رواية قصيرة راائعة للكاتبة ناهد خالد مكتملة لجميع فصول.. .. ( كافيه الحب )

اللي انا اعرفها انا مش عايزة اشوفك تاني. 
نزلت من العربيه وجريت لشارع جانبي كان كل همي اختفى عن نظره
عمار
انا لسه تحت تأثير الصدمه مش متخيل انها شايله منى للدرجه دي مكنتش اعرف ان غيابي سببلها كل ده طب ده انا بعدت عشانها هي عشان موجعهاش. معقول بعادي ۏجعها للدرجه دي طب ما وجودي كان هيوجعها اكتر. انا مكنش الموضوع سهل عليا زي ما هي  متخيله انا كنت كل يوم بفكر اني ارجع.. بس مكنش ينفع
أما أنا مشيت وانا بتخبط في الناس ومش عارفه اصلا انا بقيت فين انا عايزه ابعد وخلاص . و افتكرت اول يوم شوفته فيه 
يوم اللعنه ايوه انا سميته كده لأن من بعدها وانا حياتي اتقلبت وبقيت واحده تانيه
قبل سنتين من دلوقتي وفي الكافيه نفسه 
روحت أخد الاوردر كالعاده بصيت عالطربيزه لاقيت واحده بسم الله ماشاء الله تبارك الله فيما خلق بأمانه أبيض وشعره مدي علي البني و غزير واي ده! عيون خضرا كمان!! الله أكبر لا وأي لابس فورمل بدله كحلي أنما أي قمر وأنا بقي محبش في حياتي قد الفورمل اه والله. 
قربت منه وسألته بنبره حاولت أخليها رقيقه علي قد ما قدرت يعني 
تحب تطلب اي يا فندم
رفع رأسه وبصلي وانا كمان كنت باصه له مستنيه إجابته بس اول ما عيني جت في عينه شوفت كميه ۏجع وحزن مش طبيعيين خلوني واقفه قدامه منطقتش حتى ما سمعتش هو طلب اي
_يا انسه سمعاني
فوقت من سرحاني ورديت بتوه 
ها.. آه تمام تحت امرك.
روحت وطلبت له عصير ليمون انا معرفش هو عاوز اي بس انا شوفت انه محتاج عصير ليمون يهدي نفسه شويه وهيشربه! والله ليشربه احنا هنهزر! . انا مش بالعادة اني بفرض رأيي علي حد بس معرفش لي حسيت اني واجب عليا اعمل كده وهو هيسمع الكلام 
سارة ليلي العصير اهو 
رديت عليها وانا باخده تمام. روحت ناحيه طربيذته وقلت في سري ربنا يستر وهوب إبتسامه ثقه ودخلت عليه اتفضل حضرتك. 
بصلي بذهول اي ده 
رديت باستهبال او استعباط مش هتفرق عصير ليمون. 
رفع حاجبه وقال بغيظ والله ده علي اساس اني مش شايف! انا بسأل لي جيباه انا طلبت قهوة علي ما اظن. 
رديت ببراءه مستفزة 
لا القهوه مش هتفيدك العصير افيدلك دلوقتي 
اقدر اقولكوا انه في مرحله اللاوعي دلوقتي ورد نعم 
سألته ببرود اي مالك!! . اسمع مني القهوه هترهقك اكتر لكن العصير هيروقك. 
رجع بضهره لورا واستند عالكرسي وسألني ببرود تقريبا أكتسبه مني وبعدين !
قعدت على الكرسي اللي قدامه وسندت بأيدي عالطربيذه انا مش عارفه انا بعمل اي! بس النظره اللي في عينه يمكن هي اللي مخلياني اعمل كل ده 
وقلتله بكل ثقه وكأني أعرفه من سنين ولا بنت خالته 
بص بقى اشرب بس وروق دمك وبعدين نتكلم. 
بصلي باستغراب وكأني مجنونه! هو انا فعلا مجنونه! وليكن المهم اني عاوزه اعرف ماله 
سألني بزهق وحيره انتي عاوزه اي! 
رديت بسرعه من غير ما افكر مالك! 
رفع حواجبه بذهول وسألني باستفهام نعم! 
رديت عليه بكل بساطه وتوضيح فيك اي يعني! احكيلي. 
خبط كف في كف وقالي انتي طبيعيه! وأي الي يخليني احكيلك هو انا اعرفك! 
نفخت بملل وقولتله اسمعني بس مهو ده الشئ الكويس في الموضوع  انك متعرفنيش عارف في مره شوفت بوست علي فيس بوك بيقول نفسي اقابل شخص معرفوش ولا هو يعرفني ونقعد نحكي لبعض عن كل حاجه وبعدها كل واحد يروح ما كان ماجه ومنشوفش بعض تاني ابدا اعتبرها كده. احكي وانا لو شفتك مره تانيه مش هعرفك اصلا. 
قولت الجمله الاخيره بضحك وحركه مسرحيه 
ابتسم ابتسامه صغيرة وياخرابي علي ابتسامته  وبصلي بعدين قالي 
_هحكيلك.. انا...
يتبع

الفصل الثالث
ابتسم ابتسامه صغيرة وبصلي بعدين قالي 
_هحكيلك انا طول عمري بحلم بأني ابقي غني وصاحب شركات وعندي عربية وفيلا وابقى ليا اسمي اللي الكل اول ما يسمعه يبقي عارف انا مين وفضلت أسعى كتير عشان اعمل ده بدأت بمكتب صغير اوي وبعدها أكبر واكبر وبعدين شركة صغيره والشركة بقي ليها اسم في السوق بعدها فتحت فرع تانى والتانى جاب تالت ورابع وبقي عندي سلسلة شركات ومنتجعات وبدل الفيلا قصر و٣ فيلل في أماكن تانيه وبدل