رواية اخطأت وأحببتك كاتبة سوليية نصار

-لا متدينة اووي بروح امك 
بصتلي تقي بخوف فقولت وانا بهزها.
-مفكرتيش في ربنا ليه وانتي بتسلمي نفسك لواحد ميسواش...مفكرتيش فيه ليه وانتي بتز*ني...
دموعها نزلت وكانت عايزة تتكلم فزعقت فيها جامد وقولت:
-اخرسي متتكلميش...دلوقتي جاية تصلي وتتوبي..دلوقتي عرفتي ربنا...دلوقتي خايفة منه...مخوفتيش منه وانتي بتسلمي نفسك لواحد غريب عنك...ليه مخوفتيش وقتها...

دموعها نزلت اكتر وقعدت تبكي جامد وقالت:
-غلطت...غلطت ويارتني مو*ت قبل ما اعمل كده.. أنا بدعي أن ربنا يسامحني...مش عايزة الا انه يسامحني...
بصتلي بأل*م وقالت:
-انت فاكر فرحانة بوضعي...أنا كل يوم بقر*ف من نفسي...بتمني ارجع الوقت شوية والله مكنتش هعمل كده...أنا معرفش عملت كده ازاي والله...انا مكنتش بخليه يلمسني بس هو قعد يزن عليا يا حسام وده مش عذري بس  الش*يطان كان اقوي مني...أنا خا*طية واستاهل المو*ت عارفة...وانت مظلو*م انك ارتبطت بواحدة زيي وانا زعلانة عليك...عشان لو ليا اخ متمناش أنه يرتبط بواحدة بنفس أخلاقي...بس بحاول والله اتوب واكف*ر عن ذنوبي..وانت مش مساعد أنا مستعدة اعمل اي حاجة أنا عارف انك بتحب رانيا وبقولك اعتبرني مش موجودة واتجوزها بس ابوس ايديك مته*نيش اكتر من كدة لاني ده بيكسرني...انت انسان كويس وانا مستاهلش انك تلو*ث قلبك بالحق*د حتي لو عشاني..

بهت وانا بسمع كلامها...بعدين هي اخدت بعضها ومشيت...
عدت الايام وزي ما توقعت خسر*ت الصفقة ورانيا راف*ضة تكلمني...تقي لما عرفت عرضت انها تروح وتكلمها بس انا رفضت تماما...
في يوم 
كانت تقي في المطبخ وموبايلها قاعد جنبي..فجأة جاتلها رسالة علي الواتس معرفش ليه فتحت الموبايل واتصد0مت لما لقيت فيديو ليها هي وتامر في وضع مخ*ل ورسالة من تامر بيقول:

-ايه رأيك ابعت لجوزك الفيديو اللطيف ده واوريه ازاي مراته المحترمة فرطت في شر*فها!!!

الجزء الخامس

-يالهووي يا لهوووي
قالتها تقي برعب لما شافت الفيديو...كنت واقف بغضب وهي بتبكي...بعدين حطت أيدها علي بوقها ودخلت الحمام.. كانت قر*فانة من نفسها...ازاي رخ*صت نفسها بالطريقة دي...وانا كمان كنت قرف*ان وكنت بغ*لي...صحيح اعرف انها حصل وسلمت نفسها.....بس اني اعرف أهون من اني اشوف...كنت صح متضايق منها وغضبان...كنت حاسس  اني عايز اضر*بها وافشي غلي فيها...ساعتها عرفت اني بقر*ف منها واني مستحيل اقدر اكمل معاها...هفتكر في كل لحظة اللي شوفته....

بعد شوية....
كنت قاعد أنا وهي...كانت بتبكي بحر*قة...بصيتلها بضيق بس حاولت اتماسك...دي مراتي وبنت عمي وانا مش هسيبها في الظرف ده...
-ممكن تبطلي بكا عشان نعرف هنعمل ايه...