رواية كوميدية كاملة بقلم روني محمد ( يوميات سوكة المچنونة )
امك
حنان كانت قاعدة بتتفرج على ال TV وهى مبسوطة لقيت زياد جى بسرعة عليها وقال
ماما .. الحقى البوليس جه تحت
يلا احسن اهو البيت ينضف من الجيرة المعفنة دى ..
امم بس انا زعلان مش هشوف طنط لوسي تانى
حنان حدفته بالريموت وقالت
ولا ... شافتك عقربة اخفى من وشي
زياد مجاش فيه على فكرة
جه محسن وقال
خلاص بقى يا حنان روقى ومتزعليش منى
طب تصدقى بالله انى كنت داخل الشقة عشان اتكلم معاهم يلموا نفسهم شوية دا كنت بكلمهم فالدين حتى اسالى زياد
زياد قرب من ابوه وقال بصوت واطى
ايدك على ٥٠٠ جنيه
محسن هما ١٠٠ وقول اه
زياد لا ٥٠٠ واقول انك صليت بيهم العصر جماعة ..
محسن طلع الفلوس وعطالها لزياد الى قال
حنان بصتلهم بشك وسكتت...
شمشون انا جعان
سوكة دانت واكل لغاية دلوقتى حوالى اتنين كيلو سمك
ما هو السمك الى بتجبيه ده مبيشبعش انا عاوز لحمة ولا فراخ
ولا هو انت مفكر انى هصرف عليك .. انا من يوم ما شوفت وشك وحياتى فالنازل
لا هى اصلا كانت نازلة لوحدها مش انا السبب
شمشمون الى يحضر العفريت يصرفه وانا بصراحة مبسوط معاكم مش عاوز امشي ..
سوكة بغيظ مشيت عليك بطنك يا شيخ
بعد يومين
سندس بلياتشوا لبسه بلياتشوا هههه
سوكة اسمه كلاون يا جهلة
وده هتعملى بيه ايه هتطلعى تشتغلى فى اعياد الميلاد ولا هتلفى على البيوت
لا رايحة الحفلة الى سراج عاملها فالشركة
وعشان كده انا متخفية فالكلاون .. يلا البسى بسرعة وحصلينى هستناكى برا ..
سوكة خرجت لقيت زياد بيلعب بلايستيشن
سوكة زيزو حبيبى اخويا ابن امى وابويا
زياد من غير ما يبوصلها قال
انسي مش هروح اجبلك حاجة !
يوووه .. كده يا زيزو .. انا كنت محتجاك ضرورى وكنت ناوية اديك ٢٠٠ جنية
اده ههههههه انتى عاملة فى نفسك كده ليه هههه
سبوبة كده يلا بس المهم انا عوزاك تيجى وتسوق العربية عشان مش هعرف اسوق بالبس ده ..
لا بابا منبه ان محدش يركب عربيته من بعد الى حصل اخر مرة
يا غلس .. طب تعالا معايا وهديك ٢٥٠ جنيه
بردو لا انتى ڼصابة
طب يارب تخسر اهه ..
سندس بت يا سوكة انتى هتسوقى ازاى وابوكى
سوكة متقلقيش انا اخدت المفاتيح من ورا بابا وبعدين احنا مش هنغيب ساعة واحدة وهنرجعها مكانها
بعد وقت فالعربية
سوكة يالهواااى الحقينى يا سندس
سندس فى ايه وقفى العربية
مبتقوفش ياختى ما بتوقفش .. ده باينلها كده مفيهاش فرامل
يخربيتك احنا داخلين على لجنه
شكلنا هنبيت فالقسم النهاردة يا سندس
منك لله يا سوكة اشوف فيكى يوم .. انا ايه الى خلانى اسمع كلامك بس ..
وفجاة العربية اتخبطت فى شجرة سوكة قالت
احيه العربية بقيت خردة ابويا هيشلوحنى
الظابط قرب منهم وقال
البطايق يا حلو انت وهو انتم شاربين حاجة يلا
سندس احنا بنات على فكرة
الضابط ولابسين اللبس ده ليه !
سوكة اا اصل اه احنا كنا رايحين مستشفى الاطفال بتاعة السړطان يا حرام ربنا يشفيهم
سندس اه فى ولد هناك حالته خطېرة واحنا رايحين نفرحه
الضابط بصلهم وقال
باين عليكم ولاد حلال ومتقصدوش الى حصل
سوكة اه ولله احنا كنا بنجرى غشان نلحقه قبل ما ېموت قصدى قبل ما يدخل العمليات
الضابط طب يلا بينا انا هروح معاكم على المستشفى
سوكة وسندس بصوا البعض وسندس قالت
عجبك كده .. اهو اتمسكنا يا فالحة .. ده مش بعيده يجبلنا اعدام ...
الفصل السابع
فى المستشفى
الضابط ها بقى احنا وصلنا اهو .. هو الولد اسمه ايه !
سندس اا اسمه .. اسمه احمد
سوكة اه اسمه احمد او محمود اختار براحتك
الضابط نعم .. انتى هتستعبطى
سوكة لا اصله اسمه احمد واحنا بندلعه ونقوله يا محمود ..
الضابط طب هو فين محمود ده ..
سندس امم ده .. اه ده راح البيت خف خلاص
سوكة اه بص احنه لازم نفرح باقى الولاد انت تروح وتجمعهم هنا وانا صاحبتى هنجهز نفسنا ونيجى
بعد وقت ..
برا المستشفى
سوكة اوووف يا ده احنا مصدقنا خلعنا ..
سندس نسيتى العربية .. المفاتيح كانت معاه
سوكة اوبااا دا البوب هينفخنى النهاردة
سندس يلا تستاهلى اهو افكارك المنيلة دى هى الى جيبانا لورا ..
سوكة روحت ولقيت بباها واقف متعصب وقال
كنتى فين بلبس البيلياتشو ده ..
زياد تلقيها كانت بتقلب عيشها فى اى مكان
سوكة اخرص يلا خليك فى حالك بدال ما اقول لابوك انك بتخنصر فلوس درس الفيزيا من وراه
محسن يا حلاوة انت يلا بتاخد الفلوس تعمل بيها ايه
زياد لا متصدقهاش يا بابا دى كدابة
سوكة خد الكبيرة بقى يا بوب .. ده هو اصلا ادبى مش علمى
حنان يالهوااى منك لله يا سوكة
