اسكريبت جديد امواج حبك مكتملة لجميع فصول بقلم مجهول

يا بنتي بطلي الخۏف ده و قولي لخالتك ان جوزها يا موج سكوتك ده غلط علي الراجل اللي ربنا ياخده ده
كلمتها و انا برتجف خاېفة ارجع تاني وهو هناك دلوقتي
حضنتها و طبطبت عليها طب اهدي اهدي و اشربي مياه
قعدت اغير معاه مجري الكلام لحد ما هديت و رجعت فتحتها تاني في الموضوع
ايه اللي بيجبرك انك تعيشي معاهم اهربي و سيبي لهم المكان ده خالص
خالتو وصية ماما يا مني و البيت ده بيتي فيه كل ذكريات عمري مع اهلي انا مستحيل اسيبله بيتي
طب علي الاقل عرفي خالتك انه بيتعرضلك
هتعمله ايه خالتو ما انتي عارفة انها قاعدة علي كرسي متحرك و مش بتتحرك مش هتقدر تعمله حاجه وهما من وقت ما اهلي اتوفوا و هما معايا يعني البيت بيتي مش بيتهم

طب احمد كان فين النهاردة هو اللي كان بيوقفله ع طول
احمد اتأخر في شغله النهاردة وهو استغل ان احمد مش موجود و كان عايز يأذيني
طب انتي شايفة ايه ناوية علي ايه 
مش عارفة صدقيني مش عارفة اعمل اي حاجه
اسمي موج عندي 20 سنة خلصت ثانوي تجاري من سنتين كنا عايشين انا و والدي و والدتي في شقة ملك في عمارة العمارة كل شقة فيها ملك لصاحبها لحد والدي و والدتي توفوا من سنة و عرفت ان اول وصية لماما ان خالتو تعيش في شقتنا لانها بيتها كان قايل للسقوط و بالفعل وقع و خالتو و جوزها و ابنها احمد جم عشان يعشوا معايا و من وقتها كل حاجه اتغيرت بقيت احس ان البيت بيتهم هما بكنس و امسح و اغسل و انضف و ممرضة لخالتو كل حاجه عليا خالتو بتقدر مني كده و احمد بيساعدني كتير و اوقات تعبي هو اللي بيتكلف بكل حاجه مرت كام شهر و لقيت نظرات جوز خالتو اسماعيل بتتغير بنظرات مش طبيعية مريبة بقيت اقلق اقعد قدامه و البس اسدال طول الوقت لحد ما الوضع اتغير بدأت
احكي لاحمد و احمد مصدقنيش ف الاول لكن ربنا كشف جوز خالتي قدام احمد بموقف عمله و من وقتها احمد غير مواعيد شغله عشان تكون زي مواعيد شغل ابوه و يقدر يكون موجود قبله في البيت كمان احمد اخويا الكبير و صاحبي الوحيد بعد مني 
كنت راجعة من عند مني و لقيت عربية قدام البيت بينزل من عليها كراتين و حاجات كتير
ايه الحاجات اللي بتطلع دي يا عم شاهين !
ده حاجات الساكن الجديد يا ست موج هيسكن في الشقة اللي قدام شقتك
هو استاذ كريم باع شقته 
اها باعها عقبال امالتك سافر بلاد بره و الساكن الجديد اشتراها منه
طب تمام ابقي اطلعلي عشان عايزاك تشتري ليا شوية طلبات
حاضر يا ست هانم
طلعت و لسه هفتح الباب لقيت حد بيتكلم
مساء الخير !
اتلفت و بصتله كان شاب طويل في اواخر العشرين لابس بنطلون كافيه و قميص ابيض و عنده دقن بسيطة بيبصلي وهو بيبتسم بصتله و رجعت بصيت للمفاتيح تاني مساء النور
انا جاركم الجديد و اسمي
كان الباب اتفتح دخلت و وقفت ورا الباب تشرفنا عن اذنك
قفلت الباب و دخلت بقي عندي من القرب من اي راجل من بعد ما اهلي اتوفوا و انا حاسة اني كان عليا ستارة مغطياني و ستراني وفجأة بقيت مطمع لكل اللي حواليا اولهم جوز خالتي
مر اسبوع و كنت واقفة بنشر و فجأة ظهر ورايا عمي اسماعيل اټخضيت و صړخت
ايه يا حلوة اټخضيتي