قصة كوميدية جديدة و كاملة للكاتبة ندي مهينه حصريآ من الفصل الاول الي الفصل الأخير..( نائل و ديالا من قصة العاشقة وصانع الشيكولاتة )

اعووذ برب الفلق
نائل مش بحسد ولا حاجه ههه انا بقر بس 
ديالا بس انا ماليش فيه انا عايزه واحده غير اللى انتى كلتها
نائل لنفسه انا هقولها وربنا يستر عليا بقا .... بصى انا مش هشتريلك شيكول.......
ديالا نعم يا اسمك ايه انت
نائل اسمى نائل واسمعى للاخر
ديالا اتفضل
نائل انا هعملك الشيكولاته هنا مش هنشترى
ديالا ايه ده انت بتعرف تعمل شيكولاته انت قد ايه انسان جميل
نائل ههه دلووقتى جميل طيب هاتبلى بقا بيضه ودقيق و كاكاو و سكر وزبده ... عندك الحاجات دى
ديالا اه ... علم وينفذ يا فندم 
نائل هههه طب يلا يا عسكرى هات الحاجه
و راحو يعملوو الشيكولاته وديالا كانت بتتفرج عليه. هو بيعملها ذى المحترفين بالظبط ومستغربه
ديالا هوو انت بتعملها من زمان ولا ايه
نائل ليه يعنى
ديالا اصلى شيفاك زى المحترفين بالظبط
نائل هتعرفى كل حاجه فى وقتها وبلاش دلوقتى عشان ممكن اتاكل كده 
ديالا مش فاهمه بس المهم الشيكولاته بتتعمل وهاكل كتير
نائل مفجووعه 
ديالا اكبر مفجووعه خلص بقا عشان همووت وعايزه اكلها وكمان الساعه ډخله على تلاته ولو ماما طلعت هتهزء 
نائل هههه طب ما انتى لسا معاكى نص واحده اهيه اصرفى بيها لحد ما اخلص
ديالا لا دا دى ريحه تانيه خالص ريحتها فظيعه
نائل عاارف ويلا عشان هى جهزت
ديالا يمى انا عايزاها كلها كلها
نائل طب وانا يا مفتريه 
ديالا لا طبعاا ..
نائل بضحك كلى كلى..
قعدت ديالا تاكلى وهو بيتفرج عليها وفرحان اول مره يحس بفرح كبير جواه بالطريقه دى ... كل حركه بتعملها وشها اللى اتوسخ وهى بتاكل جمال عيونها شعرها اللى بلون الشيكولاته فاق من شروده على صوتها وهى بتقوول..
ديالا هاى روحت فين يا ابنى ..
نائل ابدا معاكى اهوه ..
ديالا طيب انا خلصت اكل كده عاوز حاجه انا طالعه انام عشاان فى مشاوير كتير ورايا بكره
نائل بص فى الشيكولاته مش لاقى حاجه .... فين الشيكولاته يا مفتريه يخربيتك 
ديالا كلتها المفروووض تقول بالهنا والشفا مش فين الشيكولاته يا مفتريه
نائل بضحك طيب يلا ننام !!
ديالا بضحك وهي ھتموت وتنام يلا بااى ..
وطلع كل واحد علي اوضته ونام وقاموو الصبح فطررو مع بعض وكل شوويه نائل ېهدد ديالا انه هيقول لعمه انها فضلت سهرانه لحد 3الفجر وهى تقولو بليز متقولوش بلييز 
واتفقو انهم يروحو البيت بعد ما يجهزوو كلهم ..
يتبع
الحلقهالثالثةالعاشقة وصانع الشيكولاتة.
داعبي كل مساء رقمي واصدحي مثل عصافير الكروم كلمة منك.. ولو كاذبة عمرت لي منزلا فوق النجوم.
