رواية كوميدية كاملة بقلم روني محمد ( يوميات سوكة المچنونة )
..
عماد يا عم ما تظلمهاش دى دلقت عليك المية عشان كنت صعبان عليها ..
معتز انا معتز فرغلى يتعمل فيه كده .. وسط الشركة والموظفين كلهم يضحكوا عليه !
عماد معلش يا صاحبى تعيش وتاخد غيرها
الباب اتفتح ودخل ابو نواس الى قال
انا لسه راجع من المطار هالحين وعرفت انك مريض جيت اشوفك
معتز نط ووقف على السرير
عماد ضحك وقال
كيفك يا ابو نواس وكيف اولادك
ابو نواس منيح كلهم بيسلموا عليك .. انا روحت الكراج ما لقيت الرانج روفر حجى
معتز ده ... دى .. اه انا كنت سايبها فالمغسلة
ابو نواس شو .. مغسلة !
عماد اه احنا كنا عارفين انك نازل مصر قريب عشان كده قلنا ننضفها
معتز ايوه كده بالظبط ..
معتز نزل من السرير وقال
انا خلاص بقيت كويس
عماد قرب منه وقال هو مش كنت من شوية ھتموت هو ايه الى حصلك
معتز ملكش دعوة ...انا شوفت طويل العمر خفيت على طول ..
الفصل التاسع
سوكة كانت واقفة فى البلكونة وبتغنى وهى مندمجة مع الاغنية
واقف فى ميدان الساعة والمكروباص مجاش !! ومشينا فى شقلبظات
زوقك وحش اوى على فكرة
اتعصبت وكانت لسه هترد الا انها اكتشفت ان الى واقف يبقى معتز الى قال
انتى مجتيش ليه الشغل النهاردة
سوكة انت ايه الى جابك هنا .. انت مراقبنى .. تكونش حرامى وجى تسرقنا .. يالهواااى
معتز ششش يخربيتك اسكتى هتفضحينا !
سوكة انت مين يا عم انت اوعى تكون عفريت ..ولا انت قريب شمشون
سوكة هه هو انت تبقى جارنا ! احيه بالكركديه .. ده هتبقى ايام عنب
جت حنان وقالت
بتكلمى مين عندك يا بت يا سوكة ..
سوكة دد ده معتز .. قصدى واحد وخلاص مش لازم تعرفيه ..
حنان وسعى كده ..ازيك يا استاذ
معتز انا معتز ابقى جاركم فى الشقة دى وعايش مع والدتى لو احتاجتم اى حاجة انا موجود ..
ازيك يا برنس ألاقى عندك دراع بلايستيشن عشان الدراع الى عندى باظ
سوكة ضړبت زياد فى كتفه وقالت
ششش .. اسكت عيب شكرا يا معتز مش عاوزين حاجة
زياد رفع حاجبه وقال
ده ايه الادب ده ... امال فين لسانك الى كل ما تشوفى حد تلسوعيه بيه
سوكة اتغاظت ودخلت وسابتهم ....
بت يا سندس ألحقينى معتز طلع جارنا .. انا خاېفة وحاسة انه ناويلى على نية سودا
سندس اهدى كده واحكيلى انا مش فاهمة حاجة ..
سوكة لا ده الموضوع كبير تعالى ننزل نضرب كشرى من عند هريدى واحكيلك ..
سوكة قفلت الفون ونزلت عشان تقابل سندس وبعد وقت كانوا قاعدين فالمطعم ..
سندس يعنى معتز طلع جاركم فالشقة الجديدة
سوكة اه شوفتى البخت بقى الدنيا كلها ضاقت فى وشه ملقاش الا شقتنا
سندس وايه يعنى ده حتى هتبقى مصلحة ليكى ... يمكن تصعبى عليه ويرقيكى زى ما عمدة رقانى ..
سوكة اها هو بقى عمدة .. لا بقى تعالى هنا احكيلى ايه الحكاية بالظبط ..
سندس اصل .. بصي انا حاسة باستلطاف ..
ونسبهم ونروح عند عماد ومعتز الى كانوا قاعدين مع بعض وعماد قال
انا حاسس ان ربنا بيقربكم من بعض ..
معتز انا بس مستغرب ابوها وامها ناس كويسين واخوها شكله لذيذ اما هى يا ساتر يارب ..
عماد ما يمكن معاك انت بس انما هى رقيقة وطيبة فالحقيقة
معتز لا يا عم انا واثق انها بلوة سودة متهببة بهباب .. متنكرة فى انثى
عماد طب حاسب بس متقولش انثى ..
معتز عندك حق بقولك ايه تعالا ناكل
عماد اه تعالا ناكل هى امك عاملة اكل ايه النهاردة
معتز لا امى بطلت تطبخ من يوم ما ام سوكة سكنت عندنا وهى بقيت قاعدة معاها ليل نهار ..
عند سوكة الى رجعت البيت وكان ابوها وامها قاعدين بيتفرجوا على TV قعدت جنبهم وقالت
امال الولا زياد فين انا مش شيفاه ..
حنان فالدرس ... اخد كتبه ونزل الدرس زمانه على وصول
جرس الباب رن وزياد دخل وهو متعصب ورمى الكتب الى فى ايده وقال
انا مش عاوز اتعلم ما اهو التعليم مش بالعافية يا ناس ..
محسن فى ايه يلا ما تتعدل كده ايه الى حصل ..
زياد المستر النهاردة ادانى صفر من عشرين ودى مش اول مرة اصله مستقصدنى
حنان خايب وموكوس طول عمرك
سوكة وبملحق كمان متنسيش اماما
زياد انا خلاص هبطل تعليم وهشتغل وابنى مستقبلى انا اتفقت مع اصحابى على كده ..
محسن ياتك نيلة عليك وعلى اصحابك العرر .. مشروع ايه يا ابو مشروع
زياد انا هبيع نعناع .. وسراج صاحبى هيبيع منديل فالاشارات بابا دول طلعوا بيكسبوا اوى
سوكة ههههه يا بتاع النعناع
