قصة كاملة بقلم سهيلة ( الجيران ) كاملة
صدقني لما تقرب مني هتكرهني
هيثم انا مستحيل اكرهك !
فاطمة لا هتكرهني .. لما اتعامل معاك ب برود وانعدام مشاعر هتكرهني ومش عشان انت هيثم دة عشان مبقاش في حاجة جوايا اديها لحد
هيثم وليه تعملي ف نفسك كدة مهو سافر واتغنى واكيد البنات حواليه بالهبل وصوره مالية النت وسابك وعايش .. ليه متعيشيش انتي كمان بقا !!
هيثم واخرتها
فاطمة متخافش لا هكون ليك ولا ل غيرك
هيثم انتي كدة بتدخلينا ف حيطة سد
فاطمة لا نهائي انا بوضحكلك كل حاجة عشان متتعشمش وعشان فعلا منوصلش ل حيطة سد
هيثم يعني دة اخر كلام عندك
فاطمة اه ي هيثم
هيثم ب تنهيدة ويأس ماشي ي فاطمة .. الي تشوفيه
شهاب ب استغراب رايحة فين !
مريام داخلة المطعم
شهاب مطعم ايه هو فين !
مريام بنمشي الممر دة للاخر وبعدين تلاقيه
شهاب وهو ماشي جنبها اول مرة اعرف ان في مطعم هنا !!
مريام هو مستخبي شوية بس هيعجبك اوي
يدخلوا المطعم عبارة عن مخدات كبيرة ف الارض والناس قاعدين ف الارض والسيرڤس لابسين لبس البدو
مريام ايه رأيك ف الاستايل دة
شهاب ب اعجاب حلو جدا
مريام هتعرف تقعد ع الارض ولا نقعد فوق
شهاب لا بحب قاعدة الارض
يقعدوا ع المخدات ف الارض يجيلهم براد شاي وكوبيات صغيرة تقرب مريام تصب ل شهاب وتديهوله وبعدين تصب ل نفسها
مريام عشان شاي عرباوي دة المشروب الضيافي بتاع المكان
شهاب امممم بس حلو
مريام اومال لو دوقت الاكل بقا هنا يجنن
شهاب اشطااا نتعشى هنا
مريام دة انت داخل ع طمع بقا
شهاب انا مازالت معزوم مش دافع مكافأة
مريام طب خليك عارف انا مش هدفع اكتر من حق الشاي
مريام هههههه بالظبط كدة ي شبح
شهاب خلاص هعزمك انا ع العشا .. شكلك غلبان
مريام باين عليا اوي كدة
شهاب وهو بيبص ل رجليها باين ع بنطلونك
مريام لابسة بنطلون كاتينج
مريام هههههه ماشي
يسكت شهاب دقيقة
شهاب مريام
شهاب عاوز انزل مصر
مريام وحشتك
شهاب اوي
مريام ب زعل بس انت لو نزلت مصر انا هكون هنا لوحدي .. وانا مصدقت بقالي حد هنا اقرفه
شهاب تعالي معايا واهو اعتبريها فسحة
مريام اكيد اهلي مش هيرضوا طبعا
شهاب قوليلهم سفر تبع الشغل كام يوم وراجعة
مريام وانت هترجع كمان كام يوم !
شهاب انا بس نفسي اشوفها هي واهلي
مريام طيب هحاول اكلمهم مع اني متأكدة انهم هيرفضوا
شهاب لا هيوافقه ان شاء الله
مريام يارب
يسكت شهاب
مريام حنيت
يبصلها ويضير وشه ويبص ف الارض
شهاب ب تنهيدة انا مقستش عشان احن
مريام بس فاتت فترة كان ممكن قلبك يقسى وينسى
شهاب معرفتش .. يمكن عشان انا الي جارحها
مريام ب استغراب حتى رغم المسافات الي بينكم !
شهاب عمر المسافات م قست حد .. الي ف القلب هيفضل ف القلب
مريام انت بتحبها اوى
شهاب اوي
تعدي الايام ف الطيارة قاعد شهاب وجنبه مريام
شهاب اهلك بيعشقوكي
مريام ب احراج احم اه .. اوي
شهاب انا خاېف
مريام من ايه !
شهاب انتي عارفة ان عصام بيعرفني اخبارها دايما بس انا خاېف م المقابلة
مريام بص هي كدة كدة مش هترضى تقابلك بسبب الي فات ف سيبها تيجي بالصدفة احسن
شهاب ب تنهيدة ماشي
يبص من شباك الطيارة جنبه يعدي الوقت هند ف البيت بتتكلم ف الفون
مروان حكيت ل ماما عنك متشوقة تشوفك اوي
هند ب نفس طويل بص ي مروان
مروان نعم
هند انا فاهمة كلامك دة وفاهمة قصدك
مروان يعني انتي عارفة اني بحبك
تتفاجئ هند وقلبها يدق بسرعة
هند لأ .. بس كنت حاسة انك بتلمح ل كدة
مروان وانتي رأيك ايه
هند انا مش عوزاك تتعشم فيا
مروان ب ضيق ليه ي هند !
هند ب تردد عشان .. عشان انا شيلت من بالي حوارات الحب دي من زمان اوي
مروان يعني مش عشان انا متحبش او انسان مش كويس
هند لا طبعا انت انسان كويس ومحترم وتتحب
الحلقة الثانية والثلاثون ٣٢
مروان يبقا مفيش حاجة اسمها شيلت من بالي حوارات الحب !
هند لا في .. انت مش فاهم
مروان فهميني طيب !!
تسكت
مروان بتحبي حد تاني
هند ب كسرة كنت ومحصلش نصيب
مروان ودة مأثر فيكي لحد دلوقتي ومش عارفة تنسيه
هند لا والله هو بقا زي اخويا خلاص وشيلت الموضوع من بالي
مروان ب حيرة اومال ايه طيب
هند كل الحكاية اني خاېفة اظلمك .. انا معرفش هقدر احب تاني او لأ .. منكرش اني معجبة بيك جدا وبشخصيتك بس بردوا خاېفة وعليك مش عليا
مروان طب ممكن تديني فرصة .. لو مرتحتيش مش هغصبك وابعدي وقتها
هند ب حيرة مش عارفة .. انا بردوا مش عاوزة اجرحك مش عاوزة اقول اجرب ولو منفعش ابقا أذيتك
مروان ي ستي انا قابل مهو الحب مش بالعافية وانا حبيتك مش يمكن انتي كمان تحبيني .. بس ع الاقل افتحي قلبك بس
هند ب ابتسامة حاضر
يوصل شهاب ومريام مصر يحجزوا ف اوتيل يستقبلهم شخص
تميم حمدلله ع السلامة ي شهاب باشا
شهاب وهو داخل الفندق الله يسلمك .. جهزتلي الي قلتلك عليه
تميم اه ي باشا الڤيلتين جاهزين
شهاب معلش بقا زنقتك ف الوقت
تميم انت عارفني بتاع المهمات الصعبة
شهاب وهو بيقف قدام الاسنسير المهم زي م قلتلك ف الفرش
تميم اه ڤيلا فيهم ل اربع افراد وڤيلا حضرتك وبعتلك العنوان ع الواتساب تقدر تروح ف اي وقت تشوفهم
شهاب ماشي ي تيمو .. اشوفك بكرة
تميم تؤمر ي باشا عن اذنك
يمشي تميم ويطلع شهاب هو ومريام يعدي الوقت وييجي الليل مريام ف اوضتها يخبط الباب تقوم تفتح
مريام انت لسة ممشيتش !!
شهاب ب قلق م تيجي معايا
مريام لا طبعا هي لسة متعرفنيش انا عوزاك تبعد عن اي بنات حاليا والا هتخرب الدنيا اكتر
شهاب ب اقتناع ايوة صح .. طيب ادعيلي
مريام ربنا هيحنن قلبها ان شاء الله
شهاب ب تنهيدة يارب
يمشي شهاب ف شقة كارمن قاعدة كارمن بتشرب سجاير وويسكي يخبط باب الشقة تطفي السېجارة وتقوم تفتح تلاقي شاب
راغب مساء الفل
ملحوظة .. راغب شاب وسيم بشرته قمحية شعره اسود طويل جسمه ضخم ورياضي كان من رجالة كارمن
كارمن وهي بتدخل تعالي
راغب وهو بيقفل الباب ايه الجميل ماله كدة
كارمن ماليش
راغب جايبلك خبر ب مليون جنيه
كارمن وهي بتقعد للي معاه
راغب وهو بيقعد قصادها ايه ام الكئابة دي هو انتي اول واحدة تطلق م عادي دة
