الفصل 25 من رواية حب بلا حدود بقلم الكاتبة حبيبة الشاهد

في منزل عائلة الشنش 
في شقة شمس فتون كانت قاعده على السرير و سنده ضهرها على السرير و بتفتكر شكل جنه و هي لبسه الابيض اتنهديت بحزن شديد انها اقل حقوقها و احلامها مقدرتش تحققها
جمال قعد جنبها و مسك وشها و خلاها تبصله لما لاقها شارده و اتكلم بستغرب 
سرحانه في ايه من ساعت ما جينا من الفرح و انتي قاعده القاعده دي

فتون حاولة تبتسم و اتكلمت بهدوء
لا خالص انا بس بفكر امتا هنطلع شقتنا فوق
جمال اتعدل في قعدته و بصلها و قال
ليه انتي مش مرتاحه في قعدتك هنا
فتون 
بالعكس انا مرتاحه اوي بس مينفعش نطول اكتر من كدا انا مبخدش راحتي بسبب اكرم و حاسه انوا برضو مش قاعد بحريته هنا و طول الوقت حابس نفسه في الاوضه لاني بكون قاعده برا
ملكيش دعوه ب اكرم هو مرتاح كدا 
قوليلي بتفكري في ايه.. ايه اللي شاغل بالك مش موضوع شقه او اكرم انتي فيكي حاجه متغيره من وقت ما كنا في الاوتيل
فتون بتنهيده حزينه
كان نفسي البس الابيض زي جنه طول عمري بحلم باليوم اللي هيجي و البس فيه الابيض و ابقا عروسه
جمال حس بحزن شديد و ڠضب من نفسوا بسبب انه حرامها من اقل احلامها
وعد مني اعملك كل اللي انت عايزه بس افضي كل المشاكل اللي حولينا
فتون رفعت وشها بصتله عن قرب و اتكلمت ببراءة 
مشاكل ايه اللي انت فيها حصلت حاجه جديده
جمال بصلها عن قرب و اتكلم بتوهاه
انتي اكبر مشاكلي بفكر ازاي ابعد عنك اي حد عايز يأذيكي و ازاي احافظ عليكي و تفضلي طول العمر في حضڼي
اتوردت منه و نزلت وشها من فرط خجلها مسك وشها بين كفوفه و رفعه بصلها في عينيها بهيام
انتي مخليه كل حاجه فيا بتنطق بأسمك و عايزكي معرفش اللي انا فيه دا اسمه ايه ساميه جنان ساميه حب مش فارق معايا المهم انك متبعديش عن حضڼي لحظه واحده
سند جبينه على جبينها و هو مغمض عينيه و همس بعشق و صدق
فتون انا بحبك
ابتسمت برقه و بعديت عنوا بخجل و همسيت بدون وعي و هي تايه فيه
و انا كمان بحبك يا جمال
جمال حس انوا قلبه هيقف من الفرح و اتكلم بعشق
و انا اكتشفت اني بعشقك يا فتون و هفضل محافظ عليكي لحد ما اعملك احلى و اجمل فرح يليك بيكي
سنديت راسها على كتفه و حاوطة بايديها ضهره و اتكلم بحنان
قوليلي نفسك في ايه تاني و انا انفذ
فتون لمعت عينيها بسعاده
نفسي ارجع المدرسه و اكمل تعليم و ادخل الكليه اللي نفسي ادخلها
جمال بحنيه 
نفسك تبقي ايه كمان كام سنه
فتون رفعت وشها بصتله و اتكلمت برقه
نفسي