رواية البريئة والقاسي كاتب اسماعيل موسي

بعد تفكير ومجادلات، عملت شعرها ضفيره طويله إلى حدود خصرها
عارفه انها لازم تلملها قبل ما تنزل تحت فى الفيلا لكن سادين بتحب تشوف نفسها مهندمه
حطت ميكب بسيط على وشها قبل ما تلبس هدومها وتنزل

اول ما نزلت قعدت على البيانو وطلبت قهوه من الخادمه هند!
هند حاضر يا ست سادين حمامه

هند دخلت المطبخ تعمل فنجان قهوه ساده قابلتها كبيرة الخدم سندس

___هند بعمل قهوه لسادين هانم

سندس هى فين سادين هانم؟

___هند، قاعده على البيانو هتعزف

سندس بغم وضيق، اطلعى قوليللها مش هينفع تستخدم البيانو
وقبل ما هند تسألها ليه وعشان ايه، دى تعليمات الست شاهنده

___ هند وانا مالى يا ست سندس، انتى الكبيره هنا اطلعى قوليللها

سندس بغضب انتى مفيش فايده منك ابدآ، أمشى من قدامى، خرجت سندس، سلمت على سادين وقالت بنبره كلها خجل

سادين شالت صوابعها من على البيانو، بصت لسندس إلى توقعت غضبها وصراخها

___سادين بهدوء وادب وقفت فى مكانها، شكرا سندس، من فضلك بلغى هند تطلعلى القهوه فى غرفتى ولا اقلك انا هخدها معايا

دخلت سادين المطبخ خدت القهوه بتاعتها وطلعت السلم بشرود
من غير ما تاخد بالها خبطت فى رعد إلى كان نازل متسلل

رعد بغضب ومكر مش تفتحى؟ 

سادين اسفه والله ما خدت بالى، انت كويس؟ جرالك حاجه؟
رعد بقرف، كويس، كويس وسابها ونزل

سادين طلعت على غرفتها جرى

رعد بعد ما سادين طلعت غرفتها صرخ فى سندس، سندس تعالى هنا؟
سادين هانم واخده القهوه بنفسها لغرفتها ليه؟  مفيش خدامين هنا ولا ايه

سندس بتلعثم دى كانت رغبتها يا رعد بيه

رعد، هى كانت نازله تعمل ايه؟

سندس بخوف كانت نازله تعزف على البيانو

رعد بلهفه وفضول، وعزفت؟ انا مسمعتش حاجه؟

سندس برعب اكتر، معزفتش يا رعد بيه

رعد ايه السبب؟

سندس ولسانها بيتقطع، تعليمات شاهنده هانم ان الست سادين متستخدمش البيانو