نائل يلا بقا ياعمى اجهزو
صالح حااضر يا ابنى يلا يا ناديه انتى وديالا قومو البسو وبنتك التانيه فين مش ظاهره من امبارح
ناديه هتلاقيها فووق بتذاكر ما انت عاارف مش بتخرج كتير من الاوضه ... يلا ديالا
دياالا يلا يا مامى
وبعد شوويه لبست ديالا ومامتها. واختها اسيا اسفه يا جماعه نسيت اسيا دى خالص والله حتى صحبت ديالا كمان ونزلوو ونائل اول ما شفها فضل يبص عليها اد ايه هى جميله حتى لو كان لبس عادى بس جميله واختها فيها شبه منها بردو بس ديالا احلى فاق على صوت عمه
صالح يلا يا نائل يابنى
نائل هاه. اه حاضر يا عمى
ديالا نادت على نائل نائل بلييز مش تقوول لبابا بليييز
نائل لنفسه ههههه والله هبله .... لف وشه ليها واصطنع انه بيتكلم بجد وقال
نائل لا هقوله
ديالا عنيها دمعه و وشها احمر ومنخيرها احمرت ووشها عمل زى الاطفال وهو مش قادر يشووف منظرها كده
نائل ديالا انا بضحك معاكى انتى هتعيطى
ديالا وهى بتمسح عنيها زى الاطفال بكم التيشرت ابعد عنى انت بارد مش تكلمنى تانى
نائل بضحك معاكى وربنا
ديالا لا انت كنت هتقوله بجد
نائل والله بضحك معاكى
ديالا خلاص مش زعلانه
نائل طب يلا بقا عشان نمشى ولااا ايه
ديالا اه يلا
اسيا من بره ديالا يلا
نائل انتى اسيا
اسيا اه .. لا .. اه
نائل اه ولاا لا
ديالا هى اختى طبعا بس هى مش بتحب تخطلت بالناس فعشان كده بتتوتر يعنى لما حد يكلمها
اسيا دا انتى ڤضيحه
نائل هههه تشرفت يا اسيا ويلا بقا عشان نمشى
وراحو ركبو العربيه وطول السكه يبص عليها وبعد كده وصلوو عند جدها فى المستشفى
صالح انا مش عاوز ادخل
عامر ابو نائل ما ينفعش يا صالح ادخل بقا وانسى اللى حصل زمان
صالح مش قادر انسى
ديالا يا بابا حرام عليك جدوو تعبان ومحتاجك جمبه دلوقتى
صالح حاضر يا ديالا هدخل علشان خاطرك انتى بس
اسيا طب وانا يا بابا
صالح وعشانك كمان ياقمر
اسيا ميرسى
نائل طب وبالنسبه لقفص الجووافه اللى واقف ده مفيش حاجه خالص 
صالح لا دا انت الخير والبركه دا من غيرك مش كنت جيت
نائل ينصر دينك يا عمى ربنا يباركلنا فى عمرك ... شوف يا بابا الناس اللى حاسه بقيمتى
عامر هههه طب يا خويا و يلا يا صالح ندخل وانتى يا ناديه كمان تعالى معانا
ديالا وانا
اسيا وانا
نائل يلا كلنا ندخل وخلاص
عامر يلا ... اومال فين اخوك يا نائل
نائل اكيد فى البيت
عامر طب لما اروح بس
ودخلو كلهم
صالح الف سلامه عليك يا حج
حسين فتح عينه و قعد يبص عليهم عينه اتملت دمووع .... صالح... انا اسف يا ابنى سامحنى
صالح مسامحك يا حج وانا كمان اسف
حسين وانتى يا بنتى سامحينى على اللى عملته
ناديه انا مش زعلانه منك اصلا يا حج عشان اسامحك انتى زى ابويا
حسين بجد انا مش عارف ازاى ما شوفتش انك انسانه قلبها كبير كده ربنا يخليكى يا بنتى .. دوول بناتك يا صالح
صالح اه يا حج دى ديالا ودى اسيا
حسين بسم الله ما شاء الله تعالى يا حبيبتى انتى وهيا فى حضڼ جدو
ديالا و اسيا جروو علطوول عليه زى ما يكونو منتظرين الكلمه دىوقعدوو يعيطو وهو كمان يعيط
وصالح عنيه دمعت وناديه وكله يعنى 
صالح خلاص يا بنات ابعدو. شوويه عن جدكو هو تعبان
حسين لا سيبهم دا انا ما صدقت شوفتهم
ديالا واحنا كمان يا جدوو.
اسيا اه واحنا كمان
ناديه طب يلا يا حبيبتى عشان نسيب جدكو يرتاح شوويه
حسين انا عااوز اطلب منك طلب يا صالح
صالح اؤمر يا حج
حسين انا عاوزكو تقعدوو عندنا فى البيت
صالح بس يا حج..
حسين مفيش بس انا ما صدقت انى شوفتكم عايز تحرمنى منك تانى ولا ايه
صالح لا يا حج انت تؤمر
حسين ربنا يخليك يا ابنى ... وانت يا زفت ياللى اسمك نائل انا عاوز اخرج من ام المستشفى دى بقا حتى لو مت امووت على سريرى
ديالا اسيا بسرعه بعد الشړ عليك يا جدوو
نائل جدو البرستيج بقا فى الارض وكان باقى شويه راحو كمان وعندى ليك خبر حلو بس بما ان البرستيج ضاع فخلاص بقا
حسين برستيج من امتى وانتى عندك برستيج .... وخبر ايه ده كمان
نائل نووو خبر
حسين ولددد
نائل خلاص خلاص .... انت هتخرج من المستشفى بكره
حسين بجد الحمد لله يا رب
صالح وعامر حمد الله على السلامه يا حج
حسين الله يخليكو يا ولاد ..... اومال فين اسر يا عامر
عامر والله معرف يا حج بس اما اروح هعيد تربيته من اول وجديد اما اشوف ازاى ما يسمعش كلامى