رواية كامله بقلم شاهندة من الفصل الاول الي الفصل الأخير

عادل بصوت قاس غاضب النبات وهو يقترب منها 
_أيوة عادل.. الزوج اللي نبه عليكي متخرجيش من البيت النهاردة وعصيتي أمره.. للدرجة دي مبقتش فارق معاكي ياهند
_مش قلتلك انك دلعتها زيادة عن اللزوم.
طالعتها هند قائلة بحنق
_متدخليش بينا.
لطمة أصابتها فنظرت إلى الفاعل پصدمة أعجزتها عن الكلام فقط دموعها التي تجمعت بمقلتيها أنبأته بخذلانه إياها ليتجاهل صډمتها وهو يقول پغضب
_الظاهر اني فعلا دلعتك زيادة عن اللزوم لدرجة انك كسرتي كلمتي ومعتذرتيش ولا بررتي تصرفك لأ وكمان بتزعقي لأمي قدامي.
_وانت شفت ايه ياعادل من اللي بيحصل من ورا ضهرك وانت ولا انت هنا.. اسألها كانت فين هتكدب وتقول عند خالتها طبعا وخالتها متعرفش عنها حاجة.. الظاهر انها كانت بتستغفلنا كلنا.
نقلت بصرها بينهما تردد بصوت متهدج من الألم متقطع النبرات
_ياناس حرام عليكم.. اتقوا الله.
قال عادل هادرا
_انطقي ياهند.. كنت فين
طالعته پألم قائلة
_انت كمان بتشك فيا!
_انت اللي جبتيه لنفسك لما خرجتي من غير اذني ودلوقتي بارادتك او ڠصب عنك هتقوليلي كنت فين ياهانم
شعرت بالضباب يحيط بها تزوغ الرؤية أمامها وهي تقول بأنفاس تضيق
_أنا... انا كنت......
_كنت فين انطقي
اسودت الدنيا من حولها وبينما كانت تسقط أرضا تسيل الډماء من أنفها سمعت عادل ېصرخ بإسمها قبل أن تغيب تماما عن الوعي.
_______________
قال بحزن
_طب ليه مقلتليش ياهند ليه خبيتي عليا
كانت تشيح بوجهها عنه تطالع السماء من خلال نافذة حجرة المشفى التي أحضروها إليها بعدما أغشي عليها تقول بمرارة
_وهو أنا لحقتماانت مستنتش حتى اتكلم ورميتني بالباطل انت وطنط نجية.
لترفع يدها تمررها على وجنتها تردف بحسرة وقد اغروقت عيناها بالدموع
_لأ وكمان مديت ايدك عليا وكسرتني ياعادل.. كسرتني بجد.
مرر يده في شعره وهو ينهض قائلا بعصبية
_ماانا سألتك كنت فين وانت فضلتي ساكتة.. وبعدين انت اللي خليتني افهم غلط لما عصيتي أوامري وخرجتي من غير اذن كنت عايزانى أتصرف ازاي يعني
طالعته بنظرة عاتبة أصابته في قلبه وهي تقول
_الدكتور أكد عليا اني لازم اكون موجودة في الميعاد اللي حدده ده غير اني كنت زعلانة منك ومع ذلك كلمتك كتير وتليفونك كان مقفول.. مغلطتش وحتى لو غلط عاتبني لكن مترمنيش بالباطل وانت عارف اني مستحيل أعمل حاجة غلط.. أنا ياعادل تتكلم معايا بالأسلوب ده قدام مامتك.. وتضربني كمان.
_ماانا ضربتك لأنك زعقتيلها ياهند.
_انا طلبت منها متدخلش في حياتي وده حقي اللي سكت عنه كتير ياما سمعتني كلام زي السم وكنت بسكت ياما حسستني انك كتير عليا وكنت بحط جزمة في بقى.. ياما قالتهالي وش.. انا مكنتش عايزاكي لعادل بس الحب عماه وأخدك قضا ربنا بقى.. وكنت بطنش ولا كأني سامعة.. لكن دلوقتي فاض بيا ومرضى ضيق خلقي.. انا محتاجة ايد تطبطب عليا ولسان يقولي اجمدي أنا في ضهرك.. مش ايد تتمد عليا وتجرحني وتحسسني اني من غير ضهر.
كان يدرك انها محقة في كل كلمة تقولها ولكن رجولته تمنعه من الاعتراف بخطأه هكذا فكر عادل لا يدري ان قمة الرجولة أن تعترف بخطأك في حق الآخرين وتطلب غفرانهم.. لذا قال بعتاب
_انت بجد مش شايفاني سندك ياهند وهان عليك تقوليها
أشاحت بوجهها عنه قائلة بحزن
_اللي شفته من امبارح مخليني في دوامة مبقتش عارفة فيها مين معايا ومين ضدي وليه بيحصل معايا كل ده في يومين اتحولت من عروسة سعيدة في حياتها لواحدة بينها وبين المۏت خطوتين.....
أسرع يمسك يدها مقاطعا إياها قائلا
_متقوليش كدة.. بعيد الشړ عليكي.. انت هتتعالجي وهتبقى زي الفل.
نظرت إليه قائلة بحزن
_انت بتضحك عليا ولا على نفسك اللي بيجيلهم المړض ده بيموتوا نسبة قليلة قوي اللي بتعيش والنسبة دي بيبقى مع اصحابها فلوس كتيرة يقدروا يتعالجوا بيها وينجوا نفسهم من المۏت.
_لو هبيع اللي ورايا واللي قدامي.. هدفع كل مليم حيلتي عشان تتعالجي.
طالعته تقاوم هذا الأمل الذي انبثق من كلماته ترغب في تصديق أنها يوما ما ستنجو حقا من هذا المړض اللعېن وتعود إلى حياتها الطبيعية مرة أخري ولكن هذه التجارب التي لطالما سمعت عنها تدحض أملها وتخيبه لذا اكتفت بهزة رأس خفيفة باهتة منحته إياها وقبل ان تقول شيئا سمعت طرقات على باب الحجرة ثم دلفت خالتها تتبعها صفية تقول الأولى پألم
_ياضنايا يابنتي قلتلكم عين وصابتكم يابناتي مصدقتونيش..
جلست جوارها تقول بلوعة
_حاسة بإيه يابنتي طمنيني عليكي.
أسرعت هند ترتمي بحضنها تبكي بقوة بينما طالعهما كل من عادل وصفية بقلة حيلة حتى سكبت هند دموعها في صدر خالتها قبل أن تخرج من حضنها قائلة
_انت عرفتي منين اني في المستشفى ياخالتي
طالعت خالتها عادل بحنق قائلة
_كلمت البيت حماتك ردت عليا وقالتلي انك في المستشفى ولما سألتها كفى الله الشړ.. مالها هند قالتلي تلاقيها بتدلع زي عوايدها.. كلمت جوزك تليفونه كان مقفول.. اټجننت. . كلمت المستشفي رد عليا دكتور عزيز و قاللي على حالتك جيت جري انا وصفية اللي ياكبدي اول ماعرفت نطت من السرير وجت معايا جري.
أشاح عادل بوجهه يدرك هذا اللوم الخفي علي أمه في كلمات السيدة نبيلة لم يستطع تحمله رغم ادراكه خطأ والدته ليخرج من الحجرة متضايقا فقالت صفية مؤنبة والدته
_مكنش ليه لزوم الكلام ده ياماما.. أهو عادل زعل.
_بس يابت.. انت مسمعتيش حماتها كلمتني ازاي.. ولية قرشانة مش عارفة حبيبتي هند مستحملاها ازاي.
أطرقت هند بحزن قائلة
_ربنا يسامحها بقى.. أنا مش عارفة هي عايزة ايه بالظبط
قالت خالتها
_ودي فيها كلام عايزة تفرق بينك وبين جوزك عشان تجوزه الغندورة بنت عمه.. انت نسيتي لما جت تخطبك قعدت تشعر فيها ازاي وتتحسر على أنها مطلعتش من نصيب ابنها.. والله لولا انك كنت بتحبي عادل وهو كمان بيحبك كنت طردتها من البيت بالمقشة البلح اللي بكنس بيها السلم.
قالت هند بوهن وقد شعرت ببعض التعب
_الظاهر انها هتحقق أمنيتها وتخلص مني وساعتها هتجوزهاله وترتاح.
قالت صفية ونبيلة في ذات الوقت
_بعيد الشړ عنك ياهند.
لتردف خالتها قائلة
_يابنتي متقوليش كدة.. خلي أملك في الله كبير.. هو قادر يشفيكي ويعافيكي ويخرجك من ازمتك على خير.
لتقول صفية بحنان
_انت مش قلتيلي اني لازم يبقى عندي يقين في رحمة ربناو اني سندك ياهند
هزت هند رأسها فمدت لها صفية يدها مردفة
_خلاص يبقى ايدي في ايدك هنحارب مرضنا انت الجسدي وانا النفسي وبإذن الله ربنا هيعينا وهننتصر.. قلتي ايه ياهنودة
ابتسمت هند وهي تمد يدها إلى ابنة خالتها لتتشابك الأنامل تشعر برغبة حقيقية في العلاج تستمد قوتها من حب رأته يحيطها ليكون الحب في هذا الوقت هو الداعم لها في محنتها.. ابتسمت نبيلة وهي تضع يدها على أيديهم المتشابكة تقول بحب
_توكلنا على الله.
وكفي بالله وكيلا.
يتبع
الفصل الخامس
_لسة برضه بتضايقك بكلامها
تنهدت هند قائلة
_اتعودت خلاص ومبقتش تفرق معايا ياصفية يمكن مرضى صغر كل حاجة في عينيا حتى كلام حماتي.
قالت صفية بحزن
_ربنا يشفيكي ويعافيكي ياحبيبتي.
_يارب..المهم سيبك مني وقوليلي مش آن الأوان تنزلي الشغل من تاني ترجعي لحياتك وتشغلي وقتك عشان تنسى أحزانك.
_ومن امتى الشغل بينسينا الحزن اللي كاسر قلوبنا ياهند مش كل الحزن ممكن نمحيه من روحنا او نشغل بالنا عنه أول ماهيضمنا الصمت هيحاوطنا بكل قوته ويعذبنا من أول وجديد.
_وبعدين ياصفية حالك مش عاجبني