رواية كاملة جديدة وحصري بقلم آية حسن من الفصل الاول الي الفصل الأخير من تزوجت أخي
يا طنط المهم صحتك
نازلي قولولي بقا ناويين تقضوا شهر عسلكوا فين.
سلمى أنا بفكر نأجل السفر دلوقتي
مراد بصلها وسكت
نازلي ليه يا حبيبتي كدة
سلمى يا ماما انتي تعبانة .. وغير كدة افتتاح المستشفى قرب وانا لسة مروحتش حتى ابص عليها
نازلي وهو دة سبب برضو تلغي شهر عسلك .. متتكلم يا مراد
مراد نزل المعلقة اتكلم اقول ايه .. هي حتى مخدتش رأي جوزها قبل ما تاخد قرار زي دة
سلمى مراد...
مسك التليفون ورد ألو .. ف ايه يا بابا .. ايه!!! .. امتى حصل الكلام دة .. أنا جاي حالا
هم مراد بالوقوف
سلمى ف ايه يا مراد
مراد باختصار مفيش حاجة .. انا نازل الشغل
طلع بسرعة من غير حتى ما يستنى ردها وراح يغير هدومه وبعد شوية نزل عشان يروح الشركة ..
مراد وصل الشركة وكان ع آخره
مراد بعصبية وازاي يا استاذ يحصل الكلام دة
كريم اهدى يا مراد
مراد بتذمر بلا اهدى بلا زفت بقا .. انا عايز اعرف المهزلة دي حصلت ازاي .. احنا مش قبل مناخد اي عجول ينكشف عليها الأول!!
كريم العجول استلمناها سليمة .. انا اتفاجأت لما نشأت كلمني وقاللي العجول بټموت
كريم دكتور منصور منت عارف هو المشرف .. وبعدين تقصد ايه بكلامك
مراد انا هعرفك اقصد ايه
وسابه وراح ناحية الباب عشان يمشي .. لسة بيفتح الباب قابل بنت ف وشه
ايه دة مراد بيه جاي الشركة يوم صبحيته .. لحقت تزهق!
مراد بتذمر نسرين مش وقتك خالص
وسابها ومشي وهو ڠضبان
سلمى بتحاول تتصل ب مراد بس هو مبيردش .. دخلت والدتها عندها وقعدت جنبها
نازلي قاعدة لوحدك ليه
سلمى بضجر مفيش
نازلي زعلانة عشان نزل وراح شغله
سلمى مكنتش فاكرة انه هيزهق بسرعة كدة ويسيبني
نازلي ضحكت بخفة اكيد حاجة مهمة خلته يروح الشركة
دخلت سميحة عليهم بعد ما خبطت
سميحة ف ضيوف تحت يا ست هانم
نازلي حاضر
بعد ما نزلوا
نازلي مدت أيدها بالسلام يا أهلا يا ساهر ازيك
واكملت بفرحة عمر اخبارك ايه يا واد يا شقي
عمر قرب وباسها ليكي شوقة يا خالتي ام سلمى
ضحكت ع خفة دمه وقرصت خده طول عمرك اونطجي
عمر استني بس أما نسلم ع القمر اللي جنبك دي
عمر بمغازلة أحلى عمر سمعتها ف حياتي
مسك ايدها ولسة هيبوسها سحبتها بسرعة
عمر الف مليون مبروك يا قمر
سلمى لا ع فكرة أنا زعلانة منك .. كدة برضو متجيش فرح بنت خالتك
عمر اعمل ايه بقا .. مشغول ف البنا...
قاطع كلمته بتصحيح ف الدوريات الدوريات وكدة
ضحكت سلمى ونازلي
قام شخص كان قاعد ع الكرسي هتفضل ترغي كتير يا كابتن واحنا قاعدين
نازلي آدم .. معلش يا حبيبي .. البكاش دة اخدني ف دوكة .. عامل ايه
آدم بخير...
بص ع سلمى ومد ايده سلم عليها ازيك يا سلمى
ساهر امال جوزك فين يا سلمى منزلش يسلم علينا ليه
سلمى بصت ل والدتها أصل هو نزل الشركة
آدم شركة ايه ف يوم الصبحية .. حد يسيب مراته ويروح الشغل دة بدل ما ياخدك ويسافر
سلمى أكيد ف حاجة مهمة خلته ينزل
آدم جايز برضو
آدم الزهراني ف الثلاثين من عمره رجل أعمال ناجح جدا .. واثق ف نفسه لحد الغرور ..
ابوه ساهر متجوز اخت نازلي .. وماسك شغل نازلي وبتثق فيه جدا
عمر أخو آدم الصغير .. لاعب ملاكمة .. بيحب السفر والمغامرة ومالوش علاقة بشغل أبوه وأخوه
_______
مراد دخل مكتب شخص باندفاع وڠضب
قام بتذمر انت ازاي تدخل عليا بالطريقة دي
مراد بزعيق بتلاعبني يا دهشوري .. تديني عجول بتطلع ف الروح عشان تخسرني
الدهشوري الاعبك ايه وعجول ايه اللي بتطلع ف الروح! .. انتوا واخدين مني عجول سليمة مفيهاش أي عيب
مراد صح احنا اخدناها سليمة .. لكن مسافة ما وصلت كانت بتخلص .. واكيد يعني العيب مش عندي
الدهشوري امال عند مين! .. انا مفيش عجل بيخرج من عندي الا لما يكون صحته كويسة وجاهز للدبح .. شوف انت مين اللي عايز يوقعك وحطلك سم ف اكل المواشي
مراد اااه .. فعلا ف حد عايز يوقعني وانت مشترك معاه
الدهشوري
