رواية كوميدية كاملة بقلم روني محمد ( يوميات سوكة المچنونة )

واحدة بعد نص الليل عاوزين ننام ..
ردت حنان وقالت 
عيب يا سوكة كده .. تشرب ايه يا معتز يا حبيبى ..
سوكة شرب المر فى ودانه .. ايه يا ماما المعاملة دى انتى مش عارفة بيعاملنى ازاى فى الشركة
حنان معتز يعمل الى هو عاوزه طب تصدق انا حبيتك كده لله فى لله ..
سوكة وقفت ومشيت وسابتهم دخلت تنام وقالت 
ابقى خلى سي معتز ينفعك شوفى مين بقى يغسلك السجاجيد اوووف ..
سوكة دخلت اوضتها وهى متغاظة بس اتفاجأت لما لقيت حد نايم على السرير اتخضت وكانت لسه هتصوت الا ان شمشون وقف قصادها وقال 
سوووكة ازيك وحشتينى
سوكة وحشك قطر .. عاوز ايه يا عفريت الندامة ايه الى رجعك تانى ..
شمشون كده يا سوكة انا كنت معدى من هنا وقلت اسلم عليكى ماشي يا سوكة انا زعلان ..
سوكة خلاص يا شمشون متزعلش بص انا كنت عوزاك فى طلب 
شمشون ما بلاش الطلبات بتاعتك دى بتكون اخرتها سودا ..
سوكة هو طلب واحد بس وحياة ابوك تنفذهولى ..
شمشون ايه هو هه 
سوكة انت تروح لمعتز دلوقتى وتسخطه قرد ..
شمشون لا يا سوكة انا معرفش انا كتاب التعاويذ ضايع منى
سوكة غور يلا من وشي وربنا لو شوفتك فى مكان تانى لأحرقك ....
شمشون انا الى غلطان الى عبرتك طب وربنا ما انتى شايفة وشى تانى ..
سوكة وش ولا قفا امشي يلا بخلقتك الهى ېحرقوك فى ڼار جهنم ..
شمشون ماشي يا سومه انا ماشي
شمشون مشي وسوكة اترمت على السرير وڠرقت فى النوم .
تانى يوم ..
مغتز بعت لسوكة فالشركة وقال
معتز امم انا قررت ارقيكى وتبقى السكرتيرة بتاعتى ..
سوكة استغربت وقالت 
امم هو العمل الى كنت عملاه جاب نتيجة ولا ايه 
معتز عمل ايه 
سوكة متخدش فى بالك المهم انا كنت فاكرة ان قلبك ماټ
معتز عموما براحتك انا السكرتيرة بتاعتى هتاخد اجازة عشان هتتجوز وكنت محتاج حد مكانها لو مش عاجبك خلاص اشوف حد تانى ..
سوكة لا وعلى ايه السكرتيرة احسن بكتير من الجردل والشرشوب الى انا مسكاهم دول
معتز تعالى ورايا .. عشان افهمك هتعملى ايه !
معتز اخدها للمكتب الى خصصه ليها وقال 
ده من النهاردة هيكون مكتبك
سوكة قعدت على المكتب وقالت 
بقولك ايه يا معتز انت بجد ولا انا بحلم
معتز تحبى تاخدى بوكس فى وشك يعرفك انا بجد ولا لا
سوكة لا يا عم خلاص .. يااه .. ولله يا بت يا سوكة الدنيا خلاص هتضحكلك ..
معتز مشى وسابها وهو بيضحك وبيقول 
يا عينى شكلها هتجنن من الصدمة ..
بعد يومين 
سوكة كانت بتجهز عشان هتروح خطوبة عماد وسندس
سوكة يوووه ايه بس يا ماما البتاع ده انا مستحيل البس فستان انا عاجبنى شكلى كده
حنان بت يا سومة اتلمى والبسي يلا الفستان ده .. ده انا جيباه من وكالة البلح وكان عليه عرض كمان
سوكة لا يا ماما انا مبلبسش فساتين اهه
حنان يبقى مش هتمشي من هنا وبا انا يا الفستان ده
زياد جه وقال 
ههه سوكة تلبس فستان طب ازاى يا ماما هى الرجالة بتلبس فساتين
سوكة بغيظ رجالة مين يالى يا البحر
زياد ايوه انتى راجل وبشنبات كمان هه
سوكة طب انا هوريك مين فينا الى راجل ..
سوكة لبست الفستان وخرجت من باب الشقة قابلت معتز وزياد على السلم معتز صفر اول ما شافها. وبصلها باعجاب وقال
معتز احم .. هى الانسة سوكة موجودة
سوكة بصتله باستغراب وقالت 
هو انت مش عارفنى !
معتز انتى اختها صح !اصل انا اول مرة اشوفك هنا وبصراحة شكلك قمر غيرها خالص .. ابقى قولى لسوكة تتعلم منك
سوكة اتغاظت ومشيت وسابته طلع يجرى وراها وقال 
استنى هنا .. انتى ماشية كده ورايحة فين .. انا كنت عاوز اعرف اسمك ايه
زياد يا عم دى سوكة ومتنكرة .. ولله انا بردو معرفتهاش زيك ... بس انا معلمها بالحسنة الى فقفاها
سوكة دا انا الى هعلقك من قفاك دلوقتى يلا اتفضل هنتاخر على الفرح
معتز طب ما تخدونى معاكم ينوبك ثواب
سوكة ليه هو انت عيل هتوه ولا عاوز الى يمسك ايدك
معتز لا اصل قمر كده وحلو وكل البنات بتعاكسنى يرضيكى اروح لوحدى !!
سوكة بصتله بغيظ وخدت زياد ومشيو
فى الخطوبة
معتز احم تسمحيلى بالرقصة دى
سوكة لا انا مبرقصش .. شوف واحدة من البنات الى واقفة ھتموت عليك هناك دى
معتز فين دول انا مش واخد بالى
سوكة هناك اهم .. اوووف انا هروح اشوف سندس
معتز استنى هنا .. طب انتى مضايقة ليه !
سوكة معرفش .. بس انت ملكش دعوة بيه ... يوووه يا ما نفسي امسك البت ام شعر كنيش دى واقطعهلها ..
معتز ضحك وقال 
امم عشان كده انتى مضايقة .. طب فى حاجة انا كنت عاوز اقولك عليها
زياد جه وقال 
سوكة البوفيه اتفتح يلا بسرعة
سوكة ضړبته فى كتفه وقالت 
بوفيه ايه هو احنا بتوع الكلام ده .. انا عاملة دايت
زياد