اسكربيت تاج كاتبة / ايمان شلبي
يمكن عشان هو أول شخص دخل حياتي
من صُغري كنت رافضه فكره ان ولد يكلم بنت
كنت اشوف البنات قدامي تكلم شباب وتخرج وترتبط اش@مئز منهم ومن تصرفاتهم
ازاي شويه اطفال عقلهم لسه منضجش يرتبطوا ويعيشوا حياه مش بتاعتهم
كنت عايشه سني الطبيعي
بلعب واتنطط وادرس واجتهد
مكانتش كلمه حب دي ممكن تيجي علي بالي في يوم !
لحد ما شوفته
وقتها كنت في أولي ثانوي تقريبًا
كان راجع من السفر بعد ما كمل اربع سنين دراسه في امريكا
وقتها عمي عزمنا عنده بمناسبه رجوعه
بالرغم أنها مش المره الاولي اللي هشوفه فيها لكن كنت متوتره اليوم ده بشكل ميتوصفش
افتكر اني وقفت قدام الدولاب لمده ساعه محتاره اختار لبس ايه للعزومه
لبست احلي طقم عندي
الطقم اللي مش بلبسه غير لو عندي مناسبه
اول ما شوفته تنحت
كان وسيم بشكل ي@جنن
احلي من زمان بكتييير
اخر مره شوفته فيها كنت في أولي اعدادي تقريبًا!
وفي الحقيقه مكنتش بطيقه وانا صغيره
كان شخص غامض
وهادي زياده عن اللزوم
مكنتش بتعامل معاه بصراحه
معرفش ليه اول ما شوفته قلبي دق بطريقه مرعبه
معدتي @ كالعاده لما بتوتر
اول ما قرب وسلم عليا حسيت ج*سمي اتكه"رب
اليوم ده كان شخص مختلف تمامًا
شخص وسيم،لطيف،جنتل،عاقل،مثقف
شخص اي بنت تتمناه وخاصه انا
نوح بالنسبالي كان هو فارس احلامي اللي من صغري بحلم بيه واشوفه في الحواديت والروايات أو حتى الافلام
فات يوم ورا التاني ورا الثالث ومن وقتها وهو شاغل تفكيري
كل ما افتكره احس قلبي عايز يجري نحيته ويقوله أنه مشدود ليه بشكل ميتوصفش
كان الاكونت بتاعه بيتعرض عليا كل يوم بالتقريب
كنت ادخل أفتش فيه بالساعات !
اشوف صوره اللي بتخطف قلبي وعقلي
بوستاته اللي تكاد تكون م*عدومه من وقت ما عمل الاكونت
كنت اقف قدام قائمه " اضافه صديق" محتاره
اعمل ادد أو لا ؟؟
كنت كل مره بخرج من غير ما اعمل لحد ما في يوم قررت اعمل كده
جايز تكون خطوه عشان يحس بقلبي اللي دا@يب فيه من زمان
اول ما عملت عمل قبول ودخل كلمني فورًا
