الازعاج وسابها تمشي
راجع بضهره وهو عمال يبصلها ومبتسم وهي ماشيه
اتكعبل ف طوبه ووقع
بسنت بصت عليه اول لما شافته ع الأرض
فضلت تضحك
بص عليها وسرح ف ضحكتها الحلوه وشعرها الي نازل ع وشها
سابته ومشيت وهو لسه قاعد ع الأرض سرحان
عدت ست كبيره راحت حاطه 5 جنيه ف ايده ومشيت
قام بسرعه نفض هدومه ورجع للعربيه بتاعته تاني وركب وروح
________
ف بيت بسنت
دخلت لقت والدتها نايمه بره ع كنبة الانتريه
بتكلمها بصوت واطي
_ماما ماما قومي نامي جوا ياحبيبتي أنا جيت
والدتها قامت_يلهووي يابسنت خضتيني عليكي يابنتي اول مره تتأخري كدا
_معلش ياماما كان عندنا شغل ذياده النهارده
_طيب ياحبيبتي أنا هقوم اجهزلك العشا
_لا لا متجهزيش حاجه انا كلت قومي نامي انتي بس
_كلتي بجد ولا بتقولي كدا علشان متتعبنيش
بسنت بضحك كلت ياحبيبة قلبي صدقيني صحيح ريم نامت
_اه نامت من بدري
_طب أنا هدخل ابص عليها قبل ماانام البت دي بقت بتوحشني اوي امتى يوم الاجازه يجي علشان اعرف اقعد معاها
_ربنا يهديكو ويخليكو لبعض يارب يابنتي
والدتها قامت